കോവിഡ്​ മരണം: ഞങ്ങളല്ല, ചൈനയാണ്​ നമ്പർ വൺ -ട്രംപ്​

വാഷിങ്​ടൺ: കോവിഡ്​ മരണ നിരക്കിൽ അമേരിക്കയല്ല ചൈനയാണ്​ ഒന്നാമതെന്ന്​ അമേരിക്കൻ പ്രസിഡൻറ്​ ഡോണൾഡ്​ ട്രംപ്​. വൈറ്റ് ഹൗസിൽ ശനിയാഴ്​ച നടന്ന വാർത്ത സമ്മേളനത്തിലാണ്​ കണക്കുകൾ ചൂണ്ടിക്കാട്ടി ട്രംപി​​​െൻറ ആരോപണം.

യു.എ സ്​ കൊറോണ സെൽ ചുമതലയുള്ള ഡോ. ഡെബോറ ബിർക്സ് കോവിഡ്​ മരണ സ്ഥിതി വിവരക്കണക്കുകൾ അവതരിപ്പിക്കുന്നതി​നിടെ പ്ര സിഡൻറ്​ ഇടപെടുകയായിരുന്നു. ചൈനയുടെ ഔദ്യോഗിക കണക്കുകൾ അസാധ്യമാണെന്നായിരുന്നു ട്രംപി​​​െൻറ അഭിപ്രായം. ഡോ. ഡെബ ോറ അവതരിപ്പിച്ച ചാർട്ടി​​​െൻറ ചുവടെ ഒരു ലക്ഷം പേർക്ക്​ 0.33 എന്ന ചൈനയുടെ മരണനിരക്ക് ചൂണ്ടിക്കാണിച്ച ട്രംപ്, 'ആരെങ്കിലും ഈ നമ്പർ വിശ്വസിക്കുന്നുണ്ടോ?' എന്നും ചോദിച്ചു. ഇതി​​​െൻറ വിശ്വാസ്യതയില്ലായ്മ സൂചിപ്പിക്കാൻ ഒരു നക്ഷത്രചിഹ്നം അടയാളപ്പെടുത്തിയിരുന്നു. യു.എസിൽ 1,00,000 ആളുകൾക്ക് 11.24 എന്നതാണ്​ മരണനിരക്ക്. 45.2 നിരക്കുള്ള ബെൽജിയമാണ്​ മുന്നിൽ.

ട്രംപി​​​െൻറ സംശയത്തെ ഡോ. ഡെബോറയും പിന്തുണച്ചു. 'ചൈനയുടെ കണക്ക്​ എത്രത്തോളം യാഥാർഥ്യ ബോധമില്ലാത്തതാണെന്ന് നിങ്ങൾക്ക് കാണാൻ കഴിയും’ എന്നാണ്​ അവർ പറഞ്ഞത്​. യു.കെ, ബെൽജിയം, ഫ്രാൻസ്, സ്‌പെയിൻ എന്നിവിടങ്ങളിൽ മികച്ച ആരോഗ്യ സംരക്ഷണ 20 മുതൽ 45 വരെയാണ്​ മരണനിരക്ക്. വുഹാനിൽ അവസാനം വർധിപ്പിച്ച 50 ശതമാനം മരണം ഉൾപ്പെ​ടെ കൂട്ടിയിട്ടും ചൈന 0.33 ആണ്​ കാണിക്കുന്നത്. കണക്കുകളിൽ സുതാര്യതയുടെ അഭാവമുള്ളതായും അവർ ആരോപിച്ചു.

മഹാമാരിയെ പ്രതിരോധിക്കുന്നതിൽ കണക്കുകൾക്ക്​ അതി​േൻറതായ പങ്കുണ്ടെന്നും വിവരങ്ങൾ പങ്കിടാതിരിക്കാൻ ഒഴിവുകഴിവി​ല്ലെന്നും ഡോ. ഡെബോറ പറഞ്ഞു. രോഗം തുടങ്ങിയ​ ആദ്യത്തെ രാജ്യമെന്ന നിലയിൽ, അതിനെക്കുറിച്ച് സംസാരിക്കുക മാത്രമല്ല വിശ്വസനീയമായി പ്രതികരിക്കുന്നതിനും ലോകത്തി​​​െൻറ മറ്റു ഭാഗങ്ങളിലുള്ളവർക്ക്​ നിർണായക വിവരങ്ങൾ നൽകുന്നതിനുമുള്ള ധാർമ്മിക ബാധ്യത ചൈനക്കുണ്ട് -ഡോക്​ടർ കൂട്ടിച്ചേർത്തു.

കൊറോണ വുഹാനിലെ ലാബിൽ നിന്ന് പുറത്തായതാണോ എന്നതു സംബന്ധിച്ച്​ അമേരിക്ക അന്വേഷണം നടത്തുന്നതായും ട്രംപ്​ പറഞ്ഞു.