താലിബാൻ അഫ്​ഗാൻ കീഴടക്കുന്നതിന്‍റെ തൊട്ടുമുമ്പ്​ ബൈഡനോട്​ അഷ്​റഫ്​ ഗനി പറഞ്ഞതിതാണ്​; അവസാന ഫോൺ സംഭാഷണം പുറത്ത്​

വാഷിങ്​ടൺ: താലിബാൻ അഫ്​ഗാനിസ്​താൻ കീഴടക്കുന്നതിന്​ തൊട്ടുമുമ്പ്​ പ്രസിഡൻറായിരുന്ന അഷ്​റഫ്​ ഗനിയും യു.എസ്​ പ്രസിഡൻറ്​ ജോ ബൈഡനും തമ്മിൽ നടന്ന ഫോൺ സംഭാഷണം പുറത്തുവിട്ട്​ റോയി​ട്ടേഴ്​സ്​ വാർത്ത ഏജൻസി. ഇരുവരും ജൂലൈ 23ന്​ നടത്തിയ ഫോൺ സംഭാഷണത്തി​െൻറ വിവരങ്ങളാണ്​ പുറത്തുവിട്ടത്​.

14 മിനിറ്റ്​ നീണ്ട സംഭാഷണത്തിൽ രാജ്യങ്ങൾ തമ്മിലെ രാഷ്​ട്രീയ-നയതന്ത്ര-സൈനിക വിഷയങ്ങളാണ്​ ചർച്ചയായത്​. സംഭാഷണത്തിൽ അഫ്​ഗാൻ പിടിച്ചടക്കാൻ താലിബാന്​ പാകിസ്​താ​െൻറ സഹായം ലഭിച്ചതായി ഗനി സൂചിപ്പിച്ചു​. പൂർണമായും പാകിസ്​താ​െൻറ ആസൂത്രണത്തിലും ആയുധബലത്തിലുമാണ്​ താലിബാ​െൻറ മുന്നേറ്റം. 10,000 മുതൽ 15,000 വരെ പാക്​ തീവ്രവാദികൾ അഫ്​ഗാനിൽ എത്തിയിട്ടുണ്ടെന്നും ഗനി പറയുന്നുണ്ട്​​.

താലിബാനെ ചെറുക്കുന്നുണ്ടെന്ന്​ ലോകത്തെ ബോധ്യപ്പെടുത്താനും അതിലൂടെ ജനങ്ങളുടെ കാഴ്​ചപ്പാട്​ മാറ്റാനും ശ്രമിക്കണമെന്നാണ്​​ ഗനിക്ക്​ ബൈഡ​െൻറ ഉപദേശം. താലിബാനെതിരെ കൃത്യമായ സൈനികതന്ത്രം രൂപവത്​കരിക്കാനും ശക്​തനായ യോദ്ധാവിനെ മുന്നിൽനിർത്തി നീക്കങ്ങൾ നടത്താനും ബൈഡൻ പറയുന്നുണ്ട്​​. യു.എസ്​ അഫ്​ഗാന്​ തുടരുന്ന നയതന്ത്ര-രാഷ്​ട്രീയ-സാമ്പത്തിക സഹായങ്ങൾ തുടരുമെന്നും ബൈഡൻ ഉറപ്പുനൽകുന്നുണ്ട്​.