ട്രംപ് ഭരണത്തിന് മുമ്പ് കടുത്ത യു.എസ് വിരുദ്ധ നയം നടപ്പാക്കും –ഉത്തര കൊറിയ

പ്യോ​ങ്‌​യാ​ങ്: യു.​എ​സ് പ്ര​സി​ഡ​ന്റാ​യി ഡോ​ണ​ൾ​ഡ് ട്രം​പ് അ​ധി​കാ​ര​മേ​ൽ​ക്കു​ന്ന​തി​നു മു​മ്പാ​യി ക​ടു​ത്ത യു.​എ​സ് വി​രു​ദ്ധ ന​യം ന​ട​പ്പാ​ക്കു​മെ​ന്ന് ഉ​ത്ത​ര കൊ​റി​യ​ൻ നേ​താ​വ് കിം ​ജോ​ങ് ഉ​ൻ. ഭ​ര​ണ​ക​ക്ഷി​യാ​യ വ​ർ​ക്കേ​ഴ്സ് പാ​ർ​ട്ടി​യു​ടെ അ​ഞ്ചു ദി​വ​സ​ത്തെ പ്ലീ​ന​റി യോ​ഗ​ത്തി​ലാ​ണ് യു.​എ​സ് വി​രു​ദ്ധ​ന​യം ക​ടു​പ്പി​ക്കു​ന്ന​തി​നു​ള്ള സൂ​ച​ന കിം ​ന​ൽ​കി​യ​ത്. ‘ക​മ്യൂ​ണി​സ്റ്റ് വി​രു​ദ്ധ​ത മാ​റ്റ​മി​ല്ലാ​ത്ത ദേ​ശീ​യ​ന​യ​മാ​യി ക​ണ​ക്കാ​ക്കു​ന്ന ഏ​റ്റ​വും പി​ന്തി​രി​പ്പ​ൻ രാ​ഷ്ട്രം’ എ​ന്ന് കിം ​യു.​എ​സി​നെ വി​ശേ​ഷി​പ്പി​ച്ചു. യു.​എ​സ്-​ദ​ക്ഷി​ണ കൊ​റി​യ-​ജ​പ്പാ​ൻ പ​ങ്കാ​ളി​ത്തം ആ​ണ​വ സൈ​നി​ക സം​ഘ​മാ​യി വി​ക​സി​ക്കു​ക​യാ​ണെ​ന്നും കിം ​പ​റ​ഞ്ഞു.

ഏ​ത് ദി​ശ​യി​ലാ​ണ് ന​മ്മ​ൾ മു​ന്നേ​റേ​ണ്ട​തെ​ന്നും എ​ന്ത് ചെ​യ്യ​ണ​മെ​ന്നും ഈ ​യാ​ഥാ​ർ​ഥ്യം വ്യ​ക്ത​മാ​യി കാ​ണി​ക്കു​ന്നു​വെ​ന്ന് കിം ​പ​റ​ഞ്ഞ​താ​യി ഔ​ദ്യോ​ഗി​ക കൊ​റി​യ​ൻ വാ​ർ​ത്താ ഏ​ജ​ൻ​സി റി​പ്പോ​ർ​ട്ട് ചെ​യ്തു. ഉ​ത്ത​ര കൊ​റി​യ​യു​ടെ ദീ​ർ​ഘ​കാ​ല ദേ​ശീ​യ താ​ൽ​പ​ര്യ​ങ്ങ​ൾ​ക്കും സു​ര​ക്ഷ​ക്കും വേ​ണ്ടി​യു​ള്ള ‘അ​മേ​രി​ക്ക​ൻ വി​രു​ദ്ധ’ പോ​രാ​ട്ട​ത്തി​ന്റെ ഏ​റ്റ​വും തീ​വ്ര നി​ല​പാ​ടി​ലേ​ക്ക് രാ​ജ്യം പോ​വു​ന്ന​താ​യി കി​മ്മി​ന്റെ പ്ര​സം​ഗം വ്യ​ക്ത​മാ​ക്കി.

ട്രം​പി​ന്റെ വൈ​റ്റ് ഹൗ​സി​ലേ​ക്കു​ള്ള തി​രി​ച്ചു​വ​ര​വ് ഉ​ത്ത​ര കൊ​റി​യ​യു​മാ​യു​ള്ള ന​യ​ത​ന്ത്ര​വു​മാ​യി ബ​ന്ധ​പ്പെ​ട്ട ചോ​ദ്യ​ങ്ങ​ൾ ഉ​യ​ർ​ത്താ​ൻ തു​ട​ങ്ങി​യി​ട്ടു​ണ്ട്. ത​ന്റെ ആ​ദ്യ ടേ​മി​ൽ ആ​ണ​വ പ​ദ്ധ​തി​യെ​ക്കു​റി​ച്ചു​ള്ള ച​ർ​ച്ച​ക​ൾ​ക്കാ​യി ട്രം​പ് മൂ​ന്നു​ത​വ​ണ കി​മ്മു​മാ​യി കൂ​ടി​ക്കാ​ഴ്ച ന​ട​ത്തി​യി​രു​ന്നു. യുക്രെ​യ്നി​നെ​തി​രാ​യ റ​ഷ്യ​യു​ടെ യു​ദ്ധ​ത്തി​ന് ഉ​ത്ത​ര​കൊ​റി​യ​യു​ടെ പി​ന്തു​ണ​യും ന​യ​ത​ന്ത്രം പു​ന​രു​ജ്ജീ​വി​പ്പി​ക്കാ​നു​ള്ള ശ്ര​മ​ങ്ങ​ൾ​ക്ക് വെ​ല്ലു​വി​ളി ഉ​യ​ർ​ത്തു​മെ​ന്ന് വി​ദ​ഗ്ധ​ർ ചൂ​ണ്ടി​ക്കാ​ട്ടു​ന്നു.