തുടച്ചുനീക്കുന്നു; 18 ലക്ഷം ഫലസ്തീനികളുള്ള തെക്കൻ ഗസ്സയിൽ കൂട്ട ഒഴിപ്പിക്കലുമായി ഇസ്രായേൽ

ഗ​സ്സ സി​റ്റി: ര​ണ്ടു മാ​സം പൂ​ർ​ത്തി​യാ​കാ​ന​ടു​ത്തി​ട്ടും ആ​യി​ര​ക്ക​ണ​ക്കി​ന് സി​വി​ലി​യ​ന്മാ​രെ കു​രു​തി ന​ട​ത്തു​ക​യും വീ​ടു​ക​ളും ആ​ശു​പ​ത്രി​ക​ളും ആ​രാ​ധ​നാ​ല​യ​ങ്ങ​ളും ത​ക​ർ​ക്കു​ക​യും ചെ​യ്ത​ത​ല്ലാ​തെ നേ​ട്ടം അ​വ​കാ​ശ​പ്പെ​ടാ​നി​ല്ലാ​ത്ത ഇ​സ്രാ​യേ​ൽ സൈ​ന്യം ഇ​പ്പോ​ൾ തെ​ക്ക​ൻ മേ​ഖ​ല​യി​ൽ ത​മ്പ​ടി​ക്കു​മ്പോ​ൾ ഉ​യ​രു​ന്ന​ത് സ​മ്പൂ​ർ​ണ ഒ​ഴി​പ്പി​ക്ക​ൽ യ​ജ്ഞ​മെ​ന്ന സൂ​ച​ന. 18 ല​ക്ഷ​ത്തോ​ളം ഫ​ല​സ്തീ​നി​ക​ളാ​ണ് തെ​ക്ക​ൻ ഗ​സ്സ​യി​ലു​ള്ള​ത്.

ഓ​രോ ഇ​ഞ്ച് ഭൂ​മി​യി​ലും അ​ഭ​യാ​ർ​ഥി​ക​ളെ​ന്ന​താ​ണ് നി​ല​വി​ലെ സ്ഥി​തി. ഏ​ത് ആ​ക്ര​മ​ണ​വും നി​ര​പ​രാ​ധി​ക​ളാ​യ നി​ര​വ​ധി സി​വി​ലി​യ​ന്മാ​രു​ടെ ജീ​വ​നെ​ടു​ക്കു​മെ​ന്നു​റ​പ്പ്. എ​ന്നി​ട്ടും വ്യോ​മാ​ക്ര​മ​ണ​ത്തി​നൊ​പ്പം ക​ര​സേ​ന​യെ കൂ​ടി മേ​ഖ​ല​യി​ൽ എ​ത്തി​ച്ചാ​ണി​പ്പോ​ൾ മ​ഹാ​നാ​ശം തു​ട​രു​ന്ന​ത്.

ഫ​ല​സ്തീ​നി​ക​ളെ സ​മ്പൂ​ർ​ണ​മാ​യി ഒ​ഴി​പ്പി​ക്ക​ലാ​ണ് നീ​ക്ക​മെ​ന്ന റി​പ്പോ​ർ​ട്ടു​ക​ൾ ഇ​സ്രാ​യേ​ൽ സൈ​ന്യം ത​ള്ളു​ന്നു​ണ്ട്. ആ​ക്ര​മ​ണം ന​ട​ക്കു​ന്ന മേ​ഖ​ല​ക​ളി​ൽ​നി​ന്ന് ഒ​ഴി​ഞ്ഞു​പോ​കാ​നാ​ണ് നി​ർ​ദേ​ശം ന​ൽ​കു​ന്ന​തെ​ന്നും അ​ത് എ​ന്നെ​ന്നേ​ക്കു​മ​ല്ലെ​ന്നു​മാ​ണ് വി​ശ​ദീ​ക​ര​ണം. സു​ര​ക്ഷി​ത ഇ​ട​ങ്ങ​ൾ കു​റ​വാ​ണെ​ന്ന് അ​റി​യാ​മെ​ന്നും അ​വ​ർ ഈ​ജി​പ്തി​ലേ​ക്ക് നാ​ടു​വി​ട​ണ​മെ​ന്ന് ആ​വ​ശ്യ​പ്പെ​ട്ടി​ട്ടി​ല്ലെ​ന്നും ഇ​സ്രാ​യേ​ൽ സൈ​നി​ക വ​ക്താ​വ് ജൊ​നാ​ഥ​ൻ കോ​ൺ​റി​ക​സ് പ​റ​യു​ന്നു.

എ​ന്നാ​ൽ, അ​വ​ശ്യ സ​ഹാ​യ​വ​സ്തു​ക്ക​ളു​മാ​യി എ​ത്തു​ന്ന ട്ര​ക്കു​ക​ൾ​പോ​ലും റ​ഫ അ​തി​ർ​ത്തി ക​ട​ത്തി​വി​ടാ​ൻ വി​സ​മ്മ​തി​ക്കു​ന്ന ഇ​സ്രാ​യേ​ൽ തെ​ക്ക​ൻ ഗ​സ്സ​യി​ൽ ന​ട​ത്തു​ന്ന​ത് നേ​ര​ത്തെ വ​ട​ക്ക​ൻ മേ​ഖ​ല​യി​ൽ ന​ട​ത്തി​യ​തി​ന് സ​മാ​ന​മാ​യ ക​ന​ത്ത ആ​ക്ര​മ​ണ​മാ​ണ്. ആ​ശു​പ​ത്രി​ക​ള​ട​ക്കം ഇ​തി​ന​കം ആ​ക്ര​മി​ക്ക​പ്പെ​ട്ടു​ക​ഴി​ഞ്ഞു. ഗ​സ്സ​യി​ലെ മൊ​ത്തം ഫ​ല​സ്തീ​നി​ക​ളും ഗ​സ്സ വി​ട്ടു​പോ​ക​ണ​മെ​ന്ന് നേ​ര​ത്തെ ഇ​സ്രാ​യേ​ൽ മ​ന്ത്രി​സ​ഭ​യി​ലെ ചി​ല​ർ ആ​വ​ശ്യ​പ്പെ​ട്ട​തും ഇ​തി​ന്റെ തു​ട​ർ​ച്ച.

ര​ണ്ട് പാ​ർ​ല​മെ​ന്റ് അം​ഗ​ങ്ങ​ൾ ഇ​തേ ആ​വ​ശ്യം ഉ​യ​ർ​ത്തി​യ​പ്പോ​ൾ ഇ​സ്രാ​യേ​ൽ ധ​ന​മ​ന്ത്രി ബി​സാ​ലേ​ൽ സ്മോ​ട്രി​ച്ച് പി​ന്തു​ണ​യു​മാ​യി എ​ത്തി​യ​ത് നേ​ര​ത്തെ വാ​ർ​ത്ത​യാ​യി​രു​ന്നു. എ​ല്ലാ അ​റ​ബ് രാ​ജ്യ​ങ്ങ​ളും ചേ​ർ​ന്ന് ഗ​സ്സ​യി​ലെ കു​ടും​ബ​ങ്ങ​ളെ ഏ​റ്റെ​ടു​ക്ക​ണ​മെ​ന്നാ​യി​രു​ന്നു സ്മോ​ട്രി​ച്ചി​ന്റെ ആ​വ​ശ്യം.

ദി​വ​സ​ങ്ങ​ളാ​യി ഇ​സ്രാ​യേ​ൽ ത​മ്പ​ടി​ച്ചി​രി​ക്കു​ന്ന​ത് ഖാ​ൻ യൂ​നു​സി​ലാ​ണ്. ഹ​മാ​സ് നേ​താ​വ് യ​ഹ്‍യ സി​ൻ​വ​ർ, സൈ​നി​ക വി​ഭാ​ഗം മേ​ധാ​വി മു​ഹ​മ്മ​ദ് ദീ​ഫ് എ​ന്നി​വ​ര​ട​ക്കം ഒ​ളി​ച്ചി​രി​ക്കു​ന്നു​വെ​ന്ന് അ​വ​കാ​ശ​പ്പെ​ട്ടാ​ണ് ഒ​ടു​വി​ൽ ഖാ​ൻ യൂ​നു​സ് തേ​ടി അ​വ​ർ എ​ത്തി​യി​രി​ക്കു​ന്ന​ത്.

വ​ട​ക്ക​ൻ ഗ​സ്സ​യി​ൽ​നി​ന്ന​ട​ക്കം എ​ത്തി​യ ല​ക്ഷ​ക്ക​ണ​ക്കി​ന് അ​ഭ​യാ​ർ​ഥി​ക​ൾ തി​ങ്ങി​പ്പാ​ർ​ക്കു​ന്ന ഇ​ട​മാ​ണ് ഖാ​ൻ യൂ​നു​സ്. ഇ​വ​ർ​ക്ക് സു​ര​ക്ഷി​ത ഇ​ട​മോ റോ​ഡു​ക​ളോ പോ​ലും അ​നു​വ​ദി​ക്കാ​തെ ഒ​ഴി​ഞ്ഞു​പോ​കാ​ൻ അ​ന്ത്യ​ശാ​സ​നം ന​ൽ​കി​യ സൈ​ന്യം രൂ​ക്ഷ​മാ​യ ബോം​ബി​ങ് തു​ട​രു​ക​യാ​ണ്. പ്ര​ദേ​ശ​ത്തെ അ​ൽ​നാ​സി​ർ ആ​ശു​പ​ത്രി​യി​ൽ മ​രി​ച്ച​വ​രും പ​രി​ക്കേ​റ്റ​വ​രു​മാ​യി എ​ത്തു​ന്ന​ത് വ​ൻ​തോ​തി​ൽ വ​ർ​ധി​ച്ച​താ​യാ​ണ് റി​പ്പോ​ർ​ട്ട്.

മൊ​ത്തം ഗ​സ്സ​യി​ലെ 35 ആ​ശു​പ​ത്രി​ക​ളി​ൽ 26ഉം ​നി​ല​വി​ൽ പ്ര​വ​ർ​ത്ത​ന​ര​ഹി​ത​മാ​ണ്. വ​ട​ക്ക​ൻ ഗ​സ്സ​യി​​ൽ അ​വ​ശേ​ഷി​ക്കു​ന്ന ക​മാ​ൽ അ​ദ്‍വാ​ൻ ആ​ശു​പ​ത്രി​യും തി​ങ്ക​ളാ​ഴ്ച രാ​​ത്രി​യോ​ടെ വൈ​ദ്യു​തി മു​ട​ങ്ങി പ്ര​വ​ർ​ത്ത​നം നി​ർ​ത്തേ​ണ്ടി​വ​രു​മെ​ന്ന് ഗ​സ്സ ആ​രോ​ഗ്യ വ​കു​പ്പ് മു​ന്ന​റി​യി​പ്പ് ന​ൽ​കി​യി​രു​ന്നു. നേ​ര​ത്തെ വ​ട​ക്ക​ൻ ഗ​സ്സ​യി​ലേ​തി​ന് സ​മാ​ന​മാ​യി, തെ​ക്ക​ൻ മേ​ഖ​ല​ക​ളി​ലെ ആ​ശു​പ​ത്രി​ക​ളും മ​രി​ച്ച​വ​രും ഗു​രു​ത​ര​മാ​യി പ​രി​ക്കേ​റ്റ​വ​രും തി​ങ്ങി​നി​റ​ഞ്ഞ നി​ല​യി​ലാ​ണ്.

തി​ങ്ക​ളാ​ഴ്ച ഖാ​ൻ യൂ​നു​സി​നു​പു​റ​മെ അ​ൽ​ത​ന്നൂ​ർ, അ​ൽ​ജ​നീ​ന മേ​ഖ​ല​ക​ളി​ലും ഇ​സ്രാ​യേ​ൽ ബോം​ബ​റു​ക​ൾ എ​ത്തി​യി​രു​ന്നു. നി​ല​വി​ൽ ഗ​സ്സ​യി​ൽ 19 ല​ക്ഷം പേ​ർ അ​ഭ​യാ​ർ​ഥി​ക​ളാ​യ​താ​യാ​ണ് യു.​എ​ൻ ക​ണ​ക്ക്.

ഹമദ് സിറ്റിയിലും ബോംബുവർഷം

ഗ​സ്സ സി​റ്റി: ഖ​ത്ത​ർ സാ​മ്പ​ത്തി​ക സ​ഹാ​യ​ത്തോ​ടെ ഗ​സ്സ​യി​​ൽ പ്ര​വ​ർ​ത്തി​ക്കു​ന്ന താ​മ​സ കേ​ന്ദ്ര​മാ​യ ഹ​മ​ദ് സി​റ്റി​ക്കു​നേ​രെ ഇ​സ്രാ​യേ​ൽ ആ​​ക്ര​മ​ണം. ക​ഴി​ഞ്ഞ ദി​വ​സ​ത്തെ വ​ൻ ആ​ക്ര​മ​ണ​ത്തി​ൽ നി​ര​വ​ധി അ​പ്പാ​ർ​ട്മെ​ന്റു​ക​ൾ പൂ​ർ​ണ​മാ​യി ത​ക​ർ​ന്നു. മ​സ്ജി​ദും പൂ​ന്തോ​ട്ട​ങ്ങ​ളു​മ​ട​ക്കം മി​ക​ച്ച ജീ​വി​ത സൗ​ക​ര്യ​ങ്ങ​ളോ​ടെ ഒ​രു​ക്കി​യ പാ​ർ​പ്പി​ട​ങ്ങ​ളാ​ണ് ചാ​ര​മാ​ക്ക​പ്പെ​ട്ട​ത്. 2014ലെ ​യു​ദ്ധ​ത്തി​ൽ വീ​ട് ന​ഷ്ട​പ്പെ​ട്ട​വ​ർ​ക്കാ​യി ഖ​ത്ത​ർ ഭ​ര​ണ​കൂ​ട കാ​ർ​മി​ക​ത്വ​ത്തി​ൽ ഒ​രു​ങ്ങി​യ വീ​ടു​ക​ളി​ൽ 15,000ത്തി​ലേ​റെ പേ​രാ​ണ് താ​മ​സി​ച്ചു​വ​ന്ന​ത്.

യു​ദ്ധ​ത്തെ തു​ട​ർ​ന്ന്, ഇ​വി​ടെ ജ​ന​സം​ഖ്യ ഇ​ര​ട്ടി​യാ​യി ഉ​യ​ർ​ന്നി​രു​ന്നു. ആ​ക്ര​മ​ണ​ത്തെ തു​ട​ർ​ന്ന് വീ​ട് ന​ഷ്ട​മാ​യ​വ​ർ തെ​രു​വു​ക​ളി​ൽ ത​മ്പ് കെ​ട്ടി​യും പാ​ർ​ക്കി​ങ് കേ​ന്ദ്ര​ങ്ങ​ളി​ലു​മാ​ണ് ക​ഴി​യു​ന്ന​തെ​ന്ന് റി​പ്പോ​ർ​ട്ടു​ക​ൾ പ​റ​യു​ന്നു. ക​ഴി​ഞ്ഞ ദി​വ​സ​മാ​ണ് ഹ​മ​ദ് സി​റ്റി ഒ​ഴി​യാ​ൻ ഇ​സ്രാ​യേ​ൽ സേ​ന അ​ന്ത്യ​ശാ​സ​നം ന​ൽ​കി​യ​ത്. പി​ന്നാ​ലെ ബോം​ബ​റു​ക​ൾ ക​ന​ത്ത വ്യോ​മാ​ക്ര​മ​ണം ന​ട​ത്തു​ക​യാ​യി​രു​ന്നു.