50ാം രാജ്യവും ഒപ്പുവെച്ചു; അണുവായുധ നിരോധന നിയമം നിലവിൽ

ലണ്ടൻ: 50ാം രാജ്യവും ഒപ്പുവെച്ചതോടെ യു.എൻ അണുവായുധ നിരോധന കരാർ പ്രാബല്യത്തിൽ. അംഗീകരിക്കപ്പെട്ട അഞ്ച്​ ആണവ ശക്​തികളും ഒപ്പുവെക്കാതെ വിട്ടുനിൽക്കുന്നതിനാൽ പ്രായോഗികമായി വിജയമെന്നു പറയാനാവില്ലെങ്കിലും കരാർ നിലവിൽ വന്നത്​ ചരിത്രപിറവിയാണെന്ന്​ അണുവായുധങ്ങൾക്കെതിരെ സമരമുഖത്തുള്ളവർ അവകാശപ്പെടുന്നു.

2017​ൽ യു.എൻ പൊതുസഭ കൊണ്ടുവന്ന കരാറിൽ 122 രാജ്യങ്ങൾ അംഗീകരിച്ചിട്ടുണ്ടെങ്കിലും പലരും ഒപ്പുവെക്കാൻ തയാറായിട്ടില്ല. 50ാമത്തെ രാജ്യം ഒപ്പുവെക്കുന്നതോടെ കരാർ നിയമമാകുമെന്നാണ്​ നേരത്തേയുള്ള വ്യവസ്​ഥ. ഹോണ്ടുറസാണ്​ 50ാമതായി കരാറിൽ ഒപ്പുവെച്ചത്​. അണുവായുധങ്ങളുടെ നിർമാണം, പരീക്ഷണം, മറ്റുള്ളവരിൽനിന്ന്​ വാങ്ങൽ, കൈവശം വെക്കൽ തുടങ്ങിയവയെല്ലാം നിയമപ്രകാരം നിരോധിക്കപ്പെട്ടതാണ്​. പ്രയോഗിക്കൽ മാത്രമല്ല, പ്രയോഗിക്കുമെന്ന ഭീഷണിയും കുറ്റകരമാണ്​.

അണുവായുധങ്ങൾ ലോകത്തുനിന്ന്​ തുടച്ചുനീക്കുന്നതിൽ നിർണായക ചുവടുവെപ്പാണ്​ നിയമമെന്ന്​ യു.എൻ സെക്രട്ടറി ജനറൽ അ​േൻറാണിയോ ഗു​​ട്ടെറസ്​ പറഞ്ഞു. പ്രധാന ആണവ ശക്​തികളായ യു.എസ്​, റഷ്യ, ചൈന, യു.കെ, ഫ്രാൻസ്​ എന്നീ രാജ്യങ്ങൾ ഒപ്പുവെച്ചാലേ കരാറിന്​ ആഗോള തലത്തിൽ പ്രതിഫലനമുണ്ടാക്കാനാകൂ.