ആസ്ട്രേലിയയിൽ വെള്ളപ്പൊക്കം; ആയിരങ്ങളെ ഒഴിപ്പിച്ചു

കാ​ൻ​ബെ​റ: ആ​സ്ട്രേ​ലി​യ​ൻ സം​സ്ഥാ​ന​മാ​യ ക്വീ​ൻ​സ്‍ല​ൻ​ഡി​ന്റെ വ​ട​ക്ക​ൻ മേ​ഖ​ല​യി​ൽ വെ​ള്ള​പ്പൊ​ക്ക​ത്തെ തു​ട​ർ​ന്ന് സ്ത്രീ ​മ​രി​ക്കു​ക​യും ആ​യി​ര​ക്ക​ണ​ക്കി​ന് പേ​രെ കു​ടി​യൊ​ഴി​പ്പി​ക്കു​ക​യും ചെ​യ്തു. നി​ര​വ​ധി വീ​ടു​ക​ൾ മു​ങ്ങു​ക​യും വാ​ഹ​ന​ങ്ങ​ൾ ഒ​ലി​ച്ചു​പോ​വു​ക​യും ചെ​യ്ത​താ​യി റി​പ്പോ​ർ​ട്ടു​ണ്ട്. വ​ട​ക്കു​പ​ടി​ഞ്ഞാ​റ​ൻ ക്വീ​ൻ​സ്‌​ല​ൻ​ഡി​ലെ ഇം​ഗാം പ​ട്ട​ണ​ത്തി​ൽ ര​ക്ഷാ​പ്ര​വ​ർ​ത്ത​ന ബോ​ട്ട് മ​ര​ത്തി​ലി​ടി​ച്ച് മ​റി​ഞ്ഞാ​ണ് സ്ത്രീ ​മ​രി​ച്ച​ത്. വെ​ള്ളി​യാ​ഴ്ച മു​ത​ൽ മേ​ഖ​ല​യി​ൽ ക​ന​ത്ത മ​ഴ​യാ​ണ് പെ​യ്യു​ന്ന​ത്.

മൂ​ന്നു ദി​വ​സ​ത്തി​നി​ടെ 1000ത്തി​ലേ​റെ എം.​എം മ​ഴ പെ​യ്ത​ത് റെ​ക്കോ​ഡാ​ണെ​ന്ന് ക്വീ​ൻ​സ്‌​ല​ൻ​ഡ് സ്റ്റേ​റ്റ് പ്രീ​മി​യ​ർ ഡേ​വി​ഡ് ക്രി​സ​ഫു​ള്ളി പ​റ​ഞ്ഞു. ശ​ക്ത​മാ​യ മ​ഴ തി​ങ്ക​ളാ​ഴ്ച വ​രെ തു​ട​രു​മെ​ന്നും അ​ദ്ദേ​ഹം അ​റി​യി​ച്ചു. മ​ഴ​യു​ടെ ശ​ക്തി മാ​ത്ര​മ​ല്ല, കൂ​ടു​ത​ൽ സ​മ​യം നീ​ണ്ടു​നി​ൽ​ക്കു​ന്ന​താ​ണ് ആ​ശ​ങ്ക​പ്പെ​ടു​ത്തു​ന്ന​തെ​ന്നും ക്രി​സ​ഫു​ള്ളി എ.​ബി.​സി ചാ​ന​ലി​നോ​ട് പ​റ​ഞ്ഞു.

മ​ഴ തു​ട​രു​ന്ന​തി​നാ​ൽ വെ​ള്ള​പ്പൊ​ക്കം രൂ​ക്ഷ​മാ​കു​മെ​ന്ന് അ​ധി​കൃ​ത​ർ മു​ന്ന​റി​യി​പ്പ് ന​ൽ​കി​യി​ട്ടു​ണ്ട്. 60 വ​ർ​ഷ​ത്തി​നി​ടെ മേ​ഖ​ല നേ​രി​ടു​ന്ന ഏ​റ്റ​വും രൂ​ക്ഷ​മാ​യ വെ​ള്ള​പ്പൊ​ക്ക​മാ​ണി​തെ​ന്ന് കാ​ലാ​വ​സ്ഥ നി​രീ​ക്ഷ​ണ വി​ഭാ​ഗം പ​റ​ഞ്ഞു.

1700 വീ​ടു​ക​ൾ വെ​ള്ള​ത്തി​ന​ടി​യി​ലാ​കാ​ൻ സാ​ധ്യ​ത​യു​ണ്ടെ​ന്ന് വെ​ള്ള​പ്പൊ​ക്കം ഏ​റ്റ​വും രൂ​ക്ഷ​മാ​യി ബാ​ധി​ച്ച ടൗ​ൺ​സ്‌​വി​ല്ലെ​യി​ലെ പ്രാ​ദേ​ശി​ക ദു​ര​ന്ത​ര നി​വാ​ര​ണ വി​ഭാ​ഗം അറിയിച്ചു.