കോവിഡ്​ ബാധിതരുടെ എണ്ണം 1.80 കോടിയിലേക്ക്​

ജനീവ: ലോകത്ത്​ കോവിഡ്​ ബാധിതരുടെ എണ്ണം 1.80 കോടിയിലേക്ക്​. മരണ നിരക്കും ഉയരുകയാണ്​. ലാറ്റിനമേരിക്കയിൽ മാത്രം കോവിഡ്​ ബാധിച്ച്​ മരിച്ചവരുടെ എണ്ണം രണ്ടു​ ലക്ഷം കവിഞ്ഞു. ബ്രസീലിൽ 92,568 പേരും മെക്​സികോയിൽ 46,688 പേരും പെറുവിൽ 19,217 പേരും ചിലിയിൽ 9457 പേരും കൊളംബിയയിൽ 10,106 ​പേരും അർജൻറീനയിൽ 3543 പേരും ബൊളീവിയയിൽ 3000 പേരുമാണ്​ മരിച്ചത്​.

ദക്ഷിണാഫ്രിക്കയിൽ ​കോവിഡ്​ രോഗികളുടെ എണ്ണം അഞ്ചു​ ലക്ഷം പിന്നിട്ടു. ഫിലിപ്പീൻസിൽ കോവിഡ്​ ബാധിതർ ഒരു ലക്ഷമായി. ഇതോടെ ലക്ഷത്തിനു​ മേൽ കോവിഡ്​ ബാധിതരുള്ള രാജ്യങ്ങൾ 25 ആയി ഉയർന്നു.

കോവിഡി​െൻറ രൂക്ഷത കുറഞ്ഞതായി കരുതിയിരുന്ന ദക്ഷിണ കൊറിയ, ജപ്പാൻ, ആസ്​ട്രേലിയ, ബ്രിട്ടൻ, ജർമനി എന്നിവിടങ്ങളിലെല്ലാം വീണ്ടും വ്യാപകമാകുകയാണ്​. ആസ്​ട്രേലിയയിലെ വിക്​ടോറിയ സംസ്ഥാനത്ത്​ ആരോഗ്യ അടിയന്തരാവസ്ഥ പ്രഖ്യാപിച്ചു. ഹോ​േങ്കാങ്ങിൽ പരിശോധന വ്യാപകമാക്കുന്നതിനുള്ള ആദ്യ ചൈനീസ്​ സംഘമെത്തി. റഷ്യയിൽ കോവിഡ്​ വാക്​സിൻ ഒക്​ടോബറോടെ ജനങ്ങൾക്ക്​ നൽകിത്തുടങ്ങും. ഒക്​ടോബറിൽ വിപുലമായ രീതിയിൽ വാക്​സിനേഷൻ നടത്തു​മെന്ന്​ ആരോഗ്യ മന്ത്രി മിഖായേൽ മുരഷ്​കോ വ്യക്തമാക്കി.

അമേരിക്കയിൽ മൂന്നാഴ്​ചക്കുള്ളിൽ 20,000 പേർ കൂടി കോവിഡ്​ ബാധിച്ച്​ മരിക്കുമെന്നുള്ള പഠനത്തിൽ വ്യക്തമാകുന്നു. യു.എസ്​​ സെ​േൻറർസ്​ ഫോർ ഡിസീസ്​ കൺ​േ​ട്രാൾ ആൻഡ്​ പ്രിവൻഷൻ ആണ്​ 21 ദിവസത്തിനുള്ളിൽ 20,000 പേർ കൂടി മരിക്കുമെന്ന് ചൂണ്ടിക്കാട്ടിയത്​. ആഗസ്​റ്റ്​ 22ഒാടെ അമേരിക്കയിലെ മരണസംഖ്യ 1.73 ലക്ഷമാകുമെന്നും വിദഗ്​ധർ ചൂണ്ടിക്കാട്ടി.

ജർമനിയിൽ രോഗം വീണ്ടും വ്യാപിക്കുന്നതിനിടെ കോവിഡ്​ നിയന്ത്രണങ്ങൾ ഒഴിവാക്കണമെന്ന്​ വലതുപക്ഷ പ്രവർത്തകരായ 17000ത്തിൽ ​പരം പേർ മാസ്​ക്​ ധരിക്കാതെയും സാമൂഹിക അകലം പാലിക്കാതെയും പ്ര​േക്ഷാഭം നടത്തി​. കോവിഡ്​ നേരിടുന്നതിൽ പരാജ​യപ്പെടുകയും അഴിമതി നടത്തുകയും ചെയ്​ത പ്രധാനമന്ത്രി ബെഞ്ചമിൻ നെതന്യാഹുവി​െൻറ രാജി ആവശ്യപ്പെട്ട്​ ഇസ്രായേലിൽ ആയിരങ്ങൾ പ്രക്ഷോഭം തുടരുകയാണ്​.