ലോ​ക ഹി​ന്ദു കോ​ൺ​ഗ്ര​സ് ബാ​ങ്കോ​ക്കി​ൽ തു​ട​ങ്ങി

ബാ​​ങ്കോ​ക്: ലോ​ക ഹി​ന്ദു കോ​ൺ​ഗ്ര​സി​ന് താ​യ്‍ല​ൻ​ഡ് ത​ല​സ്ഥാ​ന​മാ​യ ബാ​ങ്കോ​ക്കി​ൽ തു​ട​ക്ക​മാ​യി. ലോ​ക​മെ​മ്പാ​ടു​മു​ള്ള ഹി​ന്ദു​ക്ക​ൾ നേ​രി​ടു​ന്ന വെ​ല്ലു​വി​ളി​ക​ൾ ച​ർ​ച്ച​ചെ​യ്യാ​ൻ സം​ഘ​ടി​പ്പി​ച്ച മൂ​ന്നു​ദി​വ​സ​ത്തെ സ​മ്മേ​ള​നം ഞാ​യ​റാ​ഴ്ച സ​മാ​പി​ക്കും.

ജ​യ​സ്യ ആ​യ​ത​നം ധ​ർ​മഃ (ധ​ർ​മ​മാ​ണ് വി​ജ​യ​ത്തി​ന്റെ കേ​ന്ദ്രം) പ്ര​മേ​യ​ത്തി​ൽ ഇം​പാ​ക്ട്‌ ക​ൺ​വെ​ൻ​ഷ​ൻ സെ​ന്റ​റി​ൽ ന​ട​ക്കു​ന്ന സ​മ്മേ​ള​ന​ത്തി​ൽ 61 രാ​ജ്യ​ങ്ങ​ളി​ൽ​നി​ന്നു​ള്ള 2200ല​ധി​കം പ്ര​തി​നി​ധി​ക​ൾ സം​ബ​ന്ധി​ക്കു​ന്നു.

സ​മ്പ​ദ്‍വ്യ​വ​സ്ഥ, വി​ദ്യാ​ഭ്യാ​സ മേ​ഖ​ല, മാ​ധ്യ​മ​ങ്ങ​ൾ, രാ​ഷ്ട്രീ​യം, സം​ഘ​ട​ന​ക​ൾ, നേ​തൃ​രം​ഗ​ത്ത് ഹി​ന്ദു സ്ത്രീ​ക​ളു​ടെ​യും യു​വാ​ക്ക​ളു​ടെ​യും സം​ഭാ​വ​ന​ക​ൾ തു​ട​ങ്ങി​യ ത​ല​ക്കെ​ട്ടു​ക​ളി​ൽ ഊ​ന്നി​യാ​ണ് ച​ർ​ച്ച​ക​ൾ. ആർ.എസ്.എസ് മേധാവി മോഹൻ ഭഗവത് ആദ്യദിനത്തിൽ മുഖ്യപ്രഭാഷണം നടത്തി. ഭൗതികവാദം, കമ്യൂണിസം, മുതലാളിത്തം തുടങ്ങിയ പരീക്ഷണങ്ങളിൽ ഇടറിവീഴുന്ന ലോകത്തിന് ഇന്ത്യ സന്തോഷത്തിന്റെയും സംതൃപ്തിയുടെയും പാത കാണിച്ചുകൊടുക്കുമെന്ന് അദ്ദേഹം പറഞ്ഞു.

സം​ഘാ​ട​ക സ​മി​തി ചെ​യ​ർ​മാ​ൻ സു​ശീ​ൽ സ​റ​ഫ്, മാ​താ അ​മൃ​താ​ന​ന്ദ​മ​യി, വി​ശ്വ​ഹി​ന്ദു പ​രി​ഷ​ത് ജ​ന​റ​ൽ സെ​ക്ര​ട്ട​റി മി​ലി​ന്ദ് പ​രാ​ണ്ഡെ, ഭാ​ര​ത് സേ​വാ​ശ്ര​മം സം​ഘ് വ​ർ​ക്കി​ങ് പ്ര​സി​ഡ​ന്റ് സ്വാ​മി പൂ​ർ​ണാ​ശ്ര​മാ​ന​ന്ദ്, ഹി​ന്ദു​യി​സം ടു​ഡേ യു.​എ​സ്.​എ പ്ര​സാ​ധ​ക​ൻ സ​ദ്ഗു​രു ബോ​ധി​നാ​ഥ വെ​യ്‍ല​ൻ​സ്വാ​മി തു​ട​ങ്ങി​യ​വ​ർ നേ​തൃ​ത്വം ന​ൽ​കു​ന്നു. 2014ൽ ​ഡ​ൽ​ഹി​യും 2018ൽ ​യു.​എ​സി​ലെ ഷി​കാ​ഗോ​യു​മാ​ണ് മു​മ്പ് വേ​ൾ​ഡ് ഹി​ന്ദു കോ​​ൺ​ഗ്ര​സി​ന് ആ​തി​ഥ്യ​മ​രു​ളി​യ​ത്.