ഷി ​ജി​ൻ​പി​ങ് റ​ഷ്യ സ​ന്ദ​ർ​ശി​ക്കും

ബെ​യ്ജി​ങ്: ചൈ​നീ​സ് പ്ര​സി​ഡ​ന്റ് ഷി ​ജി​ൻ​പി​ങ് അ​ടു​ത്ത മാ​സ​ങ്ങ​ളി​ൽ റ​ഷ്യ സ​ന്ദ​ർ​ശി​ക്കു​മെ​ന്ന് വാ​ൾ സ്ട്രീ​റ്റ് ജേ​ണ​ൽ റി​പ്പോ​ർ​ട്ട് ചെ​യ്തു. ഒ​രു വ​ർ​ഷ​മാ​കു​ന്ന യു​ക്രെ​യ്ൻ യു​ദ്ധം അ​വ​സാ​നി​പ്പി​ക്കാ​ൻ ഫ​ല​പ്ര​ദ​മാ​യ സ​മാ​ധാ​ന ച​ർ​ച്ച​ക​ൾ​ക്ക് മു​ൻ​കൈ​യെ​ടു​ക്കു​ന്ന​തി​ന്റെ കൂ​ടി ഭാ​ഗ​മാ​യാ​കും സ​ന്ദ​ർ​ശ​നം.

സ​ന്ദ​ർ​ശ​ന​ത്തി​ന്റെ ഒ​രു​ക്കം പ്ര​ഥ​മ ഘ​ട്ട​ത്തി​ലാ​ണെ​ന്നും തീ​യ​തി നി​ശ്ച​യി​ച്ചി​​ട്ടി​ല്ലെ​ന്നും റി​പ്പോ​ർ​ട്ടി​ൽ പ​റ​യു​ന്നു. നാ​സി ജ​ർ​മ​നി​ക്കു​മേ​ൽ ര​ണ്ടാം ലോ​ക​യു​ദ്ധ​ത്തി​ൽ വി​ജ​യം നേ​ടി​യ​ത് റ​ഷ്യ ആ​ഘോ​ഷി​ക്കു​ന്ന ഘ​ട്ട​ത്തി​ലാ​കും (ഏ​പ്രി​ൽ അ​ല്ലെ​ങ്കി​ൽ മേ​യ് തു​ട​ക്ക​ത്തി​ൽ) ഷിയുടെ സ​ന്ദ​ർ​ശ​ന​മെ​ന്നാ​ണ് സൂ​ച​ന. ചൈ​ന​യു​ടെ മു​തി​ർ​ന്ന ന​യ​ത​ന്ത്ര പ്ര​തി​നി​ധി വാ​ങ് യി ​മോ​സ്കോ​യി​ലു​ണ്ട്.

റ​ഷ്യ​ൻ വി​ദേ​ശ​കാ​ര്യ മ​ന്ത്രി സെ​ർ​ജി ലാ​വ്റോ​വു​മാ​യി അ​ദ്ദേ​ഹം കൂ​ടി​ക്കാ​ഴ്ച ന​ട​ത്തും. ക​ഴി​ഞ്ഞ വ​ർ​ഷം ബെ​യ്ജി​ങ്ങി​ൽ ന​ട​ന്ന ശീ​ത​കാ​ല ഒ​ളി​മ്പി​ക്സി​നി​ടെ​യാ​ണ് റ​ഷ്യ​ൻ പ്ര​സി​ഡ​ന്റ് വ്ലാ​ദി​മി​ർ പു​ടി​നും ഷി ​ജി​ൻ​പി​ങ്ങും അ​വ​സാ​ന​മാ​യി നേ​രി​ട്ട് കൂ​ടി​ക്കാ​ഴ്ച ന​ട​ത്തി​യ​ത്. ഡി​സം​ബ​റി​ൽ ഇ​രു​വ​രും ഫോ​ൺ സം​ഭാ​ഷ​ണം ന​ട​ത്തി​യി​രു​ന്നു.

പാകിസ്താന് ചൈനയുടെ 70 കോടി ഡോളർ വായ്പ

ഇസ്‍ലാമാബാദ്: പാകിസ്താന് ചൈന ഡെവലപ്മെന്റ് ബാങ്ക് 70 കോടി ഡോളർ വായ്പ നൽകും. ഒരാഴ്ചക്കകം തുക ലഭ്യമാകുമെന്ന് പാക് ധനമന്ത്രി ഇസ്ഹാഖ് ദാർ അറിയിച്ചു. സാമ്പത്തിക പ്രതിസന്ധിയിലുള്ള പാകിസ്താന് ഇത് ആശ്വാസമാകും. അന്താരാഷ്ട്ര നാണയനിധിയിൽനിന്ന് 100 കോടി ഡോളർ വായ്പ ലഭ്യമാക്കാൻ പാക് അധികൃതർ ശ്രമിക്കുകയാണ്. ഐ.എം.എഫ് നിബന്ധനകളുടെ ഭാഗമായി വൈദ്യുതി നിരക്കും നികുതികളും കുത്തനെ വർധിപ്പിച്ചിരുന്നു.