നീതിക്കുമേലുള്ള സയണിസ്റ്റ്​ അലർച്ചകൾ

മൂന്നു വയസ്സുമാത്രമുള്ളൊരു കുട്ടി പട്ടാളക്കാരെ കല്ലെടുത്തെറിയുന്നു. പട്ടാളം ആ കുട്ടിയെ അറസ്​റ്റ്​ ചെയ്യുന്നു. ''നിന്നെ ഇതാരാണ്​ പഠിപ്പിച്ചതെന്ന്​'' ചോദിച്ച്​ അവർ ആ കുഞ്ഞിനെ വിചാരണ ചെയ്യുന്നു.
''എ​െൻറ സഹോദരനാണ്​'' എന്ന്​ അവ​െൻറ നിഷ്​കളങ്ക മറുപടി. പട്ടാളം ഭീകരനായ ആ സഹോദരനെ അറസ്​റ്റ്​ചെയ്യാൻ വീട്ടിലെത്തുന്നു. ആ വീടി​െൻറ ഒരു മൂലയിൽ വേറൊരു കൊച്ചൻ കളിച്ചുകൊണ്ടിരിക്കുന്നു. മൂന്നു വയസ്സുകാരൻ അനിയൻ പയ്യൻ അവനുനേരെ വിരൽചൂണ്ടി. അതാണാ ഭീകരനായ സഹോദരൻ. അവന്​ നാല്​ വയസ്സ്​! ഇനി അറസ്​റ്റു ചെ​യ്യേണ്ടത്​ ഇവനെയാണ്​. പട്ടാളം അന്തംവിട്ടുപോകുന്നു.

നാലുവയസ്സുകാരൻ മൂന്നുവയസ്സുകാരനെ സമരപാഠങ്ങൾ ചൊല്ലിപ്പഠിപ്പിക്കുന്ന നാടിനൊരു പേരേയുള്ളൂ. അതത്രെ ഫലസ്​തീൻ!

ഒരൊമ്പതു വയസ്സുകാരൻ, പട്ടാളത്തിനെതിരെ കല്ലെടുത്തതിന്​ അറസ്​റ്റിലാവുന്നു. മകനെ വിട്ടുകിട്ടാൻ അധ്യാപികകൂടിയായി മാതാവ്​ ക്യാമ്പിലെത്തുന്നു. അപ്പോൾ പട്ടാളക്കാർ അവളോട്​ പറഞ്ഞു. ''നീയൊരധ്യാപിക​യല്ലേ, കുഞ്ഞുങ്ങ​െള ഇവ്വിധം മറ്റുള്ളവരെ വെറുക്കാൻ പഠിപ്പിക്കരുത്​.'' അവൾ പറഞ്ഞുവത്രെ: ''ശരിയാണ്​, ഒരൊമ്പത്​ വയസ്സുകാരൻ ആരെയും വെറുക്കരുത്​. എന്നാൽ, അവനെ വെറുക്കാൻ പഠിപ്പിച്ചത്​ ഞാനല്ല, നിങ്ങളുടെ അധിനിവേശമാണ്​. നിങ്ങൾ ഇപ്പോൾ നടത്തിക്കൊണ്ടിരിക്കുന്ന അതി​ക്രമങ്ങളും ​ൈകയേറ്റങ്ങളും അവസാനിപ്പിച്ച്​ എ​െൻറ മകനെ നിങ്ങളെയൊക്കെ സ്​നേഹിക്കാൻ അനുവദിക്കൂ.''

'നക്​ബ 'നക്​ബ' മാത്രമല്ല

കെ.ഇ.എൻ

ഫലസ്​തീനിലെ സ്​മരണകളിരമ്പുന്ന ചരിത്രപ്രശസ്​തമായ അൽ അഖ്​സ പള്ളിയിൽ റമദാനിലെ അവസാന വെള്ളിയാഴ്​ച പ്രാർഥന നടന്നുകൊണ്ടിരിക്കെ ഇസ്രായേൽ നടത്തിയ ആക്രമണം, 'സയണിസം' എന്ന വംശീയ പ്രസ്​ഥാനം രൂപംകൊണ്ട കാലം മുതൽ അവർ നിർവഹിച്ചുകൊണ്ടിരിക്കുന്ന മനുഷ്യത്വ വിരുദ്ധതയുടെ അനിവാര്യ ഭാഗമാണ്.

ഫലസ്​തീനികളുടെ കളിസ്​ഥലങ്ങളും പാഠശാലകളും ആശുപത്രികളും ആരാധനാലയങ്ങളും എന്തിനെന്നില്ലാതെ അവരെ ഇപ്പോഴും ഇപ്പോഴും പ്രകോപിപ്പിച്ചുകൊണ്ടേയിരിക്കുന്നു. തങ്ങൾ പാവനമാണെന്ന്​ കരുതുന്ന ആരാധനകളിൽ മനസ്സും ശരീരവും സ്വപ്​നങ്ങളും സമർപ്പിക്കുന്നവരും അവർക്കെതിരെ തോക്കുചൂണ്ടിനിൽക്കുന്ന പട്ടാളവും ഫലസ്​തീനിൽ പുതിയ കാഴ്​ചകളല്ല.

വെടിയൊച്ചകൾക്കിടയിൽ പതറാത്ത വിശ്വാസദാർഢ്യത്തിലൂടെ, അൽ അഖ്​സ പള്ളിയിൽ പ്രാർഥന നിർവഹിച്ചവർ, ഭീകരതയെ പ്രതിരോധിക്കുന്ന സമാധാനത്തി​െൻറ മഹാസന്ദേശമാണ്​ ലോകത്തിന്​ നൽകിയിരിക്കുന്നത്​. ഫലസ്​തീനിനെ എന്നന്നേക്കുമായി ഭൂപടത്തിൽനിന്ന്​ വെട്ടിമാറ്റാനും മനുഷ്യമനസ്സിൽനിന്ന്​ തുടച്ചുനീക്കാനുമുള്ള സയണിസ്​റ്റ്​ സ്വപ്​നം ഇൗ ഭൂമിയിലെ അവസാനത്തെ മനുഷ്യൻ ബാക്കിയാകുന്നതുവരെ നടക്കുകയില്ലെന്ന വിസ്​മയിപ്പിക്കുന്ന ചെറുത്തുനിൽപ്പി​െൻറ സമാധാനവീര്യമാണ്​, അൽ അഖ്​സ പള്ളിയിലെ 'അസാധാരണമായ പ്രാർഥന' ആഘോഷിച്ചത്​.

അൽ അഖ്​സ പള്ളിയിൽ ഇസ്രായേൽ നടത്തിയ മനുഷ്യത്വ രഹിത പ്രവർത്തനങ്ങളോട്​ പ്രതികരിച്ചുകൊണ്ട്​, ആക്​റ്റിവിസ്​റ്റും ബോളിവുഡ്​ നടിയുമായ സ്വര ഭാസ്​കർ പ്രതികരിച്ചത്​ ഇസ്രായേൽ ഒരു ഭീകരരാഷ്​ട്രമാണ്​, അതിൽ കൂടുതൽ ഒന്നും പറയാനില്ലെന്നും ഇത്​ ഇസ്​ലാം മതത്തി​െൻറ മാത്രം കാര്യമല്ലെന്നുമാണ്​.

1948 മേയ്​ 15ന്​ ഇസ്രായേൽ എന്ന 'കൃത്രിമരാഷ്​ട്രം' നിലവിൽ വന്നത്​ യാതനപൂർണമായ സ്വാതന്ത്ര്യ സമരത്തിലൂടെയല്ല, സ്വതന്ത്രമായി നിലനിന്നുപോന്നിരുന്ന ഫലസ്​തീൻ രാഷ്​ട്രത്തെ, ഭീകരപ്രവർത്തനത്തിലൂടെ അട്ടിമറിച്ചാണ്​.

സാമ്രാജ്യത്വ പിന്തുണയോടെ ലോകത്ത്​ സംഭവിച്ച, ഒരിക്കലും സംഭവിക്കാൻ പാടില്ലാത്ത ഒരു കുടില പ്രവർത്തനത്തി​െൻറ സാക്ഷാത്​കാരത്തിനാണ്​, അതുവഴി ശിരസ്സ്​ താഴ്​ത്തി ചരിത്രം സാക്ഷ്യംവഹിച്ചത്​. ഇസ്രായേൽ എന്ന കൊളോണിയിൽ കൃത്രിമ രാഷ്​ട്രം ഫലസ്​തീനു മേൽ സാമ്രാജ്യത്വ പിന്തുണയിൽ കെട്ടിവെക്കപ്പെട്ടതും നിലനിൽക്കുന്നതും ഭീകരതയുടെ ഒാക്​സിജൻ ശ്വസിച്ചാണ്.

നീതിക്കുമേലുള്ള സയണിസ്​റ്റ്​ അലർച്ചകൾക്കും നിലവിളികളെ പരിഹസിക്കുന്ന അവരുടെ കൊലവിളികൾക്കും താൽക്കാലിക വിജയങ്ങൾക്കും ഫലസ്​തീൻ ജനതയുടെ പ്രതിരോധത്തിനു മുന്നിൽ നിവർന്നുനിൽക്കാനാവില്ല. പമ്പരം തിരിച്ചും പട്ടം പറത്തിയും പൂക്കളെ നോക്കി പുളകംകൊണ്ടും വളരേണ്ട കുട്ടികൾ പോരാളികളാകുന്ന ഒരാദർശത്തി​െൻറ പേരാണ്​ ഇന്ന്​ ഫലസ്​തീൻ. സയണിസം വലിച്ചെറിയുന്ന ടിയർ ഗ്യാസ്​ കാനുകളിൽ പൂച്ചെടികൾ വെച്ചുപിടിപ്പിക്കുന്ന ആ പ്രക്ഷോഭകാരികളുടെ നാടിന്, നിഷ്​ക്രിയത്വത്തിൽ നര​ക്കാനാവില്ല.

അൽ അഖ്​സ പള്ളിയിലും തുടർന്ന്​ മറ്റിടങ്ങളിലേക്കും വ്യാപിച്ച ആക്രമണം, ബിന്യമിൻ നെതന്യാഹുവിന്​ അധികാരത്തിൽ തുടരാനുള്ള ശ്രമത്തി​െൻറ ഭാഗമാണെന്ന ഇസ്രായേൽ ജനാധിപത്യവാദികളുടെ വിമർശം ശരിയാണ്​. എന്നാൽ, ഫലസ്​തീനെതിരായുള്ള അധിനിവേശ ഇസ്രായേലി​െൻറ ആക്രമണം ബിന്യമിൻ നെതന്യാഹുവി​െൻറ അധികാരത്തുടർച്ചക്കപ്പുറം, മനുഷ്യത്വത്തിനെതിരായ സയണിസ്​റ്റ്​ ഭീകരതയുടെ തുടർച്ചകൂടിയാണ്​.