കൊയ്ത്ത് ആരംഭിച്ചു; മുന്നൊരുക്കത്തിൽ വീഴ്ചവരുത്തി സപ്ലൈകോ

പാ​ല​ക്കാ​ട്: ഒ​ന്നാം​വി​ള കൊ​യ്ത്ത്​ ആ​രം​ഭി​ച്ചി​ട്ടും നെ​ല്ലു​സം​ഭ​ര​ണ മു​ന്നൊ​രു​ക്ക​ത്തി​ൽ കാ​ല​താ​മ​സം വ​രു​ത്തി സ​പ്ലൈ​കോ ക​ർ​ഷ​ക​രെ പ്ര​തി​സ​ന്ധി​യി​ലേ​ക്ക് ത​ള്ളി​വി​ടു​ന്നു. ക​ഴി​ഞ്ഞ വ​ർ​ഷം സെ​പ്റ്റം​ബ​ർ ആ​ദ്യ​വാ​രം സം​ഭ​ര​ണം തു​ട​ങ്ങി​യെ​ങ്കി​ൽ, ഇ​ത്ത​വ​ണ ഒ​രു​ക്കം പാ​തി​വ​ഴി​യി​ലാ​ണ്. സം​സ്ഥാ​ന​ത്തെ മി​ല്ലു​ട​മ​ക​ളു​മാ​യി ഇ​തു​വ​രെ ക​രാ​റി​ലെ​ത്താ​ൻ ക​ഴി​ഞ്ഞി​ട്ടി​ല്ല.

ജി​ല്ല​യി​ലെ പ​ടി​ഞ്ഞാ​റ​ൻ മേ​ഖ​ല​ക​ളി​ലും ആ​ല​ത്തൂ​ർ താ​ലൂ​ക്കി​ലെ മ​ല​യോ​ര മേ​ഖ​ല​ക​ളി​ലും കൊ​യ്ത്ത് ആ​രം​ഭി​ച്ചു. എ​ന്നാ​ൽ, സം​ഭ​ര​ണം നീ​ണ്ടു​പോ​കു​ന്ന​ത് ക​ർ​ഷ​ക​രെ സാ​ര​മാ​യി ബാ​ധി​ക്കും.

ഓ​രോ വ​ർ​ഷ​വും 52 സ്വ​കാ​ര്യ​മി​ല്ലു​ക​ളാ​ണ് സ​പ്ലൈ​കോ​ക്കു​വേ​ണ്ടി ക​ർ​ഷ​ക​രി​ൽ​നി​ന്ന്​ നെ​ല്ലു​സം​ഭ​രി​ച്ച് അ​രി​യാ​ക്കി തി​രി​കെ ന​ൽ​കു​ന്ന​ത്. മി​ല്ലു​ട​മ​ക​ളു​ടെ ആ​വ​ശ്യ​ങ്ങ​ൾ ഇ​തു​വ​രെ സ​ർ​ക്കാ​ർ പ​രി​ഗ​ണി​ക്കാ​ത്ത​തി​നാ​ൽ സം​ഭ​ര​ണ​ത്തി​ൽ​നി​ന്ന് വി​ട്ടു​നി​ൽ​ക്കു​ക​യാ​ണ്. സം​ഭ​ര​ണം സു​ഗ​മ​മാ​യി ന​ട​ത്തു​ന്ന​തി​ന് കൃ​ഷി വ​കു​പ്പി​ലെ കൃ​ഷി അ​സി​സ്റ്റ​ന്റു​മാ​രെ പാ​ഡി പ്രൊ​ക്യു​ർ​മെ​ന്റ് ജീ​വ​ന​ക്കാ​രാ​യി നി​യ​മി​ച്ച് ഉ​ത്ത​ര​വാ​യെ​ങ്കി​ലും ജീ​വ​ന​ക്കാ​രു​ടെ പു​ന​ർ​വി​ന്യാ​സ​വും ഇ​തു​വ​രെ ന​ട​ന്നി​ട്ടി​ല്ല. സം​ഭ​ര​ണം നീ​ണ്ടു​പോ​യാ​ൽ കൊ​യ്തെ​ടു​ത്ത നെ​ല്ല് ഓ​പ​ൺ മാ​ർ​ക്ക​റ്റി​ൽ കു​റ​ഞ്ഞ വി​ല​യ്ക്ക് വി​ൽ​ക്കാ​ൻ നി​ർ​ബ​ന്ധി​ത​രാ​കും.