വെളളമിറങ്ങി; പിരപ്പമൺകാട് പാടശേഖരത്തിൽ കൊയ്ത്തുത്സവം

ആ​റ്റി​ങ്ങ​ൽ: വെ​ള്ള​പ്പൊ​ക്ക​ത്തി​ൽ മു​ങ്ങി​ത്താ​ഴ്ന്ന പി​ര​പ്പ​മ​ൺ​കാ​ട് പാ​ട​ശേ​ഖ​ര​ത്തി​ലെ കൃ​ഷി വി​ള​വെ​ടു​പ്പ് ആ​രം​ഭി​ച്ചു. ര​ണ്ടു​ദി​വ​സം മ​ഴ മാ​റി​നി​ന്ന​തോ​ടെ വെ​ള്ളം ഇ​റ​ങ്ങി​യ പാ​ട​ത്ത് കൊ​യ്ത്ത് ഉ​ത്സ​വ​ത്തി​ന് തു​ട​ക്കം കു​റി​ക്കാ​ൻ കൃ​ഷി മ​ന്ത്രി ത​ന്നെ​യെ​ത്തി. ഒ​രു ഉ​യി​ർ​ത്തെ​ഴു​ന്നേ​ൽ​പ്പി​ന്‍റെ ആ​വേ​ശ​ത്തി​ൽ ക​ർ​ഷ​ക​രും നാ​ട്ടു​കാ​രും ഒ​ന്നാ​കെ കൃ​ഷി​യി​ട​ത്തി​ലേ​ക്കി​റ​ങ്ങി. 50 ഏ​ക്ക​റോ​ളം വ​രു​ന്ന കൃ​ഷി​യു​ടെ വി​ള​വെ​ടു​പ്പ് ആ​രം​ഭി​ച്ചു.

ഒ​ന്ന​ര പ​തി​റ്റാ​ണ്ടാ​യി ത​രി​ശി​ട്ടി​രു​ന്ന പാ​ട​ശേ​ഖ​ര​മാ​ണി​ത്. പാ​ട​ശേ​ഖ​ര സ​മി​തി, സൗ​ഹൃ​ദ കൂ​ട്ടാ​യ്മ എ​ന്നി​വ​രു​ടെ ആ​ഭി​മു​ഖ്യ​ത്തി​ലാ​ണ് കൃ​ഷി ന​ട​ത്തി​യ​ത്. ഇ​ട​യ്ക്കോ​ട് സ​ർ​വി​സ് സ​ഹ​ക​ര​ണ ബാ​ങ്ക് പ​ത്തേ​ക്ക​റി​ൽ കൃ​ഷി ചെ​യ്തി​ട്ടു​ണ്ട്. അ​വ​ന​വ​ൻ​ചേ​രി ഗ​വ. ഹൈ​സ്കൂ​ളി​ലെ എ​സ്.​പി.​സി യൂ​നി​റ്റ്, നി​റ​വ് പൂ​ർ​വ വി​ദ്യാ​ർ​ഥി കൂ​ട്ടാ​യ്മ, ക​ർ​ഷ​ക സം​ഘം കോ​രാ​ണി യൂ​നി​റ്റ്, കു​ടും​ബ​ശ്രീ എ​ന്നി​വ​യും ഇ​വി​ടെ കൃ​ഷി​യി​റ​ക്കി.

ത​രി​ശു കി​ട​ന്ന പാ​ട​ശേ​ഖ​ര​ങ്ങ​ളി​ലാ​ണ് കൂ​ട്ടാ​യ്മ​യു​ടെ പി​ൻ​ബ​ല​ത്തി​ൽ കൃ​ഷി​യി​റ​ക്കി​യ​ത്. മി​ക​ച്ച വി​ള​വാ​ണ് ല​ഭി​ച്ച​ത്. എ​ന്നാ​ൽ, ശ​നി​യാ​ഴ്ച​ത്തെ മ​ഴ​യി​ൽ കൊ​യ്ത്ത് ആ​രം​ഭി​ക്കാ​നി​രു​ന്ന വ​യ​ലു​ക​ൾ പൂ​ർ​ണ​മാ​യും വെ​ള്ള​ത്തി​ന​ടി​യി​ലാ​യി​രു​ന്നു. വ​യ​ലി​ൽ അ​ഞ്ച​ടി ഉ​യ​ര​ത്തി​ൽ വെ​ള്ളം നി​റ​ഞ്ഞു​നി​ന്നു.

ഒ​ഴു​ക്കു​ള്ള​തി​നാ​ൽ കൃ​ഷി പൂ​ർ​ണ​മാ​യും ന​ശി​ക്കു​മെ​ന്ന ആ​ശ​ങ്ക​യു​ണ്ടാ​യി​രു​ന്നു. ര​ണ്ടു​ദി​വ​സം മ​ഴ മാ​റി നി​ന്ന​തോ​ടെ വെ​ള്ളം ഇ​റ​ങ്ങി. ഇ​തോ​ടെ​യാ​ണ് കൊ​യ്ത്ത് ഉ​ത്സ​വ​ത്തി​ന് അ​ര​ങ്ങ് ഒ​രു​ങ്ങി​യ​ത്. ഏ​ലാ തോ​ടു​ക​ൾ വ​രു​ന്ന ഭാ​ഗ​ങ്ങ​ളി​ലു​ള്ള കൃ​ഷി​ക്ക് നാ​ശം ഉ​ണ്ടാ​യി​ട്ടു​ണ്ട്. എ​ങ്കി​ലും 80 ശ​ത​മാ​നം വി​ള​വും ന​ഷ്ട​പ്പെ​ടാ​തെ ക​ർ​ഷ​ക​ർ​ക്ക് ല​ഭി​ച്ചി​ട്ടു​ണ്ട്.

കൊ​യ്ത്തു​ത്സ​വം ഉ​ദ്ഘാ​ട​നം ചെ​യ്യാ​നെ​ത്തി​യ കൃ​ഷി മ​ന്ത്രി പി. ​പ്ര​സാ​ദ് പാ​ട​ശേ​ഖ​ര​ത്തി​ൽ ക​ർ​ഷ​ക​ർ ഒ​രു​ക്കി​യ ഏ​റു​മാ​ടം സ​ന്ദ​ർ​ശി​ച്ച ശേ​ഷ​മാ​ണ് വ​യ​ലി​ലി​റ​ങ്ങി​യ​ത്. കൊ​യ്ത്തു​പാ​ട്ടും കൈ​ത്താ​ള​വു​മാ​യി നാ​ട്ടു​കാ​ർ ആ​വേ​ശം പ​ക​ർ​ന്നു. ഈ ​നെ​ല്ല് പി​ര​പ്പ​മ​ൺ​കാ​ട് ബ്രാ​ൻ​ഡി​ൽ അ​രി​യാ​ക്കി വി​പ​ണി​യി​ൽ എ​ത്തി​ക്ക​ണ​മെ​ന്ന് മ​ന്ത്രി ഉ​ദ്ഘാ​ട​ന പ്ര​സം​ഗ​ത്തി​ൽ പ​റ​ഞ്ഞു.

ക​ർ​ഷ​ക കൂ​ട്ടാ​യ്മ​യു​ടെ നേ​തൃ​ത്വ​ത്തി​ൽ മി​ൽ സ്ഥാ​പി​ക്ക​ണം. അ​തി​നു സ​ർ​ക്കാ​ർ സ​ബ്സി​ഡി ന​ൽ​കു​മെ​ന്നും അ​ദ്ദേ​ഹം പ​റ​ഞ്ഞു. മു​തി​ർ​ന്ന ക​ർ​ഷ​ക​രെ മ​ന്ത്രി ആ​ദ​രി​ച്ചു. വി. ​ശ​ശി എം.​എ​ൽ.​എ, ഒ.​എ​സ്. അം​ബി​ക എം.​എ​ൽ.​എ, പ​ഞ്ചാ​യ​ത്ത് പ്ര​സി​ഡ​ൻ​റ് എ. ​ച​ന്ദ്ര​ബാ​ബു, ചി​റ​യി​ൻ​കീ​ഴ് ബ്ലോ​ക്ക് പ​ഞ്ചാ​യ​ത്ത് പ്ര​സി​ഡ​ന്‍റ്​ പി.​സി. ജ​യ​ശ്രീ, വി​ഷ്ണു ര​വീ​ന്ദ്ര​ൻ.

വി.​ആ​ർ. സാ​ബു, ര​തീ​ഷ് ര​വീ​ന്ദ്ര​ൻ, ഷൈ​നി, ബി​ജു, മോ​ഹ​ൻ​ദാ​സ്, അ​ർ​ച്ച​ന, കോ​രാ​ണി വി​ജു, ബി. ​രാ​ജീ​വ്, ശ​ര​ൺ കു​മാ​ർ, ജാ​സ്മി​ൻ, ശി​വ​പ്ര​സാ​ദ്, ശ്രീ​ധ​ര​ൻ നാ​യ​ർ, എ​സ്.​പി.​സി കോ​ഓ​ഡി​നേ​റ്റ​ർ എ​ൻ. സാ​ബു, ഇ​ട​യ്ക്കോ​ട്​ എ​ൽ.​പി.​എ​സ് എ​ച്ച്.​എം ജ​യ​കു​മാ​ർ, എം.​ജി.​എം സ്കൂ​ൾ എ​ച്ച്.​എം അ​രു​ൺ എ​ന്നി​വ​ർ പ​ങ്കെ​ടു​ത്തു.

വ​യ​ലി​ൽ വെ​ള്ളം പൂ​ർ​ണ​മാ​യും വ​റ്റാ​ത്ത​തി​നാ​ൽ കൊ​യ്ത്ത് യ​ന്ത്രം ഇ​റ​ക്കാ​ൻ ക​ഴി​യാ​ത്ത അ​വ​സ്ഥ​യാ​ണ്. ഒ​രു ദി​വ​സം കൂ​ടി മ​ഴ മാ​റി നി​ന്നാ​ൽ യ​ന്ത്ര​സ​ഹാ​യ​ത്തോ​ടെ വേ​ഗ​ത്തി​ൽ കൊ​യ്ത്ത് പൂ​ർ​ത്തി​യാ​ക്കാ​ൻ ക​ഴി​യും. നി​ല​വി​ൽ ക​ർ​ഷ​ക​ത്തൊ​ഴി​ലാ​ളി​ക​ളും കൂ​ട്ടാ​യ്മ പ്ര​വ​ർ​ത്ത​ക​രും ഒ​ന്നി​ച്ച് വി​ള​വെ​ടു​പ്പി​ന്​ ഇ​റ​ങ്ങു​ക​യാ​ണ്.