കു​ള​മ്പു​രോ​ഗം ത​ട​യാ​ൻ പ​ശു​ക്ക​ൾ​ക്ക് വാ​ക്‌​സി​ൻ സു​ര​ക്ഷ

കു​ള​മ്പു​രോ​ഗ​ത്തോ​ളം ക്ഷീ​ര​ക​ർ​ഷ​ക​രെ ദു​രി​ത​ത്തി​ലാ​ഴ്ത്തു​ന്ന മ​റ്റൊ​രു പ​ക​ർ​ച്ച​വ്യാ​ധി ക്ഷീ​ര​മേ​ഖ​ല​യി​ൽ ഇ​ല്ല എ​ന്നു​ത​ന്നെ പ​റ​യാം. ഈ ​രോ​ഗം കാ​ര​ണം രാ​ജ്യ​ത്തെ കാ​ർ​ഷി​ക മേ​ഖ​ല​ക്ക് സം​ഭ​വി​ച്ചു​കൊ​ണ്ടി​രി​ക്കു​ന്ന നേ​രി​ട്ടു​ള്ള സാ​മ്പ​ത്തി​ക​ന​ഷ്ടം പ്ര​തി​വ​ർ​ഷം 20,000 കോ​ടി രൂ​പ​യോ​ള​മാ​ണ്. പ​ശു​ക്ക​ളെ​യും എ​രു​മ​ക​ളെ​യും മാ​ത്ര​മ​ല്ല ആ​ട്, പ​ന്നി തു​ട​ങ്ങി​യ ഇ​ര​ട്ട കു​ള​മ്പു​ള്ള വ​ള​ർ​ത്തു​മൃ​ഗ​ങ്ങ​ളെ​യെ​ല്ലാം ഈ ​വൈ​റ​സ് രോ​ഗം ബാ​ധി​ക്കും.

ഓ​രോ മൃ​ഗ​ങ്ങ​ളി​ലും കു​ള​മ്പു​രോ​ഗം ബാ​ധി​ക്കു​ന്ന​തി​ന്റെ തീ​വ്ര​ത​യി​ൽ വ്യ​ത്യാ​സ​മു​ണ്ട്. ആ​ടു​ക​ളെ രോ​ഗം ബാ​ധി​ക്കാ​മെ​ങ്കി​ലും പ​ശു​ക്ക​ളി​ലേ​തു​പോ​ലെ ഗു​രു​ത​ര​മാ​യ ല​ക്ഷ​ണ​ങ്ങ​ൾ കാ​ണാ​റി​ല്ല. പ​ന്നി​ക​ളി​ൽ വൈ​റ​സ് പ​തി​ന്മ​ട​ങ്ങാ​യി പെ​രു​കു​ക​യും പു​റ​ത്തു​വ​രു​ക​യും ചെ​യ്യു​ന്ന​തി​നാ​ൽ പ​ന്നി​ക​ൾ​ക്ക് രോ​ഗ​ബാ​ധ​യേ​റ്റാ​ൽ നി​യ​ന്ത്ര​ണം ദു​ഷ്‍ക​ര​മാ​വാ​റു​ണ്ട്. കു​ള​മ്പു​രോ​ഗം മൃ​ഗ​ങ്ങ​ളി​ൽ​നി​ന്ന് മ​നു​ഷ്യ​രി​ലേ​ക്ക് പ​ക​രു​ന്ന ഒ​ന്ന​ല്ല.

വാ​യു​വി​ലൂ​ടെ 60 കി​ലോ​മീ​റ്റ​ർ വ​രെ വൈ​റ​സ് പ​ക​ർ​ച്ച

രോ​ഗം ബാ​ധി​ച്ച​തോ രോ​ഗ​വാ​ഹ​ക​രോ ആ​യ കാ​ലി​ക​ൾ അ​വ​യു​ടെ നി​ശ്വാ​സ​വാ​യു​വി​ലൂ​ടെ​യും ഉ​മി​നീ​ർ, പാ​ൽ തു​ട​ങ്ങി ശ​രീ​ര​സ്ര​വ​ങ്ങ​ളി​ലൂ​ടെ​യും ചാ​ണ​ക​ത്തി​ലൂ​ടെ​യും മൂ​ത്ര​ത്തി​ലൂ​ടെ​യും വൈ​റ​സി​നെ ധാ​രാ​ള​മാ​യി പു​റ​ന്ത​ള്ളും. വാ​യു​വി​ലൂ​ടെ​യും, രോ​ഗ​ബാ​ധ​യേ​റ്റ​തോ രോ​ഗാ​ണു​വാ​ഹ​ക​രോ ആ​യ ക​ന്നു​കാ​ലി​ക​ളു​മാ​യു​ള്ള നേ​രി​ട്ടോ അ​ല്ലാ​തെ​യോ ഉ​ള്ള സ​മ്പ​ർ​ക്ക​ത്തി​ലൂ​ടെ​യു​മാ​ണ് കു​ള​മ്പു​രോ​ഗം പ്ര​ധാ​ന​മാ​യും പ​ട​രു​ന്ന​ത്.

രോ​ഗം ബാ​ധി​ച്ച കാ​ലി​ക​ളു​ടെ ചാ​ണ​ക​വും മൂ​ത്ര​വും ശ​രീ​ര​സ്ര​വ​ങ്ങ​ളും ക​ല​ർ​ന്ന് രോ​ഗാ​ണു​മ​ലി​ന​മാ​യ തീ​റ്റ​യി​ലൂ​ടെ​യും വെ​ള്ള​ത്തി​ലൂ​ടെ​യും രോ​ഗം വ്യാ​പി​ക്കും. ഫാ​മി​ലെ​ത്തു​ന്ന വാ​ഹ​ന​ങ്ങ​ളി​ലൂ​ടെ​യും ഫാം ​ഉ​പ​ക​ര​ണ​ങ്ങ​ളി​ലൂ​ടെ​യു​മെ​ല്ലാം രോ​ഗ​ബാ​ധ​യു​ള്ള സ്ഥ​ല​ങ്ങ​ളി​ൽ​നി​ന്നും മ​റ്റു സ്ഥ​ല​ങ്ങ​ളി​ലേ​ക്ക് രോ​ഗം പ​ട​രാം. രോ​ഗ​ബാ​ധ​യു​ള്ള സ്ഥ​ല​ങ്ങ​ളി​ൽ​നി​ന്നും വാ​യു​വി​ലൂ​ടെ 60 കി​ലോ​മീ​റ്റ​ർ വ​രെ ദൂ​ര​ത്തേ​ക്ക് വ്യാ​പി​ക്കാ​ൻ വൈ​റ​സി​ന് ശേ​ഷി​യു​ണ്ട്.

വൈ​റ​സ് പ​ശു​ക്ക​ളി​ലെ​ത്തി ര​ണ്ട് മു​ത​ൽ 14 ദി​വ​സ​ത്തി​ന​കം ല​ക്ഷ​ണ​ങ്ങ​ൾ ക​ണ്ടു​തു​ട​ങ്ങും. ശ​ക്ത​മാ​യ പ​നി, ശ​രീ​ര​വേ​ദ​ന കാ​ര​ണം ന​ട​ക്കാ​നു​ള്ള പ്ര​യാ​സം, തീ​റ്റ​മ​ടു​പ്പ്, വാ​യി​ല്‍നി​ന്ന് ഉ​മി​നീ​ര്‍ പ​ത​ഞ്ഞ് ഒ​ലി​ച്ചി​റ​ങ്ങ​ൽ, മൂ​ക്കൊ​ലി​പ്പ് എ​ന്നി​വ​യാ​ണ് പ്രാ​രം​ഭ രോ​ഗ​ല​ക്ഷ​ണ​ങ്ങ​ൾ. ക​റ​വ​യു​ള്ള പ​ശു​ക്ക​ളി​ൽ പാ​ലു​ൽ​പാ​ദ​നം ഒ​റ്റ​യ​ടി​ക്ക് കു​റ​യും. വാ​യ തു​റ​ന്ന​ട​ക്കു​മ്പോ​ൾ ഉ​മി​നീ​ർ പ​ത​ഞ്ഞ് ‘ച​പ്, ച​പ്’ എ​ന്ന ശ​ബ്ദം കേ​ൾ​ക്കാം.

തു​ട​ർ​ന്ന് ഒ​ന്നോ ര​ണ്ടോ ദി​വ​സ​ത്തി​ന​കം വാ​യി​ലും നാ​ക്കി​ലും മോ​ണ​യി​ലും മൂ​ക്കി​ലും അ​കി​ടി​ലും കു​ള​മ്പു​ക​ൾ​ക്കി​ട​യി​ലും ചു​വ​ന്ന് തി​ണ​ര്‍ത്ത് പൊ​ള്ള​ലേ​റ്റ​തി​ന് സ​മാ​ന​മാ​യ പോ​ള​ക​ളും തി​ണ​ർ​പ്പു​ക​ളും ക​ണ്ടു​തു​ട​ങ്ങും. 24 മ​ണി​ക്കൂ​റി​നു​ള്ളി​ല്‍ ഈ ​തി​ണ​ര്‍പ്പു​ക​ള്‍ പൊ​ട്ടി വ്ര​ണ​ങ്ങ​ളാ​യി​ത്തീ​രും. രോ​ഗ​ബാ​ധ​യേ​റ്റ പ​ശു​ക്ക​ളു​ടെ വാ​യ് പി​ള​ർ​ന്ന് നാ​വും മോ​ണ​യും പ​രി​ശോ​ധി​ച്ചാ​ൽ പു​റം​തൊ​ലി പ​ല ഭാ​ഗ​ങ്ങ​ളി​ലാ​യി അ​ട​ർ​ന്ന് മു​റി​വാ​യ​താ​യി കാ​ണാം.

രോ​ഗാ​ണു ഹൃ​ദ​യ​പേ​ശി​യെ ഗു​രു​ത​ര​മാ​യി ബാ​ധി​ക്കു​ന്ന​തി​നാ​ല്‍ പ​ശു, എ​രു​മ കി​ടാ​ക്ക​ളി​ല്‍ മ​ര​ണ​നി​ര​ക്ക് ഉ​യ​ര്‍ന്ന​താ​ണ്. വ​ലി​യ പ​ശു​ക്ക​ളി​ല്‍ മ​ര​ണ​നി​ര​ക്ക് കു​റ​വാ​ണെ​ങ്കി​ലും രോ​ഗ​ല​ക്ഷ​ണ​ങ്ങ​ള്‍ തീ​വ്ര​മാ​യി പ്ര​ക​ട​മാ​വും. പ​ക​ർ​ച്ച​നി​ര​ക്കും കൂ​ടു​ത​ലാ​ണ്. രോ​ഗം ഗു​രു​ത​ര​മാ​യാ​ൽ അ​നു​ബ​ന്ധ അ​ണു​ബാ​ധ​ക​ൾ പി​ടി​പെ​ടാ​നും ഗ​ർ​ഭി​ണി പ​ശു​ക്ക​ളു​ടെ ഗ​ർ​ഭ​മ​ല​സാ​നും സാ​ധ്യ​ത കൂ​ടു​ത​ലാ​ണ്. രോ​ഗ​ത്തി​ൽ​നി​ന്ന് ര​ക്ഷ​പ്പെ​ട്ടാ​ലും പ​ശു​ക്ക​ൾ പ​ഴ​യ ഉ​ൽ​പാ​ദ​ന​വും പ്ര​ത്യു​ൽ​പാ​ദ​ന​ക്ഷ​മ​ത​യും വീ​ണ്ടെ​ടു​ക്കാ​നു​ള്ള സാ​ധ്യ​ത​യും വി​ര​ളം.

വാ​ക്‌​സി​ൻ സു​ര​ക്ഷ

പ്ര​തി​രോ​ധ കു​ത്തി​വെ​പ്പി​ലൂ​ടെ മാ​ത്ര​മേ രോ​ഗ​ത്തെ പൂ​ർ​ണ​മാ​യും ത​ട​യാ​ൻ ക​ഴി​യു​ക​യു​ള്ളൂ. സം​സ്ഥാ​ന​ത്ത് പ​ല​പ്പോ​ഴും കു​ള​മ്പു​രോ​ഗം പൊ​ട്ടി​പ്പു​റ​പ്പെ​ടു​ന്ന സാ​ഹ​ച​ര്യ​ത്തി​ൽ ത​ങ്ങ​ളു​ടെ ക്ഷീ​ര സം​രം​ഭ​ങ്ങ​ളി​ൽ ക​ന്നു​കാ​ലി​ക​ൾ​ക്ക് വാ​ക്സി​ൻ ന​ൽ​കി സു​ര​ക്ഷി​ത​മാ​ക്കാ​ൻ ക​ർ​ഷ​ക​ർ പ്ര​ത്യേ​കം ജാ​ഗ്ര​ത പു​ല​ർ​ത്ത​ണം. പ​ശു​ക്കി​ടാ​ങ്ങ​ൾ​ക്ക് നാ​ലു​മാ​സം പ്രാ​യ​മെ​ത്തു​മ്പോ​ൾ ആ​ദ്യ​ത്തെ കു​ള​മ്പു​രോ​ഗ പ്ര​തി​രോ​ധ കു​ത്തി​വെ​പ്പ് ന​ൽ​ക​ണം.

ആ​ദ്യ കു​ത്തി​വെ​പ്പ് ന​ൽ​കി മൂ​ന്നാ​ഴ്ച ക​ഴി​ഞ്ഞ് ബൂ​സ്റ്റ​ർ ഡോ​സ് ന​ൽ​ക​ണം. പി​ന്നീ​ട് ഓ​രോ ആ​റു​മാ​സം കൂ​ടു​മ്പോ​ഴും കൃ​ത്യ​മാ​യി കു​ത്തി​വെ​പ്പ് ആ​വ​ർ​ത്തി​ക്ക​ണം. എ​ത്ര പ്രാ​വ​ശ്യം രോ​ഗ​പ്ര​തി​രോ​ധ കു​ത്തി​വെ​പ്പ് എ​ടു​ക്കു​ന്നു എ​ന്ന​ത് പ്ര​ധാ​ന​മാ​ണ്. ഒ​രു മേ​ഖ​ല​യി​ലെ 80 ശ​ത​മാ​നം ക​ന്നു​കാ​ലി​ക​ൾ​ക്കെ​ങ്കി​ലും വാ​ക്സി​ൻ ന​ൽ​കി മ​തി​യാ​യ പ്ര​തി​രോ​ധം/​കൂ​ട്ട​പ്ര​തി​രോ​ധം കൈ​വ​രി​ച്ചാ​ൽ മാ​ത്ര​മേ കു​ള​മ്പു​രോ​ഗ​ത്തെ പൂ​ർ​ണ​മാ​യും അ​ക​റ്റി​നി​ർ​ത്താ​ൻ സാ​ധി​ക്കു​ക​യു​ള്ളൂ.

ഇ​തു​വ​രെ പ്ര​തി​രോ​ധ കു​ത്തി​വെ​പ്പ് എ​ടു​ക്കാ​ത്ത കാ​ലി​ക​ൾ​ക്ക് വാ​ക്സി​ൻ ന​ൽ​കു​ന്ന​തി​നാ​യി ഏ​പ്രി​ൽ 12 മു​ത​ൽ 20 വ​രെ മൃ​ഗ​സം​ര​ക്ഷ​ണ​വ​കു​പ്പ് സം​സ്ഥാ​ന​ത്ത് പ്ര​ത്യേ​ക വാ​ക്സി​നേ​ഷ​ൻ യ​ജ്ഞം ന​ട​പ്പി​ലാ​ക്കു​ന്നു​ണ്ട്. തൊ​ട്ട​ടു​ത്ത മൃ​ഗാ​ശു​പ​ത്രി​യു​മാ​യി ബ​ന്ധ​പ്പെ​ട്ട് ക​ർ​ഷ​ക​ർ​ക്ക് ഈ ​അ​വ​സ​രം പ്ര​യോ​ജ​ന​പ്പെ​ടു​ത്താ​വു​ന്ന​താ​ണ്.