ഇന്തോ-തിബത്തൻ ബോർഡർ പൊലീസ് സേനയിൽ (ഐ.ടി.ബി.പി.എഫ്) താഴെ തസ്തികകളിൽ നിയമനത്തിന് സെപ്റ്റംബർ 10 വരെ ഓൺലൈനായി അപേക്ഷിക്കാം. വിവിധ തസ്തികകളിലായി 128 ഒഴിവുകളുണ്ട്.
കോൺസ്റ്റബിൾ (അനിമൽ ട്രാൻസ്പോർട്ട്): ഒഴിവുകൾ -പുരുഷൻ 97, വനിത 18. ശമ്പളം-21,700-69,100 രൂപ. യോഗ്യത: എസ്.എസ്.എൽ.സി/തത്തുല്യ പരീക്ഷ പാസായിരിക്കണം. പ്രായപരിധി 18-25.
കോൺസ്റ്റബിൾ (കെന്നൽമാൻ): പുരുഷന്മാർ മാത്രം, ഒഴിവ്-4. ശമ്പളം-21,700-69,100 രൂപ. യോഗ്യത: എസ്.എസ്.എൽ.സി/തത്തുല്യ പരീക്ഷ വിജയിച്ചിരിക്കണം. പ്രായപരിധി 18-27.
ഹെഡ് കോൺസ്റ്റബിൾ (ഡ്രസ്സർ വെറ്ററിനറി: പുരുഷൻ 8, വനിത 1, ശമ്പളനിരക്ക് 25,500-81,100 രൂപ. യോഗ്യത: ഹയർ സെക്കൻഡറി/പ്ലസ്ടു/തത്തുല്യ പരീക്ഷ വിജയിച്ചിരിക്കണം. കൂടാതെ റഗുലർ പാരാ വെറ്ററിനറി കോഴ്സ് അല്ലെങ്കിൽ ഒരുവർഷത്തിൽ കുറയാത്ത വെറ്ററിനറി തെറാപ്പെറ്റിക്സ്/ലൈവ്സ്റ്റോക്ക് മാനേജ്മെന്റ് അംഗീകൃത ഡിപ്ലോമ/സർട്ടിഫിക്കറ്റ് നേടിയിരിക്കണം. പ്രായപരിധി 18-27.
വിശദവിവരങ്ങൾ https://recruitment.itbpolice.nic.inൽ ലഭ്യമാണ്. 100 രൂപയാണ് അപേക്ഷാഫീസ്. വനിതകൾ, വിമുക്തഭടന്മാർ, പട്ടികജാതി/വർഗ വിഭാഗങ്ങളിൽപെടുന്നവർക്ക് ഫീസില്ല. കൂടുതൽ വിവരങ്ങളും അപ്ഡേറ്റുകളും വെബ്സൈറ്റിൽ ലഭിക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.