കേന്ദ്ര ബഹിരാകാശ വകുപ്പിന് കീഴിലുള്ള തിരുവനന്തപുരത്തെ വിക്രം സാരാഭായ് സ്പേസ് സെന്റർ (VSSC) ലൈറ്റ്/ഹെവി വെഹിക്കിൾ ഡ്രൈവർമാരെ നിയമിക്കുന്നതിന് അപേക്ഷകൾ ക്ഷണിച്ചു. 18 ഒഴിവുകളുണ്ട്. വനിതകൾക്കും അപേക്ഷിക്കാം.
1. ലൈറ്റ് വെഹിക്കിൾ ഡ്രൈവർ, ഒഴിവുകൾ 9 (ജനറൽ-5, ഒ.ബി.സി-2, എസ്.സി-1, ഇ.ഡബ്ല്യു.എസ്-1, വിമുക്തഭടൻ-1). യോഗ്യത: എസ്.എസ്.എൽ.സി/തത്തുല്യം, പ്രാബല്യത്തിലുള്ള ലൈറ്റ് വെഹിക്കിൾ ഡ്രൈവിങ് ലൈസൻസ് ഉണ്ടായിരിക്കണം. മൂന്ന് വർഷത്തെ മുൻപരിചയം വേണം.2. ഹെവി വെഹിക്കിൾ ഡ്രൈവർ, ഒഴിവുകൾ 9 (ജനറൽ-5, ഒ.ബി.സി-2, എസ്.സി-1, ഇ.ഡബ്ല്യു.എസ്-1, വിമുക്തഭടൻ-1).
യോഗ്യത: എസ്.എസ്.എൽ.സി/തത്തുല്യം, പ്രാബല്യത്തിലുള്ള ഹെവി വെഹിക്കിൾ ഡ്രൈവിങ് ലൈസൻസ്, ബാഡ്ജ്. അഞ്ചു വർഷത്തെ മുൻപരിചയം വേണം(ഇതിൽ മൂന്നുവർഷം ഹെവി വെഹിക്കിൾ ഡ്രൈവർ).വിശദവിവരങ്ങളടങ്ങിയ വിജ്ഞാപനം (പരസ്യ നമ്പർ vssc-328) www.vssc.gov.inൽ ലഭിക്കും. അപേക്ഷ ഓൺലൈനായി നവംബർ 13 മുതൽ 27 വൈകീട്ട് അഞ്ചുമണി വരെ സമർപ്പിക്കാം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.