നാഷനൽ ഹെൽത്ത് മിഷെൻറ കേരളത്തിലെ 14 ജില്ലകളിലേക്ക് സ്റ്റാഫ് നഴ്സുമാരെ തെരഞ്ഞെടുക്കുന്നതിന് സെൻറർ ഫോർ മാനേജ്മെൻറ് െഡവലപ്മെൻറ് (CMD) അപേക്ഷകൾ ക്ഷണിച്ചു. വിവിധ ജില്ലകളിലായി ആകെ 1603 ഒഴിവുകളുണ്ട്. ജില്ല തിരിച്ചുള്ള ഒഴിവുകൾ ചുവടെ: കരാർ അടിസ്ഥാനത്തിലാണ് നിയമനം. തിരുവനന്തപുരം 125, കൊല്ലം 107, പത്തനംതിട്ട 76, ആലപ്പുഴ 111, കോട്ടയം 102, ഇടുക്കി 85, എറണാകുളം 126, തൃശൂർ 142, പാലക്കാട് 133, മലപ്പുറം 166, കോഴിക്കോട് 109, വയനാട് 121, കണ്ണൂർ 143, കാസർകോട് 57. റിക്രൂട്ട്മെൻറിനായി റാങ്ക് ലിസ്റ്റ് തയാറാക്കും. കൂടുതൽ നഴ്സുമാരെ ആവശ്യമുള്ളപക്ഷം റാങ്ക് ലിസ്റ്റിൽനിന്ന് നിയമനം നടത്തുന്നതാണ്.
യോഗ്യത: ബി.എസ്സി നഴ്സിങ്. യോഗ്യത നേടിക്കഴിഞ്ഞ് ഒരുവർഷത്തെ പ്രവൃത്തി പരിചയമുണ്ടായിരിക്കണം. പ്രവൃത്തിപരിചയമുള്ള ജി.എൻ.എമ്മുകാരെയും പരിഗണിക്കും. പ്രായപരിധി 1.12.2020ൽ 40 വയസ്സ്.
വിശദവിവരങ്ങളടങ്ങിയ റിക്രൂട്ട്മെൻറ് വിജ്ഞാപനം www.cmdkerala.netൽ ലഭ്യമാണ്. പരീക്ഷഫീസ് 325 രൂപ. ട്രാൻസാക്ഷൻ ചാർജ് കൂടി നൽകേണ്ടതുണ്ട്. അപേക്ഷ ഓൺലൈനായി നിർദേശാനുസരണം സമർപ്പിക്കണം. സെലക്ഷൻ ജില്ലതലത്തിലായതിനാൽ നിയമനം ആഗ്രഹിക്കുന്ന ഏതെങ്കിലും ഒരു ജില്ലയിലേക്ക് മാത്രമേ അപേക്ഷിക്കാൻ പാടുള്ളൂ. അപേക്ഷ സമർപ്പണത്തിനുള്ള നിർദേശങ്ങൾ വിജ്ഞാപനത്തിലുണ്ട്. ജനുവരി 8 വൈകീട്ട് 5 മണി വരെ അപേക്ഷ സ്വീകരിക്കും. യോഗ്യത പരീക്ഷയുടെ മെറിറ്റ്, പ്രവൃത്തി പരിചയം, ഇൻറർവ്യൂവിലെ മികവ് എന്നിവ പരിഗണിച്ചാണ് സെലക്ഷൻ.
തെരഞ്ഞെടുക്കപ്പെടുന്നവർക്ക് നാലു മാസത്തെ പരിശീലനം നൽകും. പരിശീലനം പൂർത്തിയാക്കുന്നവരെ സ്റ്റാഫ് നഴ്സായി കരാർ അടിസ്ഥാനത്തിൽ നിയമിക്കും.
പരിശീലനകാലം 17,000 രൂപയും അത് കഴിഞ്ഞ് 17,000 + 1000 രൂപ (യാത്രബത്ത) ശമ്പളമായും ലഭിക്കുന്നതാണ്. കൂടുതൽ വിവരങ്ങൾക്ക് www.cmdkerala.net കാണുക.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.