സി​വി​ൽ സ​ർ​വി​സി​ന് തയാറെടുക്കാം, ര​ണ്ടു​ണ്ട്‌ കാ​ര്യം

ഒ​രി​ക്ക​ൽ‍ ഒ​രു പ്ര​മു​ഖ കോ​ള​ജി​ൽ‍ ആ​ദ്യ​വ​ർ​ഷ ബി​രു​ദ വി​ദ്യാ​ർ‍ഥി​ക​ളോട് സംസാരിക്കുകയായിരുന്നു. അ​വ​രോ​ട് സി​വി​ൽ‍ സ​ർ‍വി​സ് താ​ൽ​പ​ര്യ​മു​ള്ള​വ​ർ‍ ഇ​പ്പോ​ൾ‍ ത​ന്നെ ഒ​രു​ക്ക​ങ്ങ​ൾ‍ തു​ട​ങ്ങു​ന്ന​ത് ന​ല്ല​താ​ണെ​ന്നും, അ​ത് എ​ങ്ങ​നെ ചെ​യ്യണമെന്നും പ​റ​ഞ്ഞു. അ​ടു​ത്ത മൂ​ന്നു വ​ർ‍ഷം അ​ക്കാ​ദ​മി​ക മി​ക​വി​ന് ഉ​പ​യോ​ഗ​പ്ര​ദ​മാ​ക്കു​ന്ന​തി​ന്റെ രീ​തി, ആ​വ​ശ്യ​ക​ത എ​ന്നി​വ ഊ​ന്നി​പ്പ​റ​ഞ്ഞു. പെ​ട്ടെ​ന്ന് ഒ​രു വി​ദ്യാ​ർ​ഥി ചാ​ടി​യെ​ണീ​റ്റ് പ​റ​ഞ്ഞു. ‘‘സി​വി​ൽ‍ സ​ർ​വി​സ് പ​രീ​ക്ഷ​ക്ക് ആ​റാം ക്ലാ​സ് മു​ത​ൽ‍ക്കെ​ങ്കി​ലും മു​ന്നൊ​രു​ക്ക​ങ്ങ​ൾ‍ ന​ട​ത്തി​ത്തു​ട​ങ്ങ​ണം, എ​ന്നാ​ലേ അ​ത് കി​ട്ടൂ, ഞ​ങ്ങ​ളൊ​ക്കെ ഇ​പ്പോ​ൾ‍ ഡി​ഗ്രിയെത്തി, ഇ​നി അ​തി​നെ കു​റി​ച്ചൊ​ക്കെ ചി​ന്തി​ച്ചിട്ട് കാര്യമില്ല. മാ​ത്ര​മ​ല്ല ന​ല്ല പൊ​തു​വി​ജ്ഞാ​ന​വും വേ​ണം, ഞ​ങ്ങ​ൾ‍ക്കി​ട​യി​ൽ‍ ബ​ഹു​ഭൂ​രി​പ​ക്ഷ​ത്തി​നും സം​സ്ഥാ​ന​ മ​ന്ത്രി​മാ​രെ​ക്കു​റി​ച്ചു​പോ​ലും അ​റി​യി​ല്ല”. അ​വ​ന്റെ പ്ര​സ്താ​വ​ന​ക​ളെ ഒ​ന്ന് വി​ശ​ക​ല​നം ചെ​യ്തു നോ​ക്കൂ, സം​ശ​യ​ത്തി​ന്റെ ധ്വ​നി അ​ല്ല, ശ​ക്ത​മാ​യ ഒ​രു വി​ശ്വാ​സ​ത്തി​ന്റെ ശ​ക്തി​യാ​ണ് വാ​ക്കു​ക​ൾ‍ക്ക്. വൈ​കി​പ്പോ​യി എ​ന്ന ഉ​റ​ച്ച ധാ​ര​ണ. നി​രാ​ശ, ന​ഷ്ട​ബോ​ധം അ​ങ്ങ​നെ അ​ടി​യു​റ​ച്ചു​പോ​യ പ​ല അ​ബ​ദ്ധ​ധാ​ര​ണ​ക​ളും.

ആ ​കു​ട്ടി​യു​ടെ വാ​ക്കു​ക​ളി​ലൂ​ടെ ത​ന്നെ ന​മു​ക്ക് സി​വി​ൽ‍ സ​ർ‍വി​സ് പ​രീ​ക്ഷ​യെ​ക്കു​റി​ച്ച അ​ബ​ദ്ധ​ധാ​ര​ണ​ക​ൾ വി​ശ​ക​ല​നം ചെ​യ്യാം.

ഒ​ന്ന്, ആ​റാം ക്ലാ​സോ എ​ട്ടാം ക്ലാ​സോ മു​ത​ലെ​ങ്കി​ലും പ​ഠി​ച്ചാ​ലേ സി​വി​ൽ‍ സ​ർ‍വി​സ് പ​രീ​ക്ഷ​യി​ൽ‍ വി​ജ​യി​ക്കാ​ൻ സാ​ധി​ക്കൂ എ​ന്ന​ത്. ക​ഴി​ഞ്ഞ കു​റെ വ​ർ‍ഷ​ങ്ങ​ളു​ടെ ക​ണ​ക്കു​ക​ൾ‍ പ​രി​ശോ​ധി​ച്ചാ​ൽ‍ ഒ​രു കാ​ര്യം ബോ​ധ്യ​മാ​വും, സി​വി​ൽ‍ സ​ർ‍വി​സ് നേ​ടി​യ സിം​ഹ​ഭാ​ഗ​വും ഡി​ഗ്രി ത​ല​ത്തി​ലോ ഡി​ഗ്രി ക​ഴി​ഞ്ഞി​ട്ടോ ചി​ന്തി​ച്ച് തു​ട​ങ്ങി​യ​വ​രാ​ണ് എ​ന്ന വ​സ്തു​ത. സ​ത്യ​ത്തി​ൽ‍ എ​ന്നാ​ണോ നി​ങ്ങ​ൾ‍ക്ക് സി​വി​ൽ‍ സ​ർ‍വി​സ് പ​രീ​ക്ഷ​യെ​ക്കു​റി​ച്ച ധാ​ര​ണ​ക​ൾ‍ രൂ​പ​പ്പെ​ടു​ന്ന​ത്, അ​ല്ലെ​ങ്കി​ൽ‍ അ​തി​നോ​ട് ആ​ഗ്ര​ഹം, അ​ഭി​നി​വേ​ശം തോ​ന്നി​ത്തു​ട​ങ്ങു​ന്ന​ത് അ​താ​ണ്‌ നി​ങ്ങ​ളു​ടെ സ്റ്റാ​ർ​ട്ടി​ങ് പോ​യ​ന്റ്. പ​ക്ഷേ, അ​ത് കൃ​ത്യ​മാ​യ കാ​ര്യ​ക്ഷ​മ​മാ​യ ഒ​രു​ക്ക​ങ്ങ​ളു​ടെ തു​ട​ക്കം ആ​വ​ണം.

ര​ണ്ട്, സി​വി​ൽ‍ സ​ർ‍വി​സ് പ​രീ​ക്ഷ വി​ജ​യി​ക്ക​ണ​മെ​ങ്കി​ൽ‍ പ്രാ​ചീ​ന ശി​ലാ​യു​ഗം മു​ത​ൽ‍ ഇ​ന്നു​വ​രെ​യു​ള്ള സ​ക​ല സാ​മൂ​ഹി​ക, ശാ​സ്ത്ര, സാ​ങ്കേ​തി​ക, സാ​മ്പ​ത്തി​ക, രാ​ഷ്ട്രീ​യ കാ​ര്യ​ങ്ങ​ളെ​ക്കു​റി​ച്ച ആ​ഴ​ത്തി​ലു​ള്ള അ​തി സൂ​ക്ഷ്മ​മാ​യ വി​വ​ര​ങ്ങ​ൾ‍ ഉ​ണ്ടാ​വ​ണം എ​ന്ന​താ​ണ് ന​മ്മു​ടെ​യൊ​ക്കെ ധാ​ര​ണ. വ​ള​രെ വ​ലി​യ അ​ബ​ദ്ധ​ചി​ന്ത​യാ​ണ് ഇ​ത്. സി​വി​ൽ‍ സ​ർ‍വി​സ് പ​രീ​ക്ഷ​യു​ടെ ഘ​ട​ന മൊ​ത്തം പ​രി​ശോ​ധി​ച്ചാ​ൽ‍ അ​ത് കൂ​ടു​ത​ലും ഊ​ന്നു​ന്ന​ത് സാ​മൂ​ഹി​ക, ശാ​സ്ത്ര, സാ​ങ്കേ​തി​ക, സാ​മ്പ​ത്തി​ക, രാ​ഷ്ട്രീ​യ വി​വ​ര​ങ്ങ​ളെ ആ​നു​കാ​ലി​ക സം​ഭ​വ വി​കാ​സ​ങ്ങ​ളു​മാ​യി ബ​ന്ധ​പ്പെ​ടു​ത്തി​യു​ള്ള വി​ശ​ക​ല​ന​മാ​ണ് വേ​ണ്ട​ത് എ​ന്നാ​ണ്. അ​തോ​ടൊ​പ്പം ഇ​ന്ത്യ​ൻ ചരിത്രം, ദേ​ശീ​യ – അ​ന്ത​ർ‍ദേ​ശീ​യ രാ​ഷ്ട്രീ​യം, സ​മ്പ​ദ് വ്യ​വ​സ്ഥ, ഭൂമിശാസ്ത്രം എ​ന്നി​വ​യെ​ക്കു​റി​ച്ച് സി​ല​ബ​സി​ൽ‍ ഒ​തു​ങ്ങി​നി​ന്നു​ള്ള ആ​ഴ​ത്തി​ലു​ള്ള ധാ​ര​ണ​ക​ളും അ​വ​യെ ആ​നു​കാ​ലി​ക സം​ഭ​വ​ങ്ങ​ളോ​ട് ചേ​ർ‍ത്തു​വെ​ച്ചു​ള്ള അ​പ​ഗ്ര​ഥ​ന​ശേ​ഷി​യു​മാ​ണ് വേണ്ടത്. നാ​ലോ അ​ഞ്ചോ വ​ർ‍ഷ​ത്തെ ആ​നു​കാ​ലി​ക സം​ഭ​വ വി​കാ​സ​ങ്ങ​ളെ വി​ശ​ക​ല​നം ചെ​യ്യാ​ൻ ഉ​ത്സാ​ഹം കാ​ണി​ക്കു​ന്ന​വ​ർ‍ക്ക് – പ​ഴ​യ പ​ത്ര​ങ്ങ​ൾ‍, ഇ​യ​ർ‍ ബു​ക്ക്‌ എ​ന്നി​വ​യി​ലൂ​ടെ എ​ങ്കി​ലും - സി​വി​ൽ‍ സ​ർ‍വി​സ് പ​രീ​ക്ഷ നേ​ടി​യെ​ടു​ക്കാ​വു​ന്ന ഒ​ന്നാ​ണ്. ലോ​ക​ത്തെ സ​ക​ല വി​വ​ര​ങ്ങ​ളും അ​ര​ച്ചു​ക​ല​ക്കി കു​ടി​ച്ച സൂ​പ്പ​ർ‍ ക​മ്പ്യൂ​ട്ട​ർ‍ ആ​വ​ണം ന​മ്മു​ടെ ത​ല എ​ന്നൊ​ക്കെ ചി​ന്തി​ക്കു​ന്ന​ത് ത​ന്നെ അ​ബ​ദ്ധ​മാ​ണ്.

സി​വി​ൽ‍ സ​ർ‍വി​സ് പ​രീ​ക്ഷ​ക​ളു​ടെ ച​രി​ത്ര​വും വ​സ്തു​ത​യും പ​രി​ശോ​ധി​ച്ചാ​ൽ‍ മ​ന​സ്സി​ലാ​കു​ന്ന കാ​ര്യം, ഒ​രു മു​ൻ​ധാ​ര​ണ​ക​ളും അ​റി​വും ഇ​ല്ലാ​തി​രു​ന്നി​ട്ടു​പോ​ലും ഒ​ന്നോ ര​ണ്ടോ വ​ർ‍ഷ​ത്തെ ഒ​രു​ക്ക​ങ്ങ​ൾ‍ കൊ​ണ്ടു​ത​ന്നെ അ​ത് നേ​ടി​യെ​ടു​ത്ത ഒ​ട്ടേ​റെ പേ​രു​ണ്ട് എ​ന്നു​ള്ള​താ​ണ്. ചി​ട്ട​യാ​യി ഒ​രു​ക്ക​ങ്ങ​ൾ‍ ന​ട​ത്തി​യ അ​ധി​ക​പേ​രും സി​വി​ൽ‍ സ​ർ‍വി​സ് പ​രീ​ക്ഷ ല​ഭി​ച്ചി​ല്ലെ​ങ്കി​ൽ‍ പോ​ലും കേ​ന്ദ്ര​, സം​സ്ഥാ​ന ത​ല​ത്തി​ലുള്ള മ​ത്സ​ര​പ​രീ​ക്ഷ​ക​ൾ‍ വി​ജ​യി​ച്ച് ന​ല്ല ജോ​ലി​യി​ൽ‍ കയറിയിട്ടു​ണ്ട്. ക​ഷ്ട​പ്പെ​ട്ട് എ​ഴു​തി​യി​ട്ടും ഐ.എ.എസും ഐ.പി.എസും ഒന്നുംനേ​ടാ​നാ​യി​ല്ലെ​ങ്കി​ലും വേറെ ജോ​ലി​ കി​ട്ടും എ​ന്ന​ർ​ഥം.

സി​വി​ൽ‍ സ​ർ‍വി​സ് പ​രീ​ക്ഷ​യി​ലെ പ്ര​ധാ​ന ക​ട​മ്പയായ ഇന്റർവ്യൂവിൽ ചു​ണ്ടി​നും ക​പ്പി​നും ഇ​ട​യി​ൽ‍ അ​വ​സ​രം ന​ഷ്ട​പ്പെ​ടു​ന്ന​വ​ർ‍ക്ക് മ​റ്റൊ​രു വ്യ​ത്യ​സ്ത​മാ​യ അ​വ​സ​ര​മു​ണ്ട്. അ​വ​സാ​നം വ​രെ പ​ട​പൊ​രു​തി​യി​ട്ടും ലിസ്ററിൽ കയറിപ്പറ്റാനാകാത്തവരുടെ പേ​രു​വി​വ​ര​ങ്ങ​ളും കി​ട്ടി​യ മാ​ർ‍ക്കും അ​വ​ർ‍ക്ക് താ​ൽ​പ​ര്യ​മു​ണ്ടെ​ങ്കി​ൽ‍ അ​വ​രു​ടെ സ​മ്മ​ത​ത്തോ​ടെ യു.​പി.​എ​സ്.​സി, സൈ​റ്റി​ൽ‍ പ്ര​സി​ദ്ധീ​ക​രി​ക്കും. താ​ൽ​പ​ര്യ​മു​ള്ള പൊ​തു​മേ​ഖ​ല സ്ഥാ​പ​ന​ങ്ങ​ൾ‍ക്കും സ്വ​കാ​ര്യ സ്ഥാ​പ​ന​ങ്ങ​ൾ‍ക്കും ‍ഇവർക്ക് തൊ​ഴി​ൽ‍ ന​ൽ‍കാ​വു​ന്ന​താ​ണ്. ഇ​തു​വ​ഴി, സി​വി​ൽ‍ സ​ർ‍വി​സ് ഉ​ദ്യോ​ഗാ​ർ‍ഥി​ക​ൾ‍ക്ക് മി​ക​ച്ച മ​റ്റു അ​വ​സ​ര​ങ്ങ​ൾ‍ ല​ഭ്യ​മാ​കു​ന്നു. നി​ങ്ങ​ളു​ടെ ക​ഷ്ട​പ്പാ​ടു​ക​ൾ‍ പാ​ഴാ​യി​പ്പോ​കി​ല്ല എ​ന്ന​ർ​ഥം. ഇ​നി ഇ​തു​വ​രെ ഒ​ന്നും ചെ​യ്യാ​ത്ത​വ​രോ​ട് ഒ​രു കാ​ര്യം, ഇ​നി​മു​ത​ൽ‍ പ​ത്ര​ങ്ങ​ളി​ലെ വാ​ർ‍ത്ത​ക​ളെ, ഫീ​ച്ച​റു​ക​ളെ, റി​പ്പോ​ർ‍ട്ടു​ക​ളെ ഇ​ന്ത്യ​ൻ ച​രി​ത്രം, ദേ​ശീ​യ–​അ​ന്ത​ർ‍ദേ​ശീ​യ രാ​ഷ്ട്രീ​യം, സ​മ്പ​ദ് വ്യ​വ​സ്ഥ, ഭൂമിശാസ്ത്രം എ​ന്നി​വ​യു​മാ​യൊ​ക്കെ ബ​ന്ധ​പ്പെ​ടു​ത്തി ഒ​ന്ന് പു​ന​ർ‍വാ​യി​ച്ച് തു​ട​ങ്ങൂ. അ​തോ​ടൊ​പ്പം 11, 12 ക്ലാ​സു​ക​ളി​ലെ ഹി​സ്റ്റ​റി, ജ്യോ​ഗ്ര​ഫി, ഇ​ക്ക​ണോ​മി​ക്സ്‌, പൊ​ളി​റ്റി​ക്ക​ൽ‍ സ​യ​ൻ​സ് ടെ​ക്സ്റ്റ് പു​സ്ത​ക​ങ്ങ​ൾ‍ എ​ടു​ത്ത് വാ​യ​ന തു​ട​ങ്ങു​ക. സി​വി​ൽ‍ സ​ർ‍വി​സ് മു​ന്നൊ​രു​ക്ക​ങ്ങ​ളു​ടെ ന​ല്ലൊ​രു പ​ങ്കും അ​വി​ടെ​യാ​ണ്. പ്രി​ലി​മി​ന​റി​യി​ലെ അഭിരുചി ടെ​സ്റ്റി​ലെ ഉള്ളടക്കം ഒ​രു​വി​ധം എ​ല്ലാ തൊ​ഴി​ൽ മ​ത്സ​ര പ​രീ​ക്ഷ​ക​ളു​ടെ​യും അ​ടി​സ്ഥാ​ന​മാ​ണ്. അ​തും പ​രി​ശീ​ലി​ച്ച് തു​ട​ങ്ങു​ക.

നെ​യ്യ​പ്പം തി​ന്നാ​ൽ‍ ര​ണ്ടു​ണ്ട് കാ​ര്യം എ​ന്ന​തു​പോ​ലെ ഈ ​പ​രി​ശീ​ല​നം ഏ​റ്റ​വും കു​റ​ഞ്ഞ​ത് ഒ​രു ചെ​റി​യ സ​ർ‍ക്കാ​ർ‍ ജോ​ലി​യെങ്കിലും നേടിത്തരും. എ​ന്നാ​ൽ‍ തു​ട​ങ്ങാം, ഇ​ന്ത്യ​ൻ സി​വി​ൽ‍ സ​ർ‍വീസെന്ന സ്വ​പ്ന​സ​ദൃ​ശ​മാ​യ ക​രി​യ​റി​ലെ​ത്താ​നു​ള്ള പ്ര​യാ​ണം.