കോഴിക്കോട്: കാലിക്കറ്റ് സർവകലാശാലയിലെ കോളജിൽ പരീക്ഷ മാറ്റിയതറിയാതെ ചോദ്യക്കടലാസുകൾ പൊട്ടിച്ചു. രണ്ടാം സെമസ്റ്റർ ബിരുദ വിദ്യാർഥികളുടെ പരീക്ഷ ഈമാസം എട്ടിന് തീരുമാനിച്ചിരുന്നു.
പിന്നീട് ഈമാസം 24ലേക്ക് മാറ്റി. ഇതിനിടെയാണ് ഒരു കോളജിൽ അബദ്ധത്തിൽ ചോദ്യപേപ്പർ പൊട്ടിച്ചത്. രണ്ടാം വർഷ അഫ്ദലുൽ ഉലമയുടെ ഹിസ്റ്ററി ഓഫ് അറബ്സ്, റീഡിങ് അറബിക് ലിറ്ററേച്ചർ, രണ്ടാം വർഷ ഇംഗ്ലീഷ് പരീക്ഷയായ റൈറ്റിങ് ഫോർ അക്കാദമിക് ആൻഡ് പ്രഫഷനൽ സക്സസ് എന്ന പേപ്പറി‍െൻറ 2018, 19 അഡ്മിഷ‍െൻറ ചോദ്യക്കടലാസുകളാണ് പൊട്ടിച്ചത്.
ഇതോടെ ഈ പരീക്ഷകൾ റദ്ദാക്കി. െറഗുലർ, സപ്ലിമെൻററി, ഇംപ്രൂവ്മെൻറും സ്പെഷൽ പരീക്ഷയുമുൾപ്പെടെയാണ് റദ്ദാക്കിയത്. പുതുക്കിയ തീയതി പിന്നീടറിയിക്കും. ഈ മാസം എട്ടിന് നടത്താൻ തീരുമാനിച്ച ശേഷം 24ലേക്ക് മാറ്റിയ മറ്റു പരീക്ഷകൾക്ക് മാറ്റമില്ല.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.