രാജേഷ് പവിത്രൻ
മംഗളൂരു: വ്യാപാരിയുടെ ലാപ്ടോപ് പിടിച്ചെടുത്ത് രഹസ്യങ്ങൾ പുറത്തുവിടുമെന്ന് ഭീഷണിപ്പെടുത്തി പണവും സ്വർണവും തട്ടിയെടുത്തുവെന്ന പരാതിയിൽ ഹിന്ദു മഹാസഭ കർണാടക സംസ്ഥാന പ്രസിഡൻറ് രാജേഷ് പവിത്രനെ(42)മംഗളൂറു സൂറത്ത്കൽ പൊലീസ് അറസ്റ്റ് ചെയ്തു.മംഗളൂറു കാവൂർ സ്വദേശി സുരേഷാണ് പരാതിക്കാരൻ.
പൊലീസ് പറയുന്നതിങ്ങനെ: ``രാജേഷും പരാതിക്കാരനും ചേർന്ന് ബിസിനസ് തുടങ്ങാൻ തീരുമാനിച്ചു.എന്നാൽ രാജേഷ് നിയമവിരുദ്ധ മാർഗ്ഗങ്ങളിലൂടെ സമ്പാദിച്ച പണമാണ് മുടക്കുന്നതെന്നറിഞ്ഞ് സുരേഷ് കൂട്ടുകച്ചവടത്തിൽ നിന്ന് പിന്മാറി.പെട്ടെന്നുള്ള ഈ നീക്കത്തിൽ ക്ഷുഭിതനായ രാജേഷ് സുരേഷിന്റെ ലാപ്ടോപ് പിടിച്ചെടുത്ത് രഹസ്യങ്ങൾ പുറത്തുവിടുമെന്ന് ഭീഷണിപ്പെടുത്തി പണവും സ്വർണവും തട്ടിയെടുത്തു.കൈകാലുകൾ വെട്ടും എന്ന് ഭീഷണിപ്പെടുത്തുകയും ചെയ്തു". രാജേഷിന്റെ സഹായിയായി പ്രവർത്തിച്ചുവെന്ന് സുരേഷിന്റെ പരാതിയിൽ പറഞ്ഞ ഡോ.സനിജക്കെതിരെ പൊലീസ് കേസെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.