കുട്ടിയെ തട്ടിക്കൊണ്ടുപോയ പ്രതികൾ കാണാമറയത്ത്

കൊ​ല്ലം: ഓ​യൂ​രി​ൽ വീ​ടി​നു​ മു​ന്നി​ലെ റോ​ഡി​ൽ​നി​ന്ന്​ അ​ജ്ഞാ​ത​ർ ത​ട്ടി​ക്കൊ​ണ്ടു​പോ​യ ബാ​ലി​ക​യെ ക​ണ്ടെ​ത്തി കു​ടും​ബ​ത്തി​ന്​ തി​രി​കെ​യേ​ൽ​പ്പി​ച്ച്​ ദി​വ​സം ഒ​ന്ന്​ പി​ന്നി​ട്ടി​ട്ടും പ്ര​തി​ക​ൾ കാ​ണാ​മ​റ​യ​ത്ത്. കു​റ്റ​ക്കാ​രെ പൊ​ലീ​സ്​ തി​രി​ച്ച​റി​യു​ക​യും ഒ​രാ​ളെ ക​സ്റ്റ​ഡി​യി​ലെ​ടു​ക്കു​ക​യും ചെ​യ്ത​താ​യു​ള്ള സൂ​ച​ന ചൊ​വ്വാ​ഴ്ച​ത​ന്നെ പു​റ​ത്തു​വ​ന്നി​രു​ന്നു. എ​ന്നാ​ൽ, ഇ​ക്കാ​ര്യം സ്ഥി​രീ​ക​രി​ക്കാ​ൻ പൊ​ലീ​സ്​ ത​യാ​റാ​യി​ട്ടി​ല്ല. സം​ഭ​വ​ത്തി​നു​ പി​ന്നി​ലെ ഗൂ​ഢാ​ലോ​ച​ന സം​ബ​ന്ധി​ച്ച ചി​ത്രം വ്യ​ക്ത​മാ​കാ​ത്ത​താ​ണ്​ പൊ​ലീ​സി​നെ പി​ന്നോ​ട്ടു​വ​ലി​ക്കു​ന്ന​ത്.

പ​ണ​ത്തി​നു​​വേ​ണ്ടി​യു​ള്ള ത​ട്ടി​ക്കൊ​ണ്ടു​പോ​ക​ൽ അ​ല്ലെ​ന്ന്​ നേ​ര​ത്തേ പൊ​ലീ​സ്​ വ്യ​ക്ത​മാ​ക്കി​യി​രു​ന്നു. സ്ഥ​ലം ന​ന്നാ​യി പ​രി​ച​യ​മു​ള്ള​വ​രാ​ണ്​ പ്ര​തി​ക​ൾ. കു​ടും​ബ​വു​മാ​യി എ​ന്തെ​ങ്കി​ലും ത​ര​ത്തി​ലു​ള്ള ശ​ത്രു​ത എ​ന്ന സാ​ധ്യ​ത​യി​ലാ​ണ്​ കൂ​ടു​ത​ൽ ശ്ര​ദ്ധി​ക്കു​ന്ന​ത്. ഇ​ത്ര സ​മ​യ​മാ​യി​ട്ടും ക​​ണ്ടെ​ത്തി പൂ​ട്ടാ​ൻ പൊ​ലീ​സി​ന്​ ക​ഴി​യാ​ത്ത​ത്​ നാ​ണ​ക്കേ​ടാ​യി​ട്ടു​ണ്ട്.

ന​ഗ​ര​ത്തി​ൽ കു​ട്ടി​യെ എ​ങ്ങ​നെ എ​ത്തി​ച്ചു, കു​ട്ടി​യെ ഉ​പേ​ക്ഷി​ച്ച ശേ​ഷം എ​ങ്ങോ​ട്ടു​പോ​യി, താ​മ​സി​ച്ച​ത് എ​വി​ടെ, വാ​ഹ​നം എ​ന്ന​ങ്ങ​നെ വി​ഷ​യ​ങ്ങ​ളി​ലാ​ണ്​ സി​റ്റി പൊ​ലീ​സ്​ അ​ന്വേ​ഷി​ക്കു​ന്ന​ത്. ബു​ധ​നാ​ഴ്ച കൊ​ല്ലം ന​ഗ​ര​ത്തി​ൽ പ്ര​തി​ക​ൾ കു​ട്ടി​​യെ ഉ​പേ​ക്ഷി​ച്ചു​ക​ട​ന്ന ആ​ശ്രാ​മം മൈ​താ​ന​ത്തി​ന്​ ചു​റ്റു​മാ​യി​രു​ന്നു പൊ​ലീ​സി​ന്‍റെ തി​ര​ച്ചി​ൽ. കു​ട്ടി​യെ മൈ​താ​ന​ത്തി​ന​രി​കി​ൽ വി​ട്ടി​ട്ട്​ പോ​യ സ്ത്രീ ​എ​ങ്ങോ​ട്ടു​പോ​യി എ​ന്ന​ത്​ ക​ണ്ടെ​ത്തു​ക​യാ​ണ്​ ല​ക്ഷ്യം. ഇ​തി​നാ​യി ആ​ശ്രാ​മം മൈ​താ​ന​ത്തി​ന്​ സ​മീ​പ​മു​ള്ള വീ​ടു​ക​ളി​ലെ​യും സ്ഥാ​പ​ന​ങ്ങ​ളി​ലെ​യും ആ​രാ​ധ​നാ​ല​യ​ങ്ങ​ളി​ലെ​യും ക്ല​ബു​ക​ളി​ലെ​യും സി.​സി ടി.​വി കാ​മ​റ ദൃ​ശ്യ​ങ്ങ​ൾ പ​രി​ശോ​ധി​ക്കു​ന്ന തി​ര​ക്കി​ലാ​യി​രു​ന്നു പൊ​ലീ​സ്. വ്യാ​പ​ക​മാ​യി സ്വി​ഫ്റ്റ് ഡി​സ​യ​ർ കാ​റി​നാ​യി തി​ര​ച്ചി​ൽ പൊ​ലീ​സ്​ ഊ​ർ​ജി​ത​മാ​ക്കി​യി​ട്ടു​ണ്ട്. സം​ഘം സ​ഞ്ച​രി​ച്ച കാ​റി​ൽ പ​തി​ച്ച വ്യാ​ജ ന​മ്പ​ർ പ്ലേ​റ്റ് നി​ർ​മി​ച്ച​വ​രെ ക​ണ്ടെ​ത്താ​നു​ള്ള ശ്ര​മ​വും ആ​രം​ഭി​ച്ചു.

 ന​ന്ദി, ല​വ് യു...

കൊ​ല്ലം: ത​നി​ക്കാ​യി ഉ​റ​ക്ക​മൊ​ഴി​ച്ചി​രു​ന്ന നാ​ടി​നും നാ​ട്ടു​കാ​ർ​ക്കും ന​ന്ദി പ​റ​ഞ്ഞ്​ ക​ളി​ച്ചു​ചി​രി​ച്ച്​ ആ​റു വ​യ​സ്സു​കാ​രി. അ​പ​ഹ​രി​ച്ച​വ​രി​ൽ​നി​ന്ന്​ ര​ക്ഷ​പ്പെ​ട്ട്​ കു​ടും​ബ​ത്തി​ന്‍റെ സ്​​നേ​ഹ​ച്ചൂ​ടി​ലേ​ക്ക്​ എ​ത്തി​യ കു​ട്ടി കൊ​ല്ലം വി​ക്​​ടോ​റി​യ​യി​ലെ ആ​ശു​പ​ത്രി മു​റി​യി​ൽ നി​ന്നു​ള്ള വി​ഡി​യോ​യി​ൽ ആ​ണ്​ ന​ന്ദി​യ​റി​യി​ച്ച​ത്. മ​താ​പി​താ​ക്ക​ളും സ​ഹോ​ദ​ര​നു​മ​ട​ങ്ങു​ന്ന വി​ഡി​യോ​യി​ൽ നി​ഷ്ക​ള​ങ്ക സ്വ​ര​ത്തി​ൽ അ​വ​ൾ പ​റ​ഞ്ഞു, ‘എ​നി​ക്കു​വേ​ണ്ടി പ്രാ​ർ​ഥി​ച്ച എ​ല്ലാ​വ​ർ​ക്കും ന​ന്ദി. ല​വ് യു...'. ​പി​താ​വ്​ ഉ​ൾ​പ്പെ​ടെ​യു​ള്ള​വ​ർ സ​മൂ​ഹ​മാ​ധ്യ​മം വ​ഴി ഈ ​വി​ഡി​യോ പ​ങ്കു​വെ​ച്ചു.