അമ്പലപ്പുഴ: എം.ഡി.എം.എയുമായി രണ്ട് യുവാക്കൾ പിടിയിലായി. അമ്പലപ്പുഴ വടക്ക് പഞ്ചായത്ത് പന്ത്രണ്ടാം വാർഡ് കമ്പിവളപ്പ് കണ്ടംകുളങ്ങര മാഹീൻ (20) അമ്പലപ്പുഴ വടക്ക് പഞ്ചായത്ത് പന്ത്രണ്ടാം വാർഡ് കാക്കാഴം വെളിംപറമ്പ് വീട്ടിൽ ഇർഫാൻ (19) എന്നിവരെയാണ് പുന്നപ്ര സി.ഐ ലൈസാദ് മുഹമ്മദിെൻറ നേതൃത്വത്തിൽ പിടികൂടിയത്. അറവുകാട് സ്കൂളിന് സമീപത്തുനിന്നാണ് വിൽപനക്ക് കരുതിയിരുന്ന ഒരു ഗ്രാം എം.ഡി.എം.എയുമായി പിടികൂടിയത്. എം.ഡി.എം.എ വിൽപന നടത്തുന്നുണ്ടെന്ന രഹസ്യ വിവരത്തെത്തുടർന്ന് ഇവർ പൊലീസ് നിരീക്ഷണത്തിലായിരുന്നു.
അറവുകാട് സ്കൂളിന് സമീപം എം.ഡി.എം.എ കൈമാറ്റം ചെയ്യാനെത്തിയപ്പോൾ വേഷം മാറിയെത്തിയ പുന്നപ്ര പൊലീസും ഡാൻസാഫും സംയുക്തമായി നടത്തിയ പരിശോധനയിൽ പ്രതികൾ പിടിയിലാകുകയായിരുന്നു. ഇവർ സഞ്ചരിച്ച ബൈക്കും കണ്ടെടുത്തു. കോടതിയിൽ ഹാജരാക്കി റിമാൻഡ് ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.