തിരുവനന്തപുരം: കൊച്ചി അന്താരാഷ്ട്ര പുസ്തകോത്സവത്തിന്റെ ഭാഗമായുള്ള മാടമ്പ് കുഞ്ഞുകുട്ടന്‍ സ്മാരക ചെറുകഥ പുരസ്കാരം നൗഷാദ് പെരുമാതുറയുടെ റമദാന്‍ എന്ന ചെറുകഥക്ക്. പുസ്തകോത്സവത്തിന്റെ ഭാഗമായി നടത്തിയ കഥാമത്സരത്തില്‍നിന്നാണ് പുരസ്‌കാര ജേതാവിനെ തെരഞ്ഞെടുത്തത്.
രണ്ടാം സ്ഥാനം സിബിന്‍ ഹരിദാസിനാണ്. ഡിസംബര്‍ 10 ന് വൈകുന്നേരം മൂന്നിന് നടക്കുന്ന പുസ്തകോത്സവ സമാപന സമ്മേളനത്തില്‍ നോവലിസ്റ്റ് വി.ജെ. ജെയിംസ് പുരസ്കാരം വിതരണം ചെയ്യുമെന്ന് പുസ്തകോത്സവ സമിതി പ്രസിഡന്റ് ഇ.എന്‍. നന്ദകുമാറും ജനറല്‍ സെക്രട്ടറി ഇ.എം. ഹരിദാസും പറഞ്ഞു.
സമ്മേളനം പായിപ്ര രാധാകൃഷ്ണന്‍ ഉദ്ഘാടനം ചെയ്യും. വി.ജെ. ജെയിംസില്‍നിന്ന് സ്വീകരിച്ച് എഴുത്തുകാരന്‍ ടി.കെ. ശങ്കരനാരായണന്‍ പുസ്തക പ്രകാശനം നിര്‍വഹിക്കും. മാധ്യമം ദിനപത്രത്തിലെ ജീവനക്കാരനാണ് നൗഷാദ് പെരുമാതുറ
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.