ആ​ൾ​ക്കൂ​ട്ട​ത്തി​ൽ ത​നി​യെ

‘അ​മ്മേ, തി​ര​ക്കാ​ണ്. ഈ ​ബ​സി​ൽ ക​യ​റ​ണ്ട’, അ​മ്മ​യു​ടെ കൈ​യി​ൽ തൂ​ങ്ങി ചി​ണു​ങ്ങു​ന്ന പ​തി​നൊ​ന്നു വ​യ​സ്സു​കാ​രി. ‘മ​ഴ ചാ​റു​ന്നു​ണ്ട്. ഉ​ത്രാ​ട​പ്പാ​ച്ചി​ൽ ആ​ണ്. എ​ല്ലാ ബ​സി​ലും തി​ര​ക്കാ​വും ന​മു​ക്കു ക​യ​റാം...’ അ​മ്മ​യു​ടെ മ​റു​പ​ടി​യി​ൽ മ​ന​സ്സി​ല്ലാ​മ​ന​സ്സോ​ടെ​യാ​ണ് ബ​സി​ലേ​ക്ക് ക​യ​റി​യ​ത്.

മ​ണ്ണി​ടാ​ൻ സ്ഥ​ല​മി​ല്ല. ചെ​റു​താ​യ​തി​നാ​ൽ മു​ക​ളി​ലെ ക​മ്പി​യി​ൽ പി​ടി​ക്കാ​നും ക​ഴി​യാ​ത്ത അ​വ​ളെ നോ​ക്കി അ​ടു​ത്ത സീ​റ്റി​ൽ ഇ​രി​ക്കു​ന്ന ആ​ൾ പ​റ​ഞ്ഞു, ‘ഇ​ങ്ങോ​ട്ടു ക​ട​ന്നു​നി​ന്നോ​ളൂ... തി​ര​ക്കി​ൽ പെ​ടേ​ണ്ട.’

ര​ണ്ടാ​ളു​ക​ൾ​ക്കി​ട​യി​ൽ അ​വ​ൾ​ക്കി​രി​ക്കാ​ൻ ഇ​ത്തി​രി സ്ഥ​ല​മു​ണ്ടാ​ക്കി​ക്കൊ​ടു​ത്ത മ​ധ്യ​വ​യ​സ്ക​നെ അ​മ്മ ന​ന്ദി​യോ​ടെ നോ​ക്കി. തി​ര​ക്കു കൂ​ടി​ക്കൊ​ണ്ടി​രു​ന്നു... മ​ഴ ക​ന​ത്തു. ബ​സി​ന്റെ ഷ​ട്ട​റു​ക​ൾ എ​ല്ലാം അ​ട​ച്ചു. വീ​ഴാ​തി​രി​ക്കാ​നെ​ന്ന​വ​ണ്ണം വ​യ​റി​ലൂ​ടെ അ​യാ​ൾ ചേ​ർ​ത്തു​പി​ടി​ച്ചി​ട്ടു​ണ്ടാ​യി​രു​ന്നു. പി​ടി​മു​റു​കി അ​വ​ളു​ടെ കു​ഞ്ഞു​വ​യ​ർ വേ​ദ​നി​ക്കാ​ൻ തു​ട​ങ്ങി. പേ​ടി​യോ​ടെ അ​വ​ൾ അ​യാ​ളെ നോ​ക്കി. അ​മ്മ​യെ​വി​ടെ... ദൂ​രെ എ​വി​ടേ​ക്കോ അ​മ്മ മാ​റി പോ​യി​രു​ന്നു തി​ര​ക്കി​ൽ.

കൈ ​വി​ടു​വി​ക്കു​വാ​നു​ള്ള കു​ഞ്ഞി​ന്റെ ശ്ര​മ​ങ്ങ​ൾ ‘വീ​ഴും, സൂ​ക്ഷി​ച്ചി​രി​ക്കൂ’ അ​യാ​ളു​ടെ ക​രു​ത​ൽ ശ​ബ്ദ​ത്തി​ൽ വി​ഫ​ല​മാ​യി​പ്പോ​യി. വേ​ദ​നി​ക്കു​ന്നു​ണ്ട​വ​ൾ​ക്ക്! അ​യാ​ളു​ടെ കൈ​ക​ൾ ഇ​പ്പോ​ൾ നെ​ഞ്ചി​ലാ​ണ്. അ​മ്മ​െ​യ​വി​ടെ? അ​വ​ൾ പ​ത​റി​നോ​ക്കി. അ​വ​ൾ​ക്കു ചു​റ്റും നൂ​റു​പേ​രു​ണ്ട്.

പ​ക്ഷേ ആ​രും, ആ​രും കാ​ണു​ന്നി​ല്ല അ​വ​ളു​ടെ പി​ട​ച്ചി​ൽ. ‘വ​യ​സ്സ​റി​യി​ച്ച​താ​ണോ’, അ​യാ​ളു​ടെ അ​ട​ക്കി​പ്പി​ടി​ച്ച ശ​ബ്ദം കാ​തി​ൽ. കി​ത​പ്പോ​ടെ ത​ന്റെ ക​ഴു​ത്തി​ന് അ​രി​കി​ലേ​ക്ക് മു​ഖം ചേ​ർ​ക്കു​ന്ന മ​നു​ഷ്യ​ൻ. നെ​ഞ്ചി​ലേ​ക്ക് കൂ​ടു​ത​ൽ അ​മ​രു​ന്ന അ​യാ​ളു​ടെ പ​രു​ക്ക​ൻ കൈ... ​അ​യാ​ളു​ടെ ചോ​ദ്യ​ത്തി​ന്റെ പൊ​രു​ള​റി​യാ​തെ പേ​ടി​യോ​ടെ ആ ​ചെ​റി​യ പെ​ൺ​കു​ട്ടി അ​യാ​ളെ നോ​ക്കി.

അ​യാ​ളു​ടെ ചോ​ദ്യം​കേ​ട്ട് കു​ലു​ങ്ങി ചി​രി​ക്കു​ന്ന മ​റ്റേ​യാ​ൾ. ക​ണ്ണി​ലി​രു​ട്ടു ക​യ​റു​ന്ന​തു​പോ​ലെ. ‘അ​മ്മേ...’ കു​ത​റി പി​ട​ഞ്ഞ് ഉ​റ​ക്കെ ക​ര​ഞ്ഞു​കൊ​ണ്ട് അ​വ​ൾ എ​ഴു​ന്നേ​റ്റു. ആ ​ക​ര​ച്ചി​ലി​ൽ ബ​സ് നി​ന്നു. എ​വി​ടെ​യാ​ണെ​ന്ന് പോ​ലും നോ​ക്കാ​തെ ആ​ളു​ക​ളെ വ​ക​ഞ്ഞു​മാ​റ്റി ബ​സി​ൽ​നി​ന്നും ചാ​ടി ഇ​റ​ങ്ങി അ​വ​ൾ.

‘എ​ന്തു​പ​റ്റി എ​ന്തു​പ​റ്റി?’ ചു​റ്റു​മു​യ​രു​ന്ന ചോ​ദ്യ​ങ്ങ​ൾ. വെ​പ്രാ​ള​പ്പെ​ട്ടി​റ​ങ്ങി ത​ന്റെ പി​ന്നാ​ലെ ഓ​ടി​വ​രു​ന്ന അ​മ്മ​യെ അ​വ​ൾ ക​ണ്ടി​ല്ല, ബ​സി​ൽ​നി​ന്നും ത​ല​യി​ട്ടു പു​റ​ത്തേ​ക്കു നോ​ക്കി​യ നൂ​റു മു​ഖ​ങ്ങ​ളെ​യും ക​ണ്ടി​ല്ല. തോ​രാ​തെ പെ​യ്ത മ​ഴ​യി​ൽ അ​തി​ലും തോ​രാ​തെ പെ​യ്ത ക​ണ്ണു​ക​ൾ​ക്ക് മു​ന്നി​ലെ കാ​ഴ്ച​ക​ൾ എ​ല്ലാം മ​ങ്ങി​പ്പോ​യി​രു​ന്നു.

വ​ർ​ഷ​ങ്ങ​ൾ​ക്കി​പ്പു​റം... ഉ​ത്രാ​ട​പ്പാ​ച്ചി​ൽ ആ​ണ്. അ​വ​ൾ​ക്ക് ചു​റ്റു​മാ​യി പ​ര​ക്കം പാ​യു​ന്ന മ​നു​ഷ്യ​ർ. തി​ര​ക്കു​ള്ള ബ​സി​ൽ ത​ന്റെ അ​ഞ്ചു വ​യ​സ്സു​കാ​രി​ക്ക് നേ​രെ നീ​ട്ടി​യ കാ​രു​ണ്യ​ത്തി​ന്റെ കൈ ​ത​ട്ടി​മാ​റ്റി ത​ന്റെ കു​ഞ്ഞി​നെ പൊ​തി​ഞ്ഞു പി​ടി​ക്കു​മ്പോ​ഴും അ​വ​ൾ വി​റ​ക്കു​ന്നു​ണ്ടാ​യി​രു​ന്നു.