ആംബുലൻസ് ഡ്രൈവർ മിഥുനും നഴ്സ് സിമിയും കുഞ്ഞിനൊപ്പം
ചെറുവത്തൂർ: ഓട്ടോറിക്ഷയിൽ യുവതിക്ക് സുഖപ്രസവം. പടന്ന സ്വദേശി മുഹമ്മദ് മൂസയുടെ ഭാര്യ സെറീനയാണ് കാഞ്ഞങ്ങാട് ജില്ല ആശുപത്രിയിലേക്കുള്ള യാത്രാമധ്യേ ഓട്ടോറിക്ഷയിൽ ആൺകുട്ടിക്ക് ജന്മം നൽകിയത്. പ്രസവവേദനയെ തുടർന്ന് ജില്ല ആശുപത്രിയിലേക്ക് പുറപ്പെട്ട യുവതിക്ക് പടന്നക്കാട് എത്തുമ്പോഴേക്കും വേദന കഠിനമായി.
ദേശീയപാതയിൽ ഐങ്ങോത്ത് ഓട്ടോറിക്ഷ അരികിലേക്ക് നിർത്തി യുവതിക്ക് പ്രസവത്തിനുള്ള സൗകര്യമൊരുക്കി. വിവരമറിഞ്ഞ് ജില്ല ആശുപത്രിയിൽനിന്ന് എം. മിഥുൻ 108 ആംബുലൻസുമായി കുതിച്ചെത്തി. സ്റ്റാഫ് നഴ്സ് സിമി തോമസ് പ്രാഥമിക പരിചരണം നൽകി. ബുധനാഴ്ച രാത്രി ഒമ്പതേ മുക്കാലിനാണ് സംഭവം. യുവതിയും കുഞ്ഞും സുഖമായിരിക്കുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.