അയോധ്യ ഭൂമിപൂജയിൽ ആചാരങ്ങൾ പാലിച്ചില്ലെന്ന് ആചാര്യന്മാർ​; നടന്നത്​ മോദി 'ഷോ'

അയോധ്യയിൽ നടന്ന ഭൂമി പൂജയിൽ ആചാരങ്ങൾ പാലിച്ചില്ലെന്ന ആരോപണവുമായി ഹിന്ദുമത ആചാര്യന്മാർ​. പ്രധാനമന്ത്രി നരേന്ദ്ര മോദിയെ കേന്ദ്രീകരിച്ച്​ നടന്ന ചടങ്ങുകളിൽ അറിയ​െപ്പടുന്ന പുരോഹിതന്മാരാരും പ​െങ്കടുത്തില്ലെന്നും ആരോപണമുണ്ട്​.

ആചാര്യ ഗംഗാധർ പഥക്കി​െൻറ നേതൃത്വത്തിൽ പൂജ നടത്തിയ ഒമ്പത് പുരോഹിതരിൽ അയോധ്യയിൽ നിന്നുള്ള ഒരു മതനേതാവിനെയും ഉൾപ്പെടുത്തിയിട്ടില്ല. വൃന്ദാവനിലെ കേശവ് ധാം പോലുള്ള വിശ്വഹിന്ദു പരിഷത്ത്​ (വിഎച്ച്പി) സ്പോൺസർ ചെയ്ത ആശ്രമത്തിൽ നിന്നുള്ള അറിയപ്പെടാത്ത പുരോഹിതനാണ്​ ഉന്നതമായ പരിപാടിയിൽ പൂജ നടത്തിയത്. 35 മിനിറ്റ് നീണ്ട കർമങ്ങളിൽ എഴുതി തയ്യാറാക്കിയ സ്​ക്രിപ്​റ്റുമായാണ്​ അദ്ദേഹം എത്തിയതെന്നും ആരോപണമുണ്ട്​.​

താരതമ്യേന അജ്ഞാതനായ ഒരു പുരോഹിതനെ പൂജ നടത്താൻ തിരഞ്ഞെടുത്തത്​ പ്രധാനമന്ത്രിക്ക്​ പ്രാമുഖ്യം കിട്ടാനാണെന്നും ചടങ്ങ്​ നിരീക്ഷിച്ചവർ ചൂണ്ടിക്കാട്ടുന്നു. ചടങ്ങ്​ നടത്താൻ ഏറ്റവും യോഗ്യൻ നിലവിലെ ശങ്കരാചാര്യരാണെന്നും ചിലർ വാദിക്കുന്നു. പ​ക്ഷെ അദ്ദേഹം ക്ഷണിക്കപ്പെട്ടിരുന്നില്ല. ചടങ്ങിൽ അതിഥികളായി പ​െങ്കടുത്ത 140 ആചാര്യന്മാർക്ക്​ പ്രത്യേക റോളൊന്നും ഇല്ലായിരുന്നു.

ചടങ്ങിന് മുമ്പുതന്നെ ശങ്കരാചാര്യ സ്വാമി സ്വരൂപാനന്ദ് സരസ്വതി ആചാരത്തി​െൻറ സമയത്തെ എതിർത്തിരുന്നു.നിലവിൽ തിരഞ്ഞെടുത്തിരിക്കുന്ന സമയം നിന്ദ്യമാണെന്നാണ്​ അദ്ദേഹം പ്രതികരിച്ചത്​. അയോധ്യയിൽ നിന്നുള്ള പ്രമുഖ സന്യാസിമാരേയും ചടങ്ങുകളിൽ പ​െങ്കടുപ്പിച്ചിരുന്നില്ല. ഭൂമി പൂജയിൽ അവശ്യം നടക്കേണ്ട ചടങ്ങുകളായ 'ആവാഹൻ', 'സങ്കൽപ്​', എന്നിവ നടക്കാത്തത്​ വൻ വീഴ്​ചയാണെന്നും ചൂണ്ടിക്കാണിക്കപ്പെടുന്നു.

പരിപാടിയിൽ പ്രാമുഖ്യത്തോടെ പ​​െങ്കടുത്തത്​​ യു.പി ഗവർണർ ആനന്ദി ബെൻ പ​േട്ടൽ, ആർ.എസ്​.എസ്​ നേതാവ്​ മോഹൻ ഭാഗവത്​, യു.പി മുഖ്യമന്ത്രി യോഗി ആദിത്യനാഥ്​ തുടങ്ങിയ രാഷ്ട്രീയക്കാരാണ്​. ഇത്​ രാഷ്​ട്രീയ മുതലെടുപ്പിനാണെന്നും ഹിന്ദു പുരോഹിതർ പറയുന്നു.