റെക്കോഡുകൾ മറികടന്ന് ഷാറൂഖ് ഖാന്‍ ചിത്രം 'ജവാന്‍' വന്‍ വിജയത്തിലേക്ക് കുതിക്കുകയാണ്. ഒരാഴ്ച കൊണ്ട് 650 കോടിയിലധികം കളക്ഷന്‍ നേടാൻ ചിത്രത്തിനായിട്ടുണ്ട്. ഇപ്പോഴിതാ ജവാനിലെ താരങ്ങൾക്കും അണിയറപ്രവര്‍ത്തകര്‍ക്കും അഭിനന്ദനം അറിയിച്ച് നടൻ അല്ലു അർജുൻ എത്തിയിരിക്കുകയാണ്. തന്റെ ട്വിറ്റര്‍ അക്കൗണ്ട്‌ വഴിയാണ് താരം അഭിനന്ദനസന്ദേശം പങ്കുവച്ചത്. കൂടാതെ അല്ലുവിന് കിങ് ഖാൻ നന്ദിയും അറിയിച്ചിട്ടുണ്ട്.
'പ്രയിപ്പെട്ട അല്ലു അര്‍ജുന്‍, നിങ്ങളുടെ വാക്കുകള്‍ക്കും പ്രാര്‍ഥനക്കും നന്ദി. തിയറ്ററുകളില്‍ തീ പടര്‍ത്തുന്ന സൂപ്പര്‍ താരമാണ് തന്നെ പുകഴ്ത്തി പറയുന്നത്. ഇത് വളരെ സന്തോഷം നല്‍കുന്നതാണ്. മൂന്ന് ദിവസത്തില്‍ മൂന്ന് തവണ പുഷ്പ കണ്ടു . അതില്‍നിന്ന് ചില കാര്യങ്ങൾ പഠിക്കാനായി'- ഷാറൂഖ് ഖാൻ ട്വീറ്റ് ചെയ്തു. നേരില്‍ കാണാന്‍ എത്തുമെന്നും ഷാറൂഖ് അറിയിച്ചിട്ടുണ്ട്.
പുഷ്പ ആദ്യഭാഗം വൻ വിജയമായതോടെ രണ്ടാംഭാഗത്തിനായി പ്രതീക്ഷയോടെ കാത്തിരിക്കുകയാണ് പ്രേക്ഷകർ. 2024 ആഗസ്റ്റ് 15-നാണ് 'പുഷ്പ 2' തിയറ്ററുകളിൽ എത്തുക.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.