ബോളിവുഡിലെ ബാദുഷ എന്നാണ് ഷാരൂഖ് ഖാൻ അറിയപ്പെടുന്നത്. എന്നാൽ സിനിമയല്ല, മറ്റൊരു മേഖലയായിരുന്നു തന്റെ സ്വപ്നമെന്ന് വെളിപ്പെടുത്തിയിരിക്കുകയാണ് ബോളിവുഡ് സൂപ്പർ താരം. ലോകവ്യാപകമായി ആരാധകരുണ്ട് ഷാരൂഖ് ഖാന്. ദുബൈയിൽ ഒരു പരിപാടിയിൽ പങ്കെടുക്കവെയാണ് ഷാരൂഖ് മനസ് തുറന്നത്. ജീവിതത്തിലെ അപ്രതീക്ഷിതമായ സംഭവങ്ങളാണ് തന്നെ വെള്ളിവെളിച്ചത്തിലേക്ക് എത്തിച്ചതെന്നും അദ്ദേഹം പറഞ്ഞു.
ശാസ്ത്രജ്ഞനാവുകയായിരുന്നു ലക്ഷ്യം. അതിനാണ് ശ്രമിച്ചത്. എന്നാൽ ഇക്കണോമിസ്റ്റ് ആയി മാറി. അതിനു ശേഷം മാസ് കമ്മ്യൂണിക്കേഷൻ പഠിച്ചു.-ഷാരൂഖ് തുടർന്നു.അക്കാലത്ത് ടെലിവിഷൻ ഇന്ത്യയിലെത്തിയിട്ടേ ഉണ്ടായിരുന്നുള്ളൂ. 1500 രൂപയായിരുന്നു പ്രതിഫലം. അന്നത്തെ കാലത്ത് അത് വലിയൊരു തുകയാണ്.-ഷാരൂഖ് പറഞ്ഞു.
നടനാകാൻ തീരുമാനിച്ച നിർണായക ഘട്ടത്തെ കുറിച്ചും നടൻ വെളിപ്പെടുത്തി. 'സ്കൂട്ടറിൽ വീട്ടിലേക്കുള്ള യാത്രയിലായിരുന്നു ഞാൻ. രണ്ടുസ്ത്രീകൾക്കരികെ ഞാൻ വണ്ടി നിർത്തി. അവരെന്നെ കണ്ടപ്പോൾ പെട്ടെന്ന് ഞെട്ടിപ്പോയി. അവരുടെ സന്തോഷം കണ്ടപ്പോൾ അതാണ് തേടിയിരുന്നത് എന്ന് മനസിലായി. ആളുകളെ സന്തോഷിപ്പിക്കുകയാണ് എന്റെ ദൗത്യം. അങ്ങനെ ഞാനൊരു നടനായി.-ഷാരൂഖ് പറഞ്ഞു.
തന്റെ സൂപ്പർ സ്റ്റാർ ഇമേജിനെ കുറിച്ചും താരം തുറന്നു പറഞ്ഞു. കഠിനാധ്വാനത്തിലൂടെയാണ് ഇന്ന് കാണുന്ന ഇമേജ് ഉണ്ടാക്കിയെടുത്തത്. ഇന്ന് കാണുന്ന ഷാരൂഖ് ഖാൻ ആ കഠിനാധ്വാനത്തിന്റെ ആകെ തുകയാണ്.-ഷാരൂഖ് കൂട്ടിച്ചേർത്തു.
'കിങ്' ആണ് ഷാരൂഖിന്റെ പുതിയ സിനിമ. മകൾ സുഹാനയും അഭിനയിക്കുന്നു എന്നതാണ് ചിത്രത്തിന്റെ പ്രത്യേകത. അഭിഷേക് ബച്ചനും ചിത്രത്തിലുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.