അഭിനയമല്ല സംവിധാനമാണ് മകൻ ആര്യന് താൽപര്യമെന്ന് ഷാറൂഖ് ഖാൻ ആണ് ആദ്യമായി വെളിപ്പെടുത്തിയത്. മകന്റെ ആദ്യത്തെ സംവിധാന സംരംഭത്തെക്കുറിച്ചും എസ്. ആർ.കെ ആരാധകരെ അറിയിച്ചത്. ഇപ്പോഴിതാ ആര്യൻ ആദ്യമായി സംവിധാനം ചെയ്യുന്ന വെബ് സീരീസിന്റെ റിലീസിങ് തിയതി പ്രഖ്യാപിച്ചിരിക്കുകയാണ് കിങ് ഖാൻ. നെറ്റ്ഫ്ലിക്സും റെഡ് ചില്ലീസ് എന്റർടൈൻമെന്റസും ചേർന്നാണ് പരമ്പര നിർമിക്കുന്നത്. 2025 ൽ ആകും വെബ്സീരീസ് റിലീസിനെത്തുക. ആര്യൻ ഖാൻ സംവിധാനം ചെയ്യുന്ന സീരീസിന്റെ പേരോ മറ്റുവിവരങ്ങളോ ഷാറൂഖ് വെളിപ്പെടുത്തിയിട്ടില്ല.
' ഒരു പുതിയ കഥ പ്രേക്ഷകർക്കായി അവതരിപ്പിക്കുന്ന ഒരു പ്രത്യേക ദിവസമാണിത്. റെഡ് ചില്ലീസ് എന്റർടെയിൻമെന്റും ആര്യൻ ഖാനും അവരുടെ പുതിയ സീരീസ് നെറ്റ്ഫ്ളിക്സ് ഇന്ത്യയിൽ പ്രദർശിപ്പിക്കാനുള്ള യാത്ര ആരംഭിക്കുന്നതിനാൽ ഇന്നത്തെ ദിവസം കൂടുതൽ സവിശേഷമാണ്.ഷാറൂഖ് എക്സിൽ കുറിച്ചു.
അതേസമയം, ഷാറൂഖിന്റെ ജീവിതത്തിൽ നിന്ന് പ്രചോദനം ഉൾക്കൊണ്ടാണ് ആര്യൻ ഈ സീരീസ് ഒരുക്കുന്നതെന്നും റിപ്പോർട്ടുകൾ പ്രചരിക്കുന്നുണ്ട്.സിനിമാ വ്യവസായത്തിനു പുറത്തുനിന്നെത്തി ലോകത്തിലെ ഏറ്റവും വലിയ സൂപ്പർസ്റ്റാറായ ഒരു സാധാരണക്കാരന്റെ കഥയാണ് സീരീസ് പറയുന്നതെന്നാണ് വിവരം. വെബ് സീരീസിൽ ഷാറൂഖ് അതിഥി വേഷത്തിലെത്തുമെന്ന് നേരത്തെ വാർത്തകൾ പ്രചരിച്ചിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.