'ഞാൻ സുഖം പ്രാപിക്കുന്നു; ഉടൻ തിരിച്ചുവരും' -ആശുപത്രിയിൽനിന്ന്​ പ്രസന്നവദനനായി രാഹുൽ റോയ്​

മുംബൈ: പക്ഷാഘാതത്തെ തുടർന്ന്​ ആശുപത്രിയിൽ ചികിത്സയിലായ താൻ ആരോഗ്യം വീണ്ടെടുക്കുന്നുവെന്ന വാർത്തയുമായി ബോളിവുഡ്​ നടൻ രാഹുൽ റോയ്​. 'കാർഗിൽ' സിനിമയുടെ ഷൂട്ടിങ്ങിനിടെയാണ്​ സെറ്റിൽനിന്ന്​ രാഹുലിനെ പക്ഷാഘാതത്തെ തുടർന്ന്​ നാനാവതി ഹോസ്​പിറ്റലിൽ പ്രവേശിപ്പിച്ചത്​. രാഹുലി​െൻറ വലതുവശം തളർന്നതായി വ്യാപകമായി അഭ്യൂഹം പ്രചരിച്ചിരുന്നു.

എന്നാൽ, പ്രസന്നവദനനായി കുടുംബത്തോടും ആരാധകർക്കുമൊപ്പം താരം ഫോ​ട്ടോക്ക്​ പോസ്​ ചെയ്​ത്​ ഇൻസ്​റ്റഗ്രാമിൽ ചിത്രങ്ങളും വിഡിയോയും അപ്​ലോഡ്​ ചെയ്​തു. പൂർണ ആരോഗ്യം വീണ്ടെട​ുത്ത്​ താൻ തിരിച്ചുവരുമെന്ന്​ 'മേനേ പ്യാർ കിയ'യിലൂടെ ഹിന്ദി സിനിമ ലോകത്ത്​ തരംഗങ്ങളുയർത്തിയ രാഹുൽ ആത്​മവിശ്വാസം പ്രകടിപ്പിച്ചു.

'ഞാൻ സുഖം പ്രാപിച്ചുവരുന്നു. ഇത്രയും സ്​നേഹവും പ്രാർഥനകളുമായി ഒപ്പംനിന്ന എല്ലാ സുഹൃത്തുക്കളോടും കുടുംബ​േത്താടു​ം എ​െൻറ കുടുംബ​ത്തെപ്പോലെ ഞാൻ കരുതുന്ന ആരാധകരോടും ഒരുപാട്​ നന്ദി. ഉടൻ തിരിച്ചുവരും. എല്ലാവരോടും സ്​നേഹം' -നാനാവതി ഹോസ്​പിറ്റലിൽനിന്നുള്ള ചിത്രത്തോടൊപ്പം ഇൻസ്​റ്റഗ്രാമിൽ അദ്ദേഹം കുറിച്ചു.

നടൻ സുനിൽ ഷെട്ടി ഉൾപെടെ പലരും രാഹുലിന്​ ആശംസകൾ നേർന്നു. 'രാഹുൽ, ഞങ്ങളുടെ പ്രാർഥനകൾ നിന്നോടൊപ്പമുണ്ട്​. ഒരുപാട്​ സ്​നേഹവും കരുത്തനായിരിക്കാനുള്ള ഊർജവും നിനക്കായ്​ അയക്കുന്നു..' സുനിൽ ഷെട്ടി കുറിച്ചു.