മനാമ: നിര്‍ധനരായ പ്രവാസികള്‍ക്ക് വീടൊരുക്കാനുള്ള ബഹ്റൈന്‍ കെ.എം.സി.സിയുടെ ‘ബൈത്തുറഹ്മ’ പദ്ധതിയില്‍ 32ാമത്തെ വീടിന്‍െറ നിര്‍മാണം ആരംഭിച്ചു.
ബഹ്റൈന്‍ പ്രവാസി പോത്തുകല്ല് പഞ്ചായത്തിലെ വെളുമ്പിയംപാടം പുത്തന്‍പീടിക ശംസുദ്ദീന് അനുവദിച്ച വീടിന്‍െറ പ്രവൃത്തി ഉദ്ഘാടനം കഴിഞ്ഞ ദിവസം നടന്നു. കെ.എം.സി.സി ബഹ്റൈന്‍ പ്രസിഡന്‍റ് എസ്.വി.ജലീല്‍ ഉദ്ഘാടനം നിര്‍വഹിച്ചു. അബ്ദുസ്സലാം ദാരിമി പ്രാര്‍ഥന നടത്തി. ഉലുവാന്‍ മുഹമ്മദലി സ്വാഗതം പറഞ്ഞു. കെ.ടി.കുഞ്ഞാപ്പ അധ്യക്ഷത വഹിച്ചു. കെ.എം.സി.സി ബഹ്റൈന്‍ ജന. സെക്രട്ടറി അസൈനാര്‍ കളത്തിങ്ങല്‍, വൈസ് പ്രസിഡന്‍റ് ഹബീബ് റഹ്മാന്‍ അരിക്കുഴിയില്‍, ഗഫൂര്‍ അഞ്ചച്ചവിടി, അസ്ലം വടകര, ഗഫൂര്‍ ആലുങ്ങല്‍, കെ.പി.റഫീഖ്, അബൂബക്കര്‍ അഞ്ചച്ചവിടി, കോഓഡിനേറ്റര്‍മാരായ യൂസുഫ് കൊയിലാണ്ടി, അലി കൊയിലാണ്ടി, മഹ്മൂദ് ഹാജി മുറിച്ചാണ്ടി, മുനാസ്, കെ.ടി.കുഞ്ഞാപ്പു, അലവിക്കുട്ടി തുടങ്ങിയവര്‍ പ്രസംഗിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.