മനാമ: സൗദി അറേബ്യ രാജാവ് സൽമാൻ ബിൻ അബ്ദുല്ലസീസ് അൽ സൗദിനെ ബഹ്റൈൻ വിദേശകാര്യമന്ത്രി ൈശഖ് ഖാലിദ് ബിൻ അഹ്മദ് ബിൻ മുഹമ്മദ് ആൽ ഖലീഫ സന്ദർശിച്ചു. സൗദിയിലെ അൽ യമാമാ കൊട്ടാരത്തിലായിരുന്നു കൂടിക്കാഴ്ച. ബഹ്റൈൻ രാജാവ് ഹമദ് ബിൻ ഇൗസ ആൽ ഖലീഫയുടെ ആശംസകൾ വിദേശകാര്യമന്ത്രി സൽമാൻ രാജാവിന് കൈമാറി. ഇരുരാജ്യങ്ങളും തമ്മിലുള്ള അടിസ്ഥാന സഹകരണവും സൗഹൃദവും സമീപകാല സംഭവങ്ങളും കൂടിക്കാഴ്ചയിൽ എടുത്തുപറഞ്ഞു. മേഖലയിലെ പുതിയ വികസന പ്രവർത്തനങ്ങളെക്കുറിച്ചും ഇരുവരും പരാമർശിച്ചു. സൗദി കാബിനറ്റ് മന്ത്രിയും റോയൽകോർട്ട് ചീഫുമായ ഖാലിദ് ബിൻ അബ്ദുറഹ്മാൻ അൽ ഇൗസ, മന്ത്രിസഭാംഗം അദെൽ ബിൻ അഹ്മദ് അൽ ജുബെയ്ർ ബഹ്റൈെൻറ സൗദിയിലെ അംബാസഡർ ശൈഖ് ഹമദ് ബിൻ അബ്ദുല്ലാ ആൽ ഖലീഫ എന്നിവർ സംബന്ധിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.