മനാമ: ബഹ്റൈനിലെ കാസർകോടുകാരുടെ പുനഃസമാഗമം ഫെബ്രുവരി എട്ടിന് ബഹ്റൈനിലെ കാസർകോഡ് ജില്ലക്കാരായ പ്രവാസികൾ ഒത്തുചേർന്നുകൊണ്ടുള്ള കൂട്ടായ്മയുടെ പുനഃ സമാഗമ- കുടുംബ സംഗമം സംഘടിപ്പിക്കുന്നു. മുമ്പ് കാസർകോട് ജില്ലക്കാരുടെ ആഭിമുഖ്യത്തിൽ ഉണ്ടായിരുന്ന രണ്ടു സംഘടനകളും ദീർഘകാലമായി പ്രവർത്തനം അവസാനിപ്പിച്ചതിനെ തുടർന്നാണ് രണ്ടു സംഘടനകളിലെയും അംഗങ്ങൾ ചേർന്ന് ഇപ്പോൾ ഒരൊറ്റ സംഘടന എന്ന നിലയിൽ സംഘടനയുടെ പുന: സമാഗമത്തിന് വഴിയൊരുക്കുന്നത്. അന്ന് വൈകീട്ട് അഞ്ചിന് ബഹ്റൈൻ കേരളീയ സമാജത്തിന് സമീപത്തെ സെഗയ്യ റെസ്റ്റോറൻറ് പാർട്ടി ഹാളിൽ വച്ചായിരിക്കും സംഗമം നടത്തുക. കാസർകോട് ജില്ലയിലെ എല്ലാ പ്രവാസികളും അവരുടെ കുടുംബാംഗങ്ങളും പുതുതായി എത്തിയവരും ഈ സംഗമത്തിനും തുടർന്ന് നടക്കുന്ന അത്താഴ വിരുന്നിലും സംബന്ധിക്കണമെന്ന് സംഘാടകർ അഭ്യർഥിച്ചു. കൂടുതൽ വിവരങ്ങൾക്ക് രാജേഷ് കോടോത്ത്(3389 0941)മായി ബന്ധപ്പെടുക .
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.