മനാമ: ജീവിതത്തിെൻറ കഷ്ടപ്പാട് അകറ്റാൻ ബഹ്റൈനിലേക്ക് വീട്ടുജോലിക്ക് വന്ന വീട്ടമ്മ ഒടുവിൽ രോഗത്തിെൻറ ഇരയായി നാട്ടിലേക്ക് മടങ്ങുന്നു. ബംഗളുരു സ്വദേശി റജിനയാണ് ദുർവിധിയുമായി വേദന തിന്നുന്നത്. സ്പൈനൽ കോഡിന് തകരാറുള്ള ഭർത്താവിന് ജോലിക്ക് പോകാൻ കഴിയാത്ത സാഹചര്യം ഉണ്ടായപ്പോഴാണ് 13 വർഷം മുമ്പ് റജീന ബഹ്റൈനിലേക്ക് എത്തിയത്. രണ്ട് പെൺമക്കൾ ഉൾപ്പെടെയുള്ള മൂന്ന് മക്കളുടെ പഠനത്തിനും ഭർത്താവിെൻറ ചികിത്സക്കും എല്ലാം ആശ്രയമായത് റജീന അയക്കുന്ന ചെറിയ തുകയായിരുന്നു.
ഇതിനിടെയാണ് അടുത്തിടെ അവർക്ക് അർബുദം പിടിപ്പെട്ടത്. സൽമാനിയ ആശുപത്രിയിൽ ശസ്ത്രക്രിയ നടത്തുകയും നാല് കീമോ കഴിയുകയും ചെയ്തു. ഇനി 13കീമോ കൂടി വേണം എന്നാണ് ഡോക്ടർ പറഞ്ഞിരിക്കുന്നത്. ഇതുവരെയും സുമനസുകളുടെ സഹായമാണ് അവരുടെ ചികിത്സക്കും ഭക്ഷണത്തിനും താമസത്തിനും എല്ലാം തുണയായത്. ഇതിനിടെയാണ് വിദഗ്ധ ചികിത്സക്ക് റജീന നാട്ടിലേക്ക് പോകുന്നത്. എന്നാൽ നാട്ടിലെത്തിയാൽ എന്ത് എന്നുള്ള ചോദ്യം ഇൗ വീട്ടമ്മയെ അലട്ടുന്നുണ്ട്. വാടക വീട്ടിലാണ് കുടുംബം കഴിയുന്നത്. ഏതാനും ദിവസങ്ങൾക്കകം സ്വദേശത്തേക്ക് മടങ്ങുന്ന ഇവർക്ക് സുമനസുകളുടെ സഹായം ആവശ്യമാണ്. ബന്ധപ്പെടേണ്ട നമ്പർ 39050725, 35665700. അക്കൗണ്ട് വിവരം: റജീന സുന്ദർ എ.സി. നമ്പർ: 0790101400654 , ബംഗളൂർ വിവേക് നഗർ. കാനറ ബാങ്ക് െഎ.എഫ്.സി കോഡ്: CNRB0000790.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.