മനാമ: രാജ്യത്തിെൻറ കാവൽഭടൻമാരായ ബഹ്റൈൻ ഡിഫൻസ് ഫോഴ്സ് അരനൂറ്റാണ്ടും ഒരു വർഷവും പൂർത്തിയാക്കി. ചരിത് രത്തിൽ കുടിയേറിയ ഇൗ വളർച്ചയിൽ രാജ്യം ഒന്നാകെ അഭിമാനിക്കുകയാണ്. ബഹ്റൈെൻറ സമാധാന സംരക്ഷണത്തിന് പ്രസക്തമായ സഹായമാണ് ബി.ഡി.എഫ് നൽകുന്നത്. 51 ാം വാർഷികത്തിെൻറ ഭാഗമായി കിങ് ഹമദ് ആശുപത്രിയിൽ ഒാേങ്കാളജി സെൻറർ ഉദ്ഘാടനം ചെയ്യപ്പെട്ടതും രാജ്യത്തിെൻറ ചരിത്രനാഴികക്കല്ലിൽ സ്ഥാനം പിടിക്കുന്നതായി. ബി.ഡി.എഫ് 51 വർഷം പൂർത്തിയാക്കിയതിെൻറ പശ്ചാത്തലത്തിൽ രാജാവ് ഹമദ് ബിൻ ഇൗസ ആൽ ഖലീഫയെ പ്രമുഖർ അഭിനന്ദനങ്ങൾ അറിയിച്ചു. ഹമദ് രാജാവിനെ ബി.ഡി.എഫ് ഉന്നത ഉദ്യോഗസ്ഥർ സന്ദർശിച്ച് ആശംസകൾ അറിയിച്ചു.
അൽ സഫ്രിയ കൊട്ടാരത്തിലായിരുന്നു കൂടിക്കാഴ്ച. കമാൻറർ ഇൻ ചീഫ് മാർഷൽ ശൈഖ് ഖലീഫ ബിൻ അഹ്മദ് ആൽ ഖലീഫ, പ്രതിരോധ മന്ത്രി ലഫ്.ജനറൽ അബ്ദുല്ല ബിൻ ഹസൻ അൽ നുെഎമി, ബി.ഡി.എഫ് സ്റ്റാഫ് മേധാവി ലഫ്.ജനറൽ ദിഅബ് ബിൻ സാഖിർ അൽ നുെഎമി,മുതിർന്ന ഉദ്യോഗസ്ഥർ തുടങ്ങിയവർ സംഘത്തിലുണ്ടായിരുന്നു. അരനൂറ്റാണ്ട് കഴിഞ്ഞ സൈനികക്കുതിപ്പിൽ അവർ ഹമദ് രാജാവിനെ അഭിനന്ദിച്ചു. ബി.എഡി.എഫിെൻറ പ്രവർത്തനങ്ങൾക്കുള്ള രാജപിന്തുണക്കും കടപ്പാട് അറിയിച്ചു. ബി.ഡി.എഫ് വാർഷികം പ്രമാണിച്ച് പ്രധാനമന്ത്രി പ്രിൻസ് ഖലീഫ ബിൻ സൽമാൻ ആൽ ഖലീഫക്ക് ദേശീയ സുരക്ഷ ഏജൻസി ലഫ്.ജനറൽ അദെൽ ബിൻ ഖലീഫ അൽ ഫദ്ഹെൽ അഭിനന്ദനങ്ങൾ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.