ബഹ്റൈൻ കേരളീയ സമാജം കഥാകുലപതി പുരസ്കാരം പ്രഖ്യാപിക്കുന്നു
മനാമ: കഥാരചനയുടെ 75ാം വാർഷികം ആഘോഷിക്കുന്ന ടി. പത്മനാഭന് ബഹ്റൈൻ കേരളീയ സമാജം കഥാകുലപതി പുരസ്കാരം സമ്മാനിക്കും.
മലയാള ചെറുകഥാ സാഹിത്യത്തിൽ കഴിഞ്ഞ 75 വർഷമായി സമാനതകളില്ലാതെ ഉയർന്നു നിൽക്കുന്ന കഥാകൃത്തായ ടി. പത്മനാഭൻ ഇപ്പോഴും രചനാരംഗത്ത് സജീവമാണ്.
ടി. പത്മനാഭൻ
നവതി പിന്നിട്ടിട്ടും പ്രതിഭയുടെ പ്രകാശം പരത്തുന്ന ചെറുകഥകൾ അദ്ദേഹം എഴുതിക്കൊണ്ടിരിക്കുന്നു. ചെറുകഥയിൽ മാത്രം സർഗാത്മകാവിഷ്കാരം നടത്തി മലയാള സാഹിത്യത്തിലെ മഹാതേജസായി നില കൊള്ളുന്ന ടി. പത്മനാഭന് ബഹ്റൈൻ കേരളീയ സമാജം കഥാകുലപതി പുരസ്കാരം നൽകി ആദരിക്കുമെന്ന് ഭാരവാഹികൾ തിരുവനന്തപുരത്ത് വാർത്തസമ്മേളനത്തിൽ പറഞ്ഞു.
ഒരു ലക്ഷം രൂപയും പ്രശസ്തിപത്രവും അടങ്ങുന്ന പുരസ്കാരം സെപ്റ്റംബർ 20ന് സമാജം ആസ്ഥാനത്തുവെച്ച് ബംഗാൾ ഗവർണർ സി.വി. ആനന്ദബോസ് സമ്മാനിക്കും. ഡോ. കെ.എസ്. രവികുമാർ (പുരസ്കാര നിർണയ സമിതി അധ്യക്ഷൻ), പി.വി. രാധാകൃഷ്ണപിള്ള (സമാജം പ്രസിഡന്റ്), വർഗീസ് ജോർജ്, ഹരികൃഷ്ണൻ ബി. നായർ എന്നിവർ വാർത്തസമ്മേളനത്തിൽ പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.