മനാമ: അന്താരാഷ്ട്ര കസ്റ്റംസ് ഓർഗനൈസേഷൻ യോഗത്തിൽ ബഹ്റൈൻ പങ്കാളിയായി.
ബഹ്റൈൻ കസ്റ്റംസ് വിഭാഗം തലവൻ ശൈഖ് അഹ്മദ് ബിൻഹമദ് ആൽ ഖലീഫയുടെ നേതൃത്വത്തിലുള്ള സംഘമാണ് ബെൽജിയം തലസ്ഥാനത്തുള്ള അന്താരാഷ്ട്ര കസ്റ്റംസ് ഓർഗനൈസേഷൻ ആസ്ഥാനത്ത് സംഘടിപ്പിച്ച യോഗത്തിൽ സംബന്ധിച്ചത്.
അതിർത്തികൾ സുരക്ഷിതമാക്കുന്നതിനും ഇറക്കുമതി നടപടികൾ സുതാര്യവും വേഗത്തിലാക്കുന്നതിനും അനുഭവസമ്പത്ത് കൈമാറുന്നതിനും സമ്മേളനത്തിലെ പങ്കാളിത്തം ഏറെ ഗുണകരമാണെന്ന് അദ്ദേഹം വ്യക്തമാക്കി. കസ്റ്റംസ് മേഖലയിലെ കഴിവുകൾ വർധിപ്പിക്കുന്നതിനും വിവിധ നിയമവശങ്ങളെക്കുറിച്ച് വെളിച്ചം വീശുന്നതിനും കസ്റ്റംസ് വിഭാഗവും ഹരിത വ്യാവസായിക സംസ്കാരവും തമ്മിലുള്ള ബന്ധം ശക്തമാക്കും.
അന്താരാഷ്ട്ര കസ്റ്റംസ് ഓർഗനൈസേഷൻ നടത്തിക്കൊണ്ടിരിക്കുന്ന പ്രവർത്തനങ്ങൾ പ്രശംസനീയമാണെന്നും അദ്ദേഹം കൂട്ടിച്ചേർത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.