അബ്ബാസ് മലയിൽ, സി.എം. മുഹമ്മദലി
മനാമ: തെറ്റായ സാമ്പത്തിക ആഭ്യന്തര- വിദേശ നയങ്ങളാൽ പരാജയമടഞ്ഞ കേന്ദ്ര ഭരണത്തെ കോർപറേറ്റുകളാണ് താങ്ങിനിർത്തുന്നതെന്ന് വെൽഫെയർ പാർട്ടി ഓഫ് ഇന്ത്യ കോഴിക്കോട് ജില്ല പ്രസിഡൻറ് അസ്ലം ചെറുവാടി പറഞ്ഞു.ബഹ്റൈൻ സോഷ്യൽ വെൽഫെയർ അസോസിയേഷൻ കോഴിക്കോട് ജില്ല കമ്മിറ്റി രൂപവത്കരണവും ഭാരവാഹികളുടെ പ്രഖ്യാപനവും നടത്തി സംസാരിക്കുകയായിരുന്നു അദ്ദേഹം. രാജ്യത്തെ പട്ടിണിക്കാരെൻറ നികുതിപ്പണം ശതകോടികളുടെ സാമ്പത്തിക ക്രമക്കേടുകൾ നടത്തിയ മുതലാളിമാർക്കായി കേന്ദ്രം എഴുതിത്തള്ളുകയാണെന്നും അദ്ദേഹം പറഞ്ഞു. പ്രവാസികൾക്ക് നാട്ടിൽനിന്ന് ബഹ്റൈനിലേക്ക് വരാൻ എയർ ബബ്ൾ കരാർ നടപ്പാക്കിയ ഭരണാധികാരികളെ അഭിനന്ദിക്കുന്നുവെന്ന് അധ്യക്ഷത വഹിച്ച എം. അബ്ബാസ് പറഞ്ഞു.
എന്നാൽ, നിലവിലെ കരാർ പ്രകാരമുള്ള സീറ്റുകൾ നാട്ടിൽനിന്ന് വരേണ്ട യാത്രക്കാരുടെ ആവശ്യങ്ങൾ പൂർത്തീകരിക്കാൻ പര്യാപ്തമല്ല. അതിനാൽ, സീറ്റുകൾ വർധിപ്പിച്ച് യാത്രക്കാരുടെ യാത്രദുരിതം അകറ്റണമെന്നും അമിത വിമാന ചാർജ് കുറക്കണമെന്നും അദ്ദേഹം ആവശ്യപ്പെട്ടു.സോഷ്യൽ വെൽഫെയർ അസോസിയേഷൻ കോഴിക്കോട് ജില്ല ഭാരവാഹികൾ: അബ്ബാസ് മലയിൽ (പ്രസി.), സി.എം. മുഹമ്മദലി (ജന. സെക്ര.), വി.കെ. അനീസ് (വൈസ് പ്രസി.), ജാബിർ മുണ്ടാലി (സെക്ര.), ബഷീർ കാവിൽ (ട്രഷ.), നാസർ വടകര (മീഡിയ), എം.എം. മുനീർ, മുനീർ ഹസൻ, മുഹമ്മദലി, വി.എൻ. മുർഷാദ്, ജമീല അബ്ദുറഹ്മാൻ, റഷീദ സുബൈർ, ഫാത്തിമ സാലിഹ്, നൂറ ഷൗക്കത്തലി, സമീറ നൗഷാദ്, നജാഹ് കൂരങ്കോട്ട്, ഫസീല ഹാരിസ് (എക്സിക്യൂട്ടിവ് കമ്മിറ്റി അംഗങ്ങൾ). സി.എം. മുഹമ്മദലി സ്വാഗതവും വി.എം. മുർഷാദ് നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.