ശ്രീനാരായണ കൾചറൽ സൊസൈറ്റിയിൽ നവരാത്രി
ആഘോഷം ഉദ്ഘാടനം
മനാമ: ഈ വർഷത്തെ നവരാത്രി ആഘോഷങ്ങൾക്കും വിദ്യാരംഭ ചടങ്ങുകൾക്കും എസ്.എൻ.സി.എസിൽ തുടക്കമായി. ഒക്ടോബർ 13 വരെ നടക്കുന്ന ചടങ്ങുകളുടെ ഔദ്യോഗികമായ ഉദ്ഘാടനകർമം നവരാത്രി ഒന്നാം ദിവസമായ വ്യാഴാഴ്ച വിശിഷ്ടാതിഥി ഇടുക്കി മുനിയറ മഹാദേവ ക്ഷേത്ര മേൽശാന്തി വിജേഷ് ശാന്തികൾ ഭദ്രദീപം കൊളുത്തി നിർവഹിച്ചു.
എസ്.എൻ.സി.എസ് സിൽവർ ജൂബിലി ഹാളിൽ നടന്ന ചടങ്ങിൽ എസ്.എൻ.സി.എസ് ചെയർമാൻ കൃഷ്ണകുമാർ ഡി. അധ്യക്ഷത വഹിച്ചു. ജനറൽ സെക്രട്ടറി ശ്രീകാന്ത് എം.എസ് സ്വാഗതം ആശംസിച്ചു. വൈസ് ചെയർമാൻ പ്രകാശ് കെ.പി, അസിസ്റ്റന്റ് ജനറൽ സെക്രട്ടറി ഷൈൻ ചെല്ലപ്പൻ, എജുക്കേഷൻ ഫോറം കൺവീനർ രമ്യ ശ്രീകാന്ത് എന്നിവർ ആശംസ പ്രസംഗം നടത്തി.
എജുക്കേഷൻ ഫോറം സെക്രട്ടറി ബിജു പി.സി നന്ദി രേഖപ്പെടുത്തി. ശാസ്ത്രീയ നൃത്തവും സംഗീത നിശയും ചടങ്ങിന് മിഴിവേകി. വിദ്യാരംഭ ദിവസമായ ഒക്ടോബർ 13ന് രാവിലെ 5.30 മുതൽ ഡോ.ബി. അശോക് കുരുന്നുകൾക്ക് നാവിൽ അറിവിന്റെ ആദ്യക്ഷരം കുറിക്കും. രജിസ്ട്രേഷന് താഴെ പറയുന്ന നമ്പറുകളിൽ ബന്ധപ്പെടുക. ബിജു ചന്ദ്രൻ - 3713 4323, രമ്യ ശ്രീകാന്ത് - 3725 9762.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.