ഭി​ന്ന​ശേ​ഷി​ക്കാ​രു​ടെ ക​ഴി​വു​ക​ൾ സമൂഹം പ്ര​യോ​ജ​ന​പ്പെ​ടു​ത്ത​ണം -സാ​മൂ​ഹി​ക വി​ക​സ​ന മ​ന്ത്രി

മ​നാ​മ: ഭി​ന്ന​ശേ​ഷി​ക്കാ​രാ​യ കു​ട്ടി​ക​ൾ​ക്ക് വേ​ണ്ടി പ്ര​വ​ർ​ത്തി​ക്കു​ന്ന ബ​ഹ്‌​റൈ​ൻ സൊ​സൈ​റ്റി​യു​മാ​യി സാ​മൂ​ഹി​ക വി​ക​സ​ന മ​ന്ത്രാ​ല​യം ധാ​ര​ണ​പ​ത്ര​ത്തി​ൽ (എം.​ഒ.​യു) ഒ​പ്പു​വെ​ച്ചു. ഭി​ന്ന​ശേ​ഷി​യു​ള്ള വ്യ​ക്തി​ക​ളു​ടെ തൊ​ഴി​ൽ, ക​ര​കൗ​ശ​ല പു​ന​ര​ധി​വാ​സ സേ​വ​ന​ങ്ങ​ൾ വ​ർ​ധി​പ്പി​ക്കാ​ൻ ല​ക്ഷ്യ​മി​ട്ടു​ള്ള​താ​ണ് ധാ​ര​ണ​പ​ത്രം.

അ​വ​രു​ടെ ക​ഴി​വു​ക​ൾ സ​മൂ​ഹ​ത്തി​ന് പ്ര​യോ​ജ​ന​പ്പെ​ടു​ത്താ​നും ഉ​ൽ​പാ​ദ​ന ശ​ക്തി​യാ​യി അ​വ​രെ മാ​റ്റാ​നു​മാ​ണ് ഉ​ദ്ദേ​ശി​ക്കു​ന്ന​ത്. പൊ​തു, സി​വി​ൽ, സ്വ​കാ​ര്യ മേ​ഖ​ല​ക​ൾ ഉ​ൾ​പ്പെ​ടു​ന്ന വി​ശാ​ല​മാ​യ പ​ങ്കാ​ളി​ത്ത​ത്തി​ന്റെ സ​ഹ​ക​ര​ണ​ത്തോ​ടെ​യാ​യി​രി​ക്കും സം​രം​ഭം. ദേ​ശീ​യ ല​ക്ഷ്യ​ങ്ങ​ളും സാ​മൂ​ഹി​ക​വും വി​ക​സ​ന​പ​ര​വു​മാ​യ നേ​ട്ട​ങ്ങ​ളും ആ​ർ​ജി​ക്കു​ന്ന​തി​ൽ സാ​മൂ​ഹി​ക പ​ങ്കാ​ളി​ത്ത​ത്തി​ന്‍റെ പ്രാ​ധാ​ന്യം സാ​മൂ​ഹി​ക വി​ക​സ​ന മ​ന്ത്രി ഒ​സാ​മ ബി​ൻ അ​ഹ്മ​ദ് ഖ​ലാ​ഫ് അ​ൽ അ​സ്ഫൂ​ർ എ​ടു​ത്തു​പ​റ​ഞ്ഞു.

ഭി​ന്ന​ശേ​ഷി​ക്കാ​രു​ടെ സാ​മൂ​ഹി​ക പ​ങ്കാ​ളി​ത്ത​വും ഉ​ത്ത​ര​വാ​ദി​ത്ത​വും പ്രോ​ത്സാ​ഹി​പ്പി​ക്കു​ന്ന​തി​ൽ സൊ​സൈ​റ്റി​യു​ടെ സ​ഹ​ക​ര​ണ​ത്തെ അ​ദ്ദേ​ഹം പ്ര​ശം​സി​ച്ചു. ഭി​ന്ന​ശേ​ഷി​യു​ള്ള​വ​രെ പി​ന്തു​ണ​ക്കു​ന്ന​തി​നും അ​വ​രു​ടെ അ​വ​കാ​ശ​ങ്ങ​ൾ സം​ര​ക്ഷി​ക്കു​ന്ന​തി​നു​മു​ള്ള മ​ന്ത്രാ​ല​യ​ത്തി​ന്‍റെ ശ്ര​മ​ങ്ങ​ളെ സൊ​സൈ​റ്റി ചെ​യ​ർ​പേ​ഴ്സ​ൻ ശൈ​ഖ റാ​നി​യ ബി​ൻ​ത് അ​ലി ആ​ൽ ഖ​ലീ​ഫ അ​ഭി​ന​ന്ദി​ച്ചു.