കുവൈത്ത് സിറ്റി: കുവൈത്ത് അന്താരാഷ്ട്ര വിമാനത്താവളം വഴിയുള്ള യാത്രക്കാര്‍ക്കായി ആരോഗ്യമന്ത്രാലയം ഇലക്ട്രോണിക് ഹെല്‍ത്ത് ഗൈഡ് തയാറാക്കി.
ആരോഗ്യമന്ത്രാലയത്തിലെ വിദഗ്ധര്‍ തയാറാക്കിയ ഹ്രസ്വസിനിമയും യാത്രക്കാര്‍ ശ്രദ്ധിക്കേണ്ട ആരോഗ്യവുമായി ബന്ധപ്പെട്ട പൊതുനിര്‍ദേശങ്ങളും അടങ്ങുന്നതാണ് ഹെല്‍ത്ത് ഗൈഡ്.
സിവില്‍ ഏവിയേഷന്‍ ഡയറക്ടറേറ്റ് ജനറലും കുവൈത്ത് എയര്‍വേയ്സുമായി സഹകരിച്ച് വിമാനത്താവളത്തിലെ വിവിധ സ്ക്രീനുകളില്‍ ഇത് പ്രദര്‍ശിപ്പിക്കും. ഹെല്‍ത്ത് ക്ളിനിക്കുകളുമായി ബന്ധപ്പെട്ട വിവരങ്ങളും അത്യാവശ്യം ഫോണ്‍ നമ്പറുകളും ഉള്‍ക്കൊള്ളുന്ന
ഗൈഡ് കുവൈത്ത് അന്താരാഷ്ട്ര വിമാനത്താവളത്തില്‍ നടന്ന ചടങ്ങില്‍ ആരോഗ്യ മന്ത്രാലയത്തിലെ മാധ്യമ വിഭാഗം മേധാവി ഗാലിയ അല്‍ മുതൈരി ഉദ്ഘാടനം ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.