കുവൈത്ത് സിറ്റി: കുവൈത്തിലെ ഇറാഖി അധിനിവേശത്തിന്റെ സ്മരണദിനത്തിന്റെ ഭാഗമായി ആരോഗ്യ മന്ത്രാലയത്തിന്റെ (എം.ഒ.എച്ച്) രക്തപ്പകർച്ച സേവന വകുപ്പ് വാർഷിക രക്തദാന കാമ്പയിൻ സംഘടിപ്പിക്കും. ‘ഒരുമിച്ച് എന്നേക്കും, മാതൃരാജ്യത്തിന്റെ മതിൽ 9’ എന്ന പേരിൽ വ്യാഴാഴ്ച കാമ്പയിൻ ആരംഭിക്കും. ജാബ്രിയയിലെ കുവൈത്ത് സെൻട്രൽ ബ്ലഡ് ബാങ്കിൽ രാവിലെ എട്ടു മുതൽ രാത്രി എട്ടു വരെ ക്യാമ്പയിൻ നടക്കും.
33 വർഷം മുമ്പ് നടന്ന ആക്രമണത്തിൽ വീരമൃത്യു വരിച്ച രക്തസാക്ഷികൾക്ക് ആദരാഞ്ജലികൾ അർപ്പിച്ച് ആരോഗ്യമന്ത്രി ഡോ.അഹ്മദ് അൽ അവാധിയുടെ മേൽനോട്ടത്തിലാണ് കാമ്പയിൻ. സെൻട്രൽ ബ്ലഡ് ബാങ്ക്, സൈന്യം, പൊലീസ്, നാഷനൽ ഗാർഡ്, അഗ്നിശമന സേനാംഗങ്ങൾ എന്നിവരുടെ പങ്കാളിത്തം കാമ്പയിനിനുണ്ട്. ഒമ്പതാം തവണയാണ് എം.ഒ.എച്ച് ക്യാമ്പ് സംഘടിപ്പിക്കുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.