കുവൈത്ത് സിറ്റി: പ്രമുഖ സൂപ്പർമാർക്കറ്റ് ശൃംഖല ഓൺകോസ്റ്റ്, തയിബ മാർക്കറ്റ്, ഗൾഫ്മാർട്ട് സൂപ്പർ മാർക്കറ്റ് എന്നിവയുടെ ചീഫ് ഓപറേറ്റിങ് ഓഫിസർ രമേശ് ആനന്ദദാസ് കുവൈത്തിലെ ഇന്ത്യൻ അംബാസഡർ ഡോ. ആദർശ് സ്വൈകയെ സന്ദർശിച്ചു. സഥാപനങ്ങളുടെ പ്രവർത്തനം, പുതിയ ബ്രാഞ്ചുകൾ തുറക്കുന്നത്, പുതിയ വികസന പദ്ധതികൾ എന്നിവ വിവരിച്ചു.
ഇന്ത്യയിൽനിന്ന് അരി, പരിപ്പുവർഗങ്ങൾ, വെളിച്ചെണ്ണ, പഴം, പച്ചക്കറികൾ തുടങ്ങിയവ ഇറക്കുമതി ചെയ്യുന്നതായും വിവിധ ശാഖകളിലൂടെ വിറ്റഴിക്കുന്നതായും ഭാവിയിൽ ഇവ വർധിപ്പിക്കുമെന്നും അറിയിച്ചു. കാറ്ററിങ് മേഖലയിലെ ഓൺകോസ്റ്റ് ഫുഡ് സർവിസ് സേവനങ്ങളും വിവരിച്ചു. വിവിധ ഹോട്ടലുകളിലും സ്ഥാപനങ്ങളിലും ഓൺകോസ്റ്റ് ഫുഡ് സർവിസ് ഭക്ഷ്യയിനങ്ങൾ വിതരണം ചെയ്യുന്നുണ്ട്. കുവൈത്തിലെ ഇന്ത്യൻ ബിസിനസ് മേഖലകളും ചർച്ചയായി.
ഓൺകോസ്റ്റ്, തയിബ മാർക്കറ്റ്, ഗൾഫ്മാർട്ട് സൂപ്പർ മാർക്കറ്റ് എന്നിവ സന്ദർശിക്കാൻ അംബാസഡറെ ക്ഷണിച്ചു. സന്തോഷത്തോടെ ഇത് സ്വീകരിച്ച അംബാസഡർ വൈകാതെ സ്ഥാപനം സന്ദർശിക്കാമെന്ന് ഉറപ്പു നൽകി. ഇന്ത്യൻ എംബസി പൊളിറ്റിക്കൽ ആൻഡ് കൊമേഴ്സ് ഫസ്റ്റ് സെക്രട്ടറി സ്മിത പട്ടേലും സന്നിഹിതയായി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.