കുവൈത്ത് സിറ്റി: കുവൈത്ത് വാർത്തവിനിമയ മന്ത്രാലയം പഞ്ചവർഷ മാർഗരേഖ തയാറാക്കുന്നു. വാർത്തവിനിമയ മന്ത്രി അബ്ദുറഹ്മാൻ അൽ മുതൈരി അറിയിച്ചതാണിത്.ഒൗദ്യോഗിക മാധ്യമങ്ങൾ ശക്തിപ്പെടുത്തുകയും വിവിധ മേഖലകളിൽ കുവൈത്തി യുവാക്കൾക്ക് കരുത്തുപകരുകയും വേണമെന്ന രാഷ്ട്രീയ നേതൃത്വത്തിെൻറ തീരുമാനത്തിെൻറ ഭാഗമായാണ് പഞ്ചവർഷ പദ്ധതി തയാറാക്കുന്നത്.
കുവൈത്ത് ടി.വി, റേഡിയോ, ഇവയുടെ സമൂഹമാധ്യമ രൂപങ്ങൾ എന്നിവ ശക്തിപ്പെടുത്തും. കഴിവുള്ള കുവൈത്തി യുവാക്കളെ മാധ്യമപ്രവർത്തന രംഗത്ത് വളർത്തിക്കൊണ്ടുവരും.
മാധ്യമചരിത്രം, സാംസ്കാരിക പൈതൃകം എന്നിവയിൽ അന്തർദേശീയ തലത്തിൽ കുവൈത്തിെൻറ സ്ഥാനം മെച്ചപ്പെടുത്തുകയും പ്രതിച്ഛായ വളർത്തുകയും ചെയ്യും.പ്രോഗ്രാമുകൾ നിർമിക്കാൻ കമ്മിറ്റി രൂപവത്കരിക്കുകയും വക്താവിനെ ചുമതലപ്പെടുത്തുകയും ചെയ്തിട്ടുണ്ട്. പരിശീലന കോഴ്സുകൾ നടത്തും. അഞ്ചു വർഷത്തെ പദ്ധതി ഒാരോ വർഷവും അവലോകനം നടത്തുമെന്നും മന്ത്രി അബ്ദുറഹ്മാൻ അൽ മുതൈരി കൂട്ടിച്ചേർത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.