വിമാനത്താവളം പൂർണമായി തുറക്കണമെന്ന്​ എം.പി

കുവൈത്ത്​ സിറ്റി: കുവൈത്ത്​ അന്താരാഷ്​ട്ര വിമാനത്താവളം പൂർണമായി തുറക്കണമെന്ന്​ അഹ്​മദ്​ അൽ ഫാദിൽ എം.പി ആവശ്യപ്പെട്ടു. വിവിധ ആവശ്യങ്ങൾക്ക്​ വിദേശത്ത്​ പോവാൻ ആഗ്രഹിക്കുന്ന വിദേശികൾക്ക്​ അതിന്​ അവസരമൊരുക്കണം. കോവിഡ്​ പ്രതിരോധത്തിനായി സമീപ കാലത്ത് ​സ്വീകരിച്ച ചില നടപടികൾ തമാശയാണ്​. റെസ്​​റ്റാറൻറുകളിലും കോഫീ ഷോപ്പുകളിലും അപ്പോയൻറ്​മെൻറ്​ എടുക്കണമെന്നത്​ അത്തരത്തിലൊന്നാണ്​. ജനങ്ങളുടെ ആശങ്ക വർധിപ്പിക്കേണ്ട കാര്യമില്ല. പുതിയ കോവിഡ്​ കേസുകളുടെയും ആശുപത്രിയിൽ ചികിത്സയിലുള്ളവരുടെയും എണ്ണം സ്ഥിരത പുലർത്തുന്നു.

വലിയ തോതിലുള്ള ആശങ്കയുടെ ആവശ്യമില്ലെന്നാണ്​ ഇത്​ തെളിയിക്കുന്നത്​.കോവിഡ്​ വ്യാപക മരണത്തിന്​ കാരണമാവുന്നുവെന്ന ചിന്തക്ക്​ അടിസ്ഥാനമില്ല. ജൂലൈ വരെയുള്ള മരണനിരക്ക്​ മുൻ വർഷത്തേക്കാൾ കുറവാണ്​.ത​െൻറ ഒാഫിസ്​ സ്​റ്റാറ്റിസ്​റ്റിക്​സ്​ പുതുക്കിക്കൊണ്ടിരിക്കുന്നുണ്ട്​. ജനങ്ങളെ ദീർഘകാലം നിയന്ത്രിച്ചുനിർത്തുന്നത്​ ശരിയല്ലെന്നും അഹ്​മദ്​ അൽ ഫാദിൽ എം.പി പറഞ്ഞു.