പ്രചോദന മലയാളി സമാജം മസ്കത്ത് സംഘടിപ്പിച്ച ഓണാഘോഷം
മസ്കത്ത്: പ്രചോദന മലയാളി സമാജം മസ്‌ക്കത്തിന്റെ ആഭിമുഖ്യത്തിൽ ഓണാഘോഷം - 2024 സംഘടിപ്പിച്ചു. സ്റ്റാർ ഓഫ് കൊച്ചിനിൽ വിപുല രീതിയിൽ ആഘോഷ പരിപാടികൾ നടന്നു. വള്ളപ്പാട്ടിന്റെയും , താലപ്പൊലിയുടെയും അകമ്പടിയോടെ മാവേലി എഴുന്നള്ളിപ്പും, അംഗങ്ങൾ അവതരിപ്പിച്ച കലാപരിപാടികളും ആഘോഷത്തിന് നിറമേകി. പ്രസിഡന്റ് അപർണ വിജയൻ അധ്യക്ഷത വഹിച്ചു.
സാംസ്കാരിക സമ്മേളനത്തിൽ രക്ഷാധികാരി സദാനന്ദൻ എടപ്പാൾ ഓണസന്ദേശം നൽകി. വൈസ് പ്രസിഡന്റ് അമർ സാർ, അജിത് കുമാർ എന്നിവർ ആശംസകൾ നേർന്നു സെക്രട്ടറി നിഷ പ്രഭാകരൻ സ്വാഗതവും ജോ. സെക്രട്ടറി വിനീത ബിനു നന്ദിയും പറഞ്ഞു.
പ്രസ്തുത ചടങ്ങിൽ കഴിഞ്ഞ എസ്.എസ്.എൽ.സി, പ്ലസ് ടു, ഡിഗ്രി പരീക്ഷകളിൽ ഉന്നത വിജയം നേടിയ അംഗങ്ങളുടെ മക്കളെ മെമന്റോ നൽകി ആദരിച്ചു. അംഗങ്ങൾ അവതരിപ്പിച്ച തിരുവാതിര ആഘോഷ പരിപാടികൾക്ക് മാറ്റു കൂട്ടി ഓണസദ്യക്കുശേഷം നടന്ന അംഗങ്ങളുടെ ആവേശകരമായ വടംവലി മത്സരത്തോടുകൂടി ഓണാഘോഷത്തിന് പരിസമാപ്തി കുറിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.