ദോഹ: ആകർഷകമായ ഐസ് സ്കേറ്റിങ്ങും പ്രിയപ്പെട്ട ഡിസ്നി കഥകളും നിറഞ്ഞ മാന്ത്രിക നിമിഷങ്ങൾ സമ്മാനിക്കാൻ അത്ഭുതങ്ങളുടെ നൂറ് വർഷങ്ങളുമായി ഡിസ്നി ഓൺ ഐസ് ഖത്തറിലെത്തുന്നു. ജൂലൈ നാല് മുതൽ എട്ടുവരെ ലുസൈൽ മൾട്ടിപർപസ് ഹാളിൽ ഖത്തർ ടൂറിസത്തിന്റെ ആഭിമുഖ്യത്തിലാണ് പ്രദർശനവും പരിപാടികളും സംഘടിപ്പിക്കുന്നത്.
എല്ലാ പ്രായക്കാർക്കും കുടുംബങ്ങൾക്കും കുട്ടികൾക്കും അവിസ്മരണീയ അനുഭവം സമ്മാനിക്കുന്ന മാസ്മരിക പരിപാടിയിൽ ഉയരത്തിൽ പറക്കുന്ന ജമ്പുകൾ, വിപുലമായ പ്രോപ്പുകൾ, അത്യാധുനിക ലൈറ്റിങ് സംവിധാനം, കണ്ണഞ്ചിപ്പിക്കുന്ന സ്പെഷൽ ഇഫക്ടുകൾ എന്നിവയെല്ലാം ഉൾപ്പെടും.ഡിസ്നിയുടെ മൊന, അലാഉദ്ദീൻ, ബ്യൂട്ടി ആൻഡ് ദി ബീസ്റ്റ്, ദി ലിറ്റിൽ മെർമെയ്ഡ്, ദി പ്രിൻസസ് ആൻഡ് ദി ഫ്രോഗ്, സിൻഡ്രല്ല ആൻഡ് ദി സ്ലീപിങ് ബ്യൂട്ടി കഥാപാത്രങ്ങളുടെ സാഹസികത, ധൈര്യം, സ്നേഹം എന്നിവയുടെ ആഘോഷമായിരിക്കും അഞ്ചു ദിവസം നീണ്ടുനിൽക്കുന്ന പരിപാടി വാഗ്ദാനം ചെയ്യുന്നത്. തലമുറകൾ നീണ്ടുനിൽക്കുന്നതും പ്രചോദിപ്പിക്കുന്നതും ആവേശം കൊള്ളിക്കുന്നതുമായ കാഥാപാത്രങ്ങളുടെ വീരോചിത യാത്രകൾ കാണികൾക്ക് അവിസ്മരണീയ മുഹൂർത്തങ്ങളായിരിക്കും സമ്മാനിക്കുക.125 റിയാൽ മുതലാണ് ടിക്കറ്റ് നിരക്ക് ആരംഭിക്കുന്നത്. ടിക്കറ്റുകൾക്കായി tickets.virginmegastore.me/qa സന്ദർശിക്കുക.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.