ഐകെസാഖ് ഓണാഘോഷ പരിപാടിയിൽനിന്ന്
ദോഹ: ഖത്തറിലെ ഇടുക്കി, കോട്ടയം ജില്ലയിൽനിന്നുള്ള പ്രവാസികളുടെ സംഘടനയായ ഐകെസാഖ് ഓണാഘോഷം സംഘടിപ്പിച്ചു. പൊന്നോണം 2022 എന്ന പേരിൽ നടന്ന പരിപാടി ഐകെസാഖ് പ്രസിഡൻറ് പ്രദീപ് തെക്കനാത്ത്‌, സെക്രട്ടറി മഹേഷ് മോഹൻ, അഡ്വൈസറി ബോർഡ് ചെയർമാൻ പി.കെ. മുഹമ്മദ് ബഷീർ, ജോസ്‌മി ദീപു എന്നിവർ ഉദ്‌ഘാടനം നിർവഹിച്ചു.
കലാഭവൻ അഭിലാഷിന്റെ നേതൃത്വത്തിൽ ഗാനമേള, കലാകൈരളി ഖത്തർ നയിച്ച വിവിധ നൃത്തപരിപാടികൾ, അത്തപ്പൂക്കളം, മേളധ്വനി ഖത്തർ നടത്തിയ ചെണ്ടമേളം, വാശിയേറിയ ഓണലേലം, വിവിധ കലാവിനോദ പരിപാടികൾ എന്നിവ ആഘോഷത്തിന്റെ മാറ്റുകൂട്ടി. പ്രോഗ്രാം കോഓഡിനേറ്റർ ജെയ്‌മോൻ കുര്യാക്കോസ്, സിയാദ് കാസിം, സനിത സുലൈമാൻ, ശങ്കർ നായർ ജോഷി, വിനോദ്, ഡോ. റഫീഖ്, ജിഫിൻ പോൾ, ഷംനാദ്, ശ്രീകുമാർ എന്നിവർ പരിപാടികൾക്ക് നേതൃത്വം നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.