പെനാൽറ്റി ഷൂട്ടൗട്ടിലെ ജയവുമായി ഫൈനലിൽ പ്രവേശിച്ച ഖത്തർ എസ്.സി ടീമിന്റെ ആഹ്ലാദം
ദോഹ: ഖത്തറിലെ ഫുട്ബാൾ ആരാധകർ ആവേശത്തോടെ കാത്തിരിക്കുന്ന ആഭ്യന്തര ക്ലബ് ഫുട്ബാൾ പോരാട്ടമായ അമീർ കപ്പിൽ അൽ സദ്ദും ഖത്തർ സ്പോർട്സ് ക്ലബും കിരീടത്തിനായി ഏറ്റുമുട്ടും. കഴിഞ്ഞ ദിവസം നടന്ന രണ്ടാം സെമിഫൈനൽ പെനാൽറ്റി ഷൂട്ടൗട്ടിലേക്ക് നീങ്ങിയപ്പോൾ അൽ ഗറാഫയെ തോൽപിച്ചാണ് ഖത്തർ എസ്.സി ഫൈനലിൽ ഇടം നേടിയത്. നിശ്ചിത സമയവും അധിക സമയവും പിന്നിട്ട മത്സരം 2-2ന് സമനിലയിൽ പിരിഞ്ഞതോടെ കളി ഷൂട്ടൗട്ടിലെത്തുകയായിരുന്നു. അവിടെ, 4-3ന് ഖത്തർ എസ്.സി എതിരാളികളെ വീഴ്ത്തി. ഖത്തർ സ്പോർട്സ് ക്ലബിനായി ബ്രൂണോ തബാത, അലി അവാദ് എന്നിവർ സ്കോർ ചെയ്തു. അൽ ഗറാഫക്കു വേണ്ടി ഫെർജാനി സാസി, യാസിൻ ബ്രാഹിമി എന്നിവരും വലകുലുക്കി. നേരത്തെ ആദ്യ സെമിയിൽ അൽ ദുഹൈലിനെ തോൽപിച്ചാണ് അൽ സദ്ദ് ഫൈനലിൽ പ്രവേശിച്ചത്. മേയ് 24ന് എജുക്കേഷൻ സിറ്റി സ്റ്റേഡിയത്തിലാണ് കിരീടപ്പോരാട്ടം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.