അ​റ​ബ് ഗെ​യിം​സ്; മെ​ഡ​ൽ​കൊ​യ്ത്തു​മാ​യി ഖ​ത്ത​ർ

ദോ​ഹ: അ​ൽ​ജീ​രി​യ​യി​ൽ ആ​രം​ഭി​ച്ച 15ാമ​ത് അ​റ​ബ് ഗെ​യിം​സി​ൽ ഖ​ത്ത​റി​ന് മെ​ഡ​ൽ നേ​ട്ടം. അ​ത്‍ല​റ്റി​ക്സ് പോ​രാ​ട്ട​ങ്ങ​ൾ​ക്ക് തു​ട​ക്കം കു​റി​ച്ച​തി​നു പി​ന്നാ​ലെ​ വി​വി​ധ ഇ​ന​ങ്ങ​ളി​ലാ​യി ഖ​ത്ത​ർ താ​ര​ങ്ങ​ൾ മെ​ഡ​ൽ പ​ട്ടി​ക​യി​ൽ ഇ​ടം​പി​ടി​ച്ചു. ചാ​മ്പ്യ​ൻ​ഷി​പ്പി​ന്റെ മൂ​ന്നാം ദി​ന​മാ​യ വെ​ള്ളി​യാ​ഴ്ച അ​ത്‍ല​റ്റി​ക്സി​ൽ 13 ഇ​ന​ങ്ങ​ളി​ൽ ഫൈ​ന​ൽ കാ​ത്തി​രി​ക്കു​മ്പോ​ൾ ഖ​ത്ത​റി​ന്റെ കു​തി​പ്പി​ന് വേ​ഗ​മേ​റും.

ര​ണ്ടാം ദി​ന​ത്തി​ൽ മൂ​ന്നു പേ​ർ സ്വ​ർ​ണ​മ​ണി​ഞ്ഞു. പോ​ൾ​വാ​ൾ​ട്ടി​ൽ സൈ​ഫ് മു​ഹ​മ്മ​ദ്, 400 മീ​റ്റ​റി​ൽ അ​ഷ്റ​ഫ് ഹു​സൈ​ൻ, ഡി​സ്ക​സ് ത്രോ​യി​ൽ മു​ആ​സ് ഇ​ബ്രാ​ഹിം എ​ന്നി​വ​രാ​ണ് ഒ​ന്നാ​മ​തെ​ത്തി മെ​ഡ​ൽ​കൊ​യ്ത്തി​ന് തു​ട​ക്കം കു​റി​ച്ച​ത്. 110 മീ​റ്റ​ർ ഹ​ർ​ഡ്ൽ​സി​ൽ ഖ​ത്ത​റി​ന്റെ ത​ന്നെ ഉ​മ​ർ ദാ​വൂ​ദ് വെ​ങ്ക​ലം നേ​ടി​യി​രു​ന്നു. 5.51 മീ​റ്റ​ർ ചാ​ടി​യാ​ണ് സൈ​ഫ് അ​ബ്ദു​ൽ സ​ലാം പോ​ൾ​വാ​ൾ​ട്ടി​ൽ ഉ​യ​ര​ങ്ങ​ൾ കീ​ഴ​ട​ക്കി​യ​ത്.

ഡി​സ്ക​സി​ൽ മു​ആ​സ് ഇ​ബ്രാ​ഹിം 62.48 മീ​റ്റ​ർ ദൂ​രം താ​ണ്ടി. പാ​രാ അ​ത്‍ല​റ്റി​ക്സ് ഹൈ​ജം​പി​ൽ ഖ​ത്ത​റി​ന്റെ ഹം​ദി അ​ൽ അ​മീ​ർ വെ​ള്ളി​യും ഷോ​ട്ട് പു​ട്ടി​ൽ അ​ബ്ദു​റ​ഹ്മാ​ൻ അ​ബ്ദു​ൽ ഖാ​ദി​ർ വെ​ങ്ക​ല​വും നേ​ടി. ജൂ​ലൈ 15 വ​രെ ന​ട​ക്കു​ന്ന അ​റ​ബ് ഗെ​യിം​സി​ൽ 22 അ​റ​ബ് രാ​ജ്യ​ങ്ങ​ളി​ൽ നി​ന്നാ​യി 3500 അ​ത്‍ല​റ്റു​ക​ളാ​ണ് മ​ത്സ​രി​ക്കു​ന്ന​ത്.

17 ഇ​ന​ങ്ങ​ളി​ലാ​യി ഖ​ത്ത​റി​ന്റെ 104 കാ​യി​ക താ​ര​ങ്ങ​ൾ പോ​ര​ടി​ക്കു​ന്നു​ണ്ട്. അ​ത്‍ല​റ്റി​ക്സ് മ​ത്സ​ര​ങ്ങ​ൾ​ക്ക് വെ​ള്ളി​യാ​ഴ്ച സ​മാ​പ​ന​മാ​വും. ബു​ധ​നാ​ഴ്ച രാ​ത്രി​യി​ൽ നി​റ​പ്പ​കി​ട്ടാ​ർ​ന്ന ഉ​ദ്ഘാ​ട​ന ച​ട​ങ്ങു​ക​ളോ​ടെ​യാ​ണ് 15ാമ​ത് അ​റ​ബ് ഗെ​യിം​സി​ന് തു​ട​ക്കം കു​റി​ച്ച​ത്. പ​​ങ്കെ​ടു​ക്കു​ന്ന മു​ഴു​വ​ൻ രാ​ജ്യ​ങ്ങ​ളു​ടെ​യും കാ​യി​ക താ​ര​ങ്ങ​ൾ അ​ണി​നി​ര​ന്ന മാ​ർ​ച്ച് പാ​സ്റ്റും വി​വി​ധ ക​ലാ​പ​രി​പാ​ടി​ക​ളും അ​ര​ങ്ങേ​റി. ബോ​ക്സി​ങ് ചാ​മ്പ്യ​ൻ അ​ബ്ദു​ൽ ഹാ​ദി അ​ൽ മ​ർ​റി​യാ​യി​രു​ന്നു ഖ​ത്ത​റി​ന്റെ പ​താ​ക വാ​ഹ​ക​ൻ.