വെ​ടി​നി​ർ​ത്ത​ൽ ദൗ​ത്യ​വു​മാ​യി ബ്ലി​ങ്ക​ൻ ദോ​ഹ​യി​ൽ

ദോ​ഹ: ഗ​സ്സ വെ​ടി​നി​ർ​ത്ത​ൽ സാ​ധ്യ​മാ​ക്കു​ന്ന​തി​നു​ള്ള മ​ധ്യ​സ്ഥ ച​ർ​ച്ച​ക​ൾ ഊ​ർ​ജി​ത​മാ​കു​ന്ന​തി​നി​ടെ അ​മേ​രി​ക്ക​ൻ വി​ദേ​ശ​കാ​ര്യ സെ​ക്ര​ട്ട​റി ആ​ന്റ​ണി ബ്ലി​ങ്ക​ൻ ദോ​ഹ​യി​ലെ​ത്തി.

ക​ഴി​ഞ്ഞ​യാ​ഴ്ച ന​ട​ന്ന ദോ​ഹ ച​ർ​ച്ച​യു​ടെ തു​ട​ർ​ച്ച​യാ​യി മ​ധ്യ​പൂ​ർ​വേ​ഷ്യ​ൻ രാ​ജ്യ​ങ്ങ​ളി​ലേ​ക്കു​ള്ള സ​ന്ദ​ർ​ശ​ന​ങ്ങ​ളു​ടെ ഭാ​ഗ​മാ​യാ​ണ് ബ്ലി​ങ്ക​ൻ ചൊ​വ്വാ​ഴ്ച രാ​ത്രി ദോ​ഹ​യി​ലെ​ത്തി​യ​ത്. കൈ​റോ​യി​ൽ ന​ട​ക്കേ​ണ്ട ര​ണ്ടാം ഘ​ട്ട ച​ർ​ച്ച സം​ബ​ന്ധി​ച്ച് അ​നി​ശ്ചി​താ​വ​സ്ഥ തു​ട​രു​ന്ന സാ​ഹ​ച​ര്യ​ത്തി​ൽ ഇ​സ്രാ​യേ​ലി​നെ​യും ഹ​മാ​സി​നെ​യും ക​രാ​റി​ലെ​ത്തി​ക്കാ​നു​ള്ള ശ്ര​മ​ങ്ങ​ളു​ടെ ഭാ​ഗ​മാ​യാ​ണ് ബ്ലി​ങ്ക​ന്റെ സ​ന്ദ​ർ​ശ​ന​ങ്ങ​ൾ. തി​ങ്ക​ളാ​ഴ്ച ഇ​സ്രാ​യേ​ലും ഈ​ജി​പ്തും സ​ന്ദ​ർ​ശി​ച്ച ശേ​ഷ​മാ​യി​രു​ന്നു ദോ​ഹ​യി​ലേ​ക്കു​ള്ള യാ​ത്ര.

വെ​ടി​നി​ർ​ത്ത​ലും ബ​ന്ദി​മോ​ച​ന​വും ഉ​ൾ​പ്പെ​ടു​ന്ന മ​ധ്യ​സ്ഥ ക​രാ​ർ അ​വ​സാ​ന ഘ​ട്ട​ത്തി​ലാ​ണെ​ന്നും, ച​ർ​ച്ച​യു​ടെ അ​ടി​സ്ഥാ​ന​ത്തി​ലെ നി​ർ​ദേ​ശ​ങ്ങ​ൾ ഇ​സ്രാ​യേ​ൽ അം​ഗീ​ക​രി​ച്ച​താ​യും അ​ദ്ദേ​ഹം പ​റ​ഞ്ഞു. ച​ർ​ച്ചാ നി​ർ​ദേ​ശ​ങ്ങ​ൾ ഹ​മാ​സി​നെ​യും അം​ഗീ​ക​രി​പ്പി​ക്കാ​നു​ള്ള ശ്ര​മ​ങ്ങ​ളു​ടെ ഭാ​ഗ​മാ​യാ​ണ് ബ്ലി​ങ്ക​ന്റെ സ​ന്ദ​ർ​ശ​ന​ങ്ങ​ൾ.

ദോ​ഹ​യി​ൽ ഖ​ത്ത​ർ വി​ദേ​ശ​കാ​ര്യ സ​ഹ​മ​ന്ത്രി ഡോ. ​മു​ഹ​മ്മ​ദ് ബി​ൻ അ​ബ്ദു​ൽ അ​സീ​സ് അ​ൽ ഖു​ലൈ​ഫി​യു​മാ​യി കൂ​ടി​ക്കാ​ഴ്ച ന​ട​ത്തി. ആ​സ്ട്രേ​ലി​യ, ന്യൂ​സി​ല​ൻ​ഡ് സ​ന്ദ​ർ​ശ​ന​ത്തി​ലു​ള്ള പ്ര​ധാ​ന​മ​ന്ത്രി​യും വി​ദേ​ശ​കാ​ര്യ മ​ന്ത്രി​യു​മാ​യ ശൈ​ഖ് മു​ഹ​മ്മ​ദ് ബി​ൻ അ​ബ്ദു​ർ​റ​ഹ്മാ​ൻ ആ​ൽ ഥാ​നി​യു​മാ​യി ബ്ലി​ങ്ക​ൻ ഫോ​ണി​ൽ ആ​ശ​യ വി​നി​മ​യം ന​ട​ത്തി. വെ​ടി​നി​ർ​ത്ത​ൽ ച​ർ​ച്ച​യി​ലെ നി​ല​വി​ലെ സാ​ഹ​ച​ര്യ​വും മ​റ്റും ഇ​രു​വ​രും സം​സാ​രി​ച്ച​താ​യി ഖ​ത്ത​ർ ന്യൂ​സ് ഏ​ജ​ൻ​സി റി​പ്പോ​ർ​ട്ട് ചെ​യ്തു.